[quote]Originally posted by [i]trista_cheong[/i] at 2007-1-18 09:39 PM:
我睇完你個故事﹐喊到成隻豬咁:... [/quote]
我一路最揮之不去既......就係我同佢講分手嗰晚.....
嗰日我放工去新屋打點一下(我入伙前第二日)...佢同佢阿媽己經响度......
我一入去....佢阿媽就走......(因嗰排我同佢之間氣氛都比較緊張.....我估佢同佢阿媽都7感覺得到.....)...佢响廳, 我响房.....三個鐘我一句嘢都冇同佢講過.....(因我好想狠下心但狠唔到,又唔想俾假希望佢.....)九點幾.....我想叫佢去食飯......初初見唔到佢....跟住我發現佢坐响個大紙盒(個紙盒大半個人甘高)後面喊緊.....嗰一刻我心好痛....我知我立心不定狠不下心係會越傷佢越深.....我作咗決定.....
我車佢返屋企....泊好車之後....我同佢行返佢屋企.....我就同佢講分手......
我記得我識佢十年.....從來都冇同佢講過一句又一句狠到冇得再狠既說話......
我哋响街爭辯咗好耐......我越講得狠.....個心痛到真係........佢喊...我心一軟, 但我又即刻同自己講"差少少就成功....堅持!!"...最後佢知點講都冇用...佢攬住我同我講"如果你第日覺得寂寞, 你想揾我...你記得要揾返我....唔好覺得對我唔住或乜嘢自私...你記得..知唔知呀.....我真係好唔捨得你呀.....".....我攬住佢我都喊.....但我冇答到佢....因我覺得我覺得我係罪人.....要衰就徹底衰埋最後一次...唔好再傷佢....我放底佢目的都係要佢將來開開心心啫...之後...佢上咗屋企....我楂車走...一路都喊住...連路都睇唔到.....
嗰晚我上咗新屋冇返屋企....一路諗一路喊...一路飲吓又一枝飲吓又一枝紅酒.......
上年三月到而家......差唔多一年......我一啲都冇好過......
就連兩個月前我賣咗我部車,交車時我都仲好記得....嗰晚.....兩個人上車.....我一個人走....之後佢都冇再坐過响我隔離.......
但願佢...有好既將來........
日日都諗佢嗰句說話...."如果你第日覺得寂寞, 你想揾我...你記得要揾返我....唔好覺得對我唔住或乜嘢自私...你記得..知唔知呀.....我真係好唔捨得你呀..."
每次都好心痛....每次都眼濕濕.......
所以.....佢一定開開心心......甘先至會有價值.......
[[i] Last edited by HansChan on 2007-1-19 at 12:03 AM [/i]]
非常同意。
有時不珍惜，無時覺可惜。
i liked a girl since i was 15 years old.......and now me dou 21 lah....i have another girlfriend...but i still like this girl...but now she's with another guy la
一個人愛過痛過, 又怎會有後悔?
可唔可以一路上進一路拍拖..
不過我睇到都覺得心痛
[[i] Last edited by Legendrick on 2007-1-23 at 01:31 PM [/i]]
祝君好:(:(:(
寧願沒擁抱共你可到老
任由你來去自如在我心底仍愛慕
如若踫到他比我好 只望停在遠處祝君安好
雖不可親口細訴
[size=6]不在乎天長地久，只在乎曾經擁有．
不在乎永恒不變，只在乎剎那情投．[/size]
[quote]Originally posted by [i]新經濟學巨人[/i] at 2007-1-23 21:58:
[size=6]不在乎天長地久，只在乎曾經擁有．
不在乎永恒不變，只在乎剎那情投．[/size] [/quote]
講就易姐．．．做就．．．我相信難於登天。
全世界都唔知有幾多人做到。
[quote]Originally posted by [i]155220[/i] at 2007-1-23 09:59 PM:
講就易姐．．．做就．．．我相信難於登天。
全世界都唔知有幾多人做到。 [/quote]
愛情故仔講：與你／妳結婚的人，他／她並非你的終身至愛．．．．:cry:
[quote]Originally posted by [i]新經濟學巨人[/i] at 2007-1-23 22:01:
愛情故仔講：與你／妳結婚的人，他／她並非你的終身至愛．．．．:cry: [/quote]
我相信呢樣野好易會變．．．
真愛真愛．．．世界稀有。
[quote]Originally posted by [i]新經濟學巨人[/i] at 2007-1-23 10:01 PM:
愛情故仔講：與你／妳結婚的人，他／她並非你的終身至愛．．．．:cry: [/quote]
我有時會諗......為結婚而結婚....會點呢??
又或者......同一個唔係最愛既人結婚會同一個最愛既人結婚分別何在?
若要話同最愛的人結婚會最開心同對對方最好.......甘同一個唔係最愛既人結婚甘對方咪好慘?
[quote]Originally posted by [i]HansChan[/i] at 2007-2-11 10:09 PM:
我有時會諗......為結婚而結婚....... [/quote]
好多嘢都好難講,我同之前果女仔到而家一句說話都未講過:cry::cry::cry:
**** 作者被禁止或刪除 內容自動屏蔽 ****
試過了:cry::cry:所以我而家學識要把握眼前人
[quote]Originally posted by [i]derek23[/i] at 2007-2-27 05:53 PM:
試過了:cry::cry:所以我而家學識要把握眼前人 [/quote]
哩吓嘢好要.......個個都應該銘記!
嗰件事後.....我日日都叫自己要過新生活......
但都係失敗.........
所以識日珍惜.......係緊要過所有嘢..................
我都有= =我同我中意個女仔係中二時好fd,fd到好似拍拖咁= =,不過我怕衰冇同佢講= =
到左而家佢令左,索左,但佢已經同我唔fd了,佢都有仔了= =
(痛哭中> <.......................)
唔經唔覺.....我冇嘢做都成四個幾五個月.......一路都有揾.....一路都俾人reject.......話我掂但貴請唔起.....其實我都只係要求返我既年資既市價...只係啲公司短視.....寧願請啲平啲冇驗做唔到嘢既, 都唔肯用正常價請一個有經驗既人......悲!
哩段日子真係好難過.....我真係冇想過我而家會難過到甘......同佢分手仲有二十一日就夠一年.........一年前.......我就已經預算到我而家既生活會甘.....响我唔想佢為我苦同受佢屋企人既壓力底下...我好狠甘放低佢...我預咗會難過.....只係...今時今日,我一面自己為自己既處境難過, 一方面,我依然受住冇咗佢痛苦...我真係好辛苦...
瞓唔著...岩岩拎返05年同佢去日本時影既相出黎睇....之前睇過好幾次....而岩岩...我真係睇出一種新感受...佢嗰時..面上面冇憂冇慮...喜怒形於色...開心既樣似一個細路女攞到自己想要既嘢.....我楂機耐得滯佢不悅既樣似足一個扭緊計既細路女......以前我會惱佢經常為一啲小問題而將一幅不悅既樣放响面上...但我正話睇到既係我笑住落出黎既幾滴眼淚..
自己一個人苦好過佢陪我一齊苦...我依然覺得我一年前係做得岩...只係...我真係好掛住佢..
同時間...我亦好擔心打後日子...
好辛苦...晚晚唔飲酒都瞓唔到三句鐘...
罷了!
只是瞓唔著..我又唔慣突登打俾朋友傾哩啲嘢...
手痕打吓嘢啫...之前睇過我經歷既朋友同冇睇我既經歷既朋友打攪晒!
(版主可以delete咗佢的...打攪了!)
世上有d多森林
一定搵到一棵樹岩你
HansChan ﹐即然你咁自私﹐何不徹底的自私﹗﹗繼續前緣﹐話知以後發生任何事。。。(世事無絕對﹗﹗)。。。
你不可以擔保(沒有你)她的生活會好過點。。。。係你個人認為姐。。。
你不可以擔保(同你一起)她的生活不會好。。。係個信心問題。。。發覺你係一個非常悲觀的人。。。逃避問題﹖﹖
其實你有無替她想下﹐你的“精心”安排是否她真正需要﹖﹖
[quote]Originally posted by [i]HansChan[/i] at 2007-3-3 03:31 AM:
唔經唔覺.....我冇嘢做都成四個幾五個... [/quote]
每次睇到你打ge o野…… 我都會有一種想喊ge 感覺……:(:(:(