快d睇下邊個係屬於你嘅地鐵站啦....
[color=Orange][size=6][b]各位鹹濕brother, 快d睇下邊個係屬於你嘅地鐵站啦... :dev::dev::dev:[/b][/size][/color][color=Purple][size=6][b]你的生日日期：你屬於的地鐵站[/b][/size][/color]
[size=3][b]１：上環／中環
２：金鐘／尖沙咀
３：佐敦
４：油麻地
５：旺角／太子
６：深水埗
７：長沙灣
８：荔枝角
９：美孚
１０：荔景
１１：葵芳
１２：葵興
１３：大窩口/荃灣
１４：石硤尾
１５：九龍塘
１６：樂富
１７：黃大仙
１８：鑽石山
１９：彩虹
２０：九龍灣
２１：牛頭角
２２：觀塘
２３：藍田/則魚涌
２４：灣仔
２５：銅鑼灣
２６：天后
２７：炮台山
２８：北角
２９：太古
３０：西灣河
３１：筲箕灣/杏花/柴灣[/b][/size]
[[i] Last edited by BarristerSpring on 2006-10-3 at 09:21 AM [/i]] [color=Red][b][size=6]１‧上環／中環：花心一哥[/size][/b] [/color]
性格：
同中上環Ｄ高樓商業大廈一樣，好有創造力，
成日想做一哥，鍾意向新事物挑戰，不成功便成仁。
之但係另一面你，其實又好怕無敵是最寂寞，
成功之後又驚失去其他野。人無十全十美，
好心你就唔好自我澎漲得咁勁啦！
否則做人最後就算得到所有名利，都會孤獨唔開心！
(十足十創世紀咁)同時你份人本質鍾意向新事物挑戰，
所以唔多鍾意同屋企人住，想靜靜地但又姣婆守唔到寡，
幸好你下半世都會有安定生活過，唔係都幾頭痛！
愛情：
會有D欣賞你孤獨氣質的人鍾意你，未來都會有幸福家庭。
但係因為你太過怕孤獨，為左有番D安全感，
好容易投懷送抱俾第三、四者，小心婚外情呀！
通常上環/中環的女性同子女都無乜緣份，好彩D仔女算醒目扮下孝順。
而妳自己個樣又青春常駐，成日都咁後生，幾襟老！
[color=Green][size=6][b]２‧金鐘／尖沙咀：恨嫁開心果[/b] [/size][/color]
性格：
你份人好敏感、隨和，又愛好和平，兼且有第六感。
基本上你係一個好有理想同計劃的人，可惜世事往往同現實有距離。
事關無論之前你點計劃舖條路走，但係行到一半，
自自然就會轉去做第二件事，好似去到金鐘就要轉車咁、
完全唔受你自己控制，所以成日覺得做人好矛盾，
懷疑自己係咪有雙重性格，不過可以答你：唔係！
純粹係命運安排玩你唧！你可以令到周圍的人開心，
又喜歡做和事佬幫人排解糾紛，可惜好多時物極必反，
令自己好易做人無晒信心，只係識得為人設想，勉強無幸福呀！
愛情：
同性格一樣，物質行先！女仔最想嫁有錢佬，結果嫁著個窮鬼。
雖然同另一半相處好似好好，其實鬧交多過食飯。
好相信自己的第六感，一睇中就當正係真命天子，
到頭來同理想相差一大截，又因為咁而成日感覺受傷害。
係咪幸福要睇你自己點睇咯！
[color=Orange][size=6][b]３‧佐敦：神經藝術家[/b][/size] [/color]
性格：
溫柔有幽默感，仲好有創造力同藝術感，凡事要追求完美。
唉！世事邊有咁理想？你會係事業就算好成功，
但係唔識得平衡處理，結果反而唔討好其他人，
變相令自己仲乞人憎，立場尷尬。就好似佐敦站咁，
乜都有Ｄ、但又唔知算係乜區，因此令你個人好界燥，
不斷煩呢煩路無覺好。另外你又係一個嚴重缺乏安全感既人，
仲好易對一件事物或人厭倦，成日要搵新刺激。
做人好多時都唔定主意，有少少懶散又帶D神經質，
至麻煩係你好貪慕虛榮同易妒忌人，自己執生啦！
愛情：
男女都好容易踩落三角戀陷阱。如果你係男性，
同三個人合作做生意最好，搞三角戀就可免則免！
無謂浪費精力而影響事業。女性似乎無可避免一定會出現三角關係，
最大可能會成日因為呢個問題同丈夫嘈到離婚，不過唔駛驚喎！
離開之後明天可能會更好呀！係你就係你，唔係你霸住把鬼咩！？
[color=Purple][size=6][b]４‧油麻地：規律悶蛋[/b][/size][/color]
性格：
生活有規律，四平八穩之人。唔鍾意投機取巧，
係真正靠努力一分一毫搵番黎實幹型人仕。
對事物要求實用性多過外觀，又好果斷判事情。
勤奮又易得上司信任。大致上講似油麻地咁，
街坊得黎又貼住個市、係個唔貪慕虛榮，實事求事既人。
可惜因為太誠實、坦率、公正，變成默守成規，
人地唔明白就當你頑固不可救藥，對人又唔得圓滑世故。
過於克制自己感情同財政各方面，變得同人有隔膜唔易滿通，
要學下點變通先得！
愛情：
基本上愛情路上暢通無乜阻滯，同伴侶會開花結果。
但係過份偏激，又容易同時一腳踏幾船，
原本好地地都會搞出個大頭佛，甚至令自己精神崩潰。
所以同你夢想中既愛情有好大出入，好可能反方向而行，
亦舒金句：相愛一個人，與之結婚生子又是另一個人！
[color=Brown][size=6][b]５‧旺角／太子：瀟灑情聖[/b][/size] [/color]
性格：
唔安於現狀，要不斷向新事物挑戰，酷愛自由自在又刺激既生活，
直情就係旺角/太子既寫照。最鍾意周圍去旅行，
從中見識新事物，係充滿精力既人。多才多藝之餘，
仲好識交際，永遠追得上潮流。可惜你缺點實在太多！
做人唔負責任，開左個頭就走左去。成日執著某D事，
譬如一心二用，到頭來只係得一件事成功。
做事無耐性又唔夠細心，又唔得集中精神。
所以你一生會大起大跌無數次，幸好晚年運都算幾好，
唔係真係戥你擔心呀！
愛情：
因為過份心散又一心二用，拍緊拖都掛住做第二樣野，
試問另外果一半點忍得你呢？雖然你好有冒險同試新精神，
身上無形散發出一股魅力吸引異性，
之不過最後可唔可以到尾．．．．．自己諗啦！
[color=Maroon][size=6][b]６‧深水埗：驕傲固執王[/b][/size] [/color]
性格：
同深水埗一樣，俾人以為你古怪難接近，
查實本身係個有同情心，喜歡關心人的理想主義者。
你又好有藝術同創造力，好適合在娛樂圈同設計行業發展。
最特別係幸運之神好眷顧你，
因為你條命整定成日會遭遇唔少危險事物或者人，
但係每次都能夠逢凶化吉。你又好識遷就人，所以得唔少人信任。
不過因為你太有藝術家脾氣，變得判斷事物唔得客觀理智，
過份偏執同要求完美，於是令人覺得你太以自我為中心，
無乜責任感同自私。仲有呀！你太過鍾意理人閒事，
咁會不知不覺樹敵，仲慒閉閉以為人地會讚你好人潻！
愛情
可能幸運之神太眷顧你！所以無論感情定工作，
只會跟自己喜好去選擇。因為咁，俾人迷惑機會大大增加，
正所謂一失足成千古恨，自己醒定D啦！
同時唔好太驕傲自滿，否則幾好的伴侶都同你say sayonara。
一句講晒，有風唔好駛盡悝。
[color=LimeGreen][size=6][b]７‧長沙灣：苦戀王[/b] [/size][/color]
性格：
你份人思考同分析力都好強，又鍾意批評人，一切都要追求完美。
大部份長沙灣站既人，先天已有才能，事業會有成。
表面睇你仲係一隻不死鳥，遭遇十分幸運。
然而，呢D幸運係有代價！因為無論你事業上點成功都好，
背後一定有D不為人知既不幸降臨係你身上，
唔係感情就係家庭出現重大變化，
令你一生都要背負住身體或者心靈上既創傷，
仲要俾人錯覺你係好幸福既人咁生存落去。
有無解救方法？因為呢D就係你既宿命，幾痛苦既人生。
愛情：
你愛人愛得好痛苦，甚至要比平常人付出更多更多先得到所愛。
以為從此可以過幸福生活？唔係呀！好可能到頭來落得一場空。
長沙灣既人，大多數唔係同情人分離就係無下一代，
又或者不斷俾所愛既人背叛，搵你寫愛情大悲劇就最適合！
[color=Orange][size=6][b]８‧荔枝角：幸福野心家 [/b][/size][/color]
性格：
你係一個好勝又好大野心既人，先天性已經鍾意支配周圍既人，
又要追求物質同安全感。無疑你係幾有做事計劃同組織能力，
最好做生意或者從事法律等等既行業，係商界會係主管級人馬。
為人又好識得好天斬埋落雨柴，勤力得黎仲好識衡量價值，
最喜歡睇心靈雞湯，然之後扮晒心理專家去指導人。
不過係人地眼中睇，你其實幾自私自利，
唔會體諒他人立場同難處。故此你既人生趨向於自我滅亡，
就算你既愛情、事業幾如意都好，
你一定會失去一D對你好重要寶貴既野，
到時恨錯難返，祝你好運啦！
愛情：
你幸運在會有支持而又愛你既伴侶，可惜物極必反，
當對方得到你個心，自自然就要番你一D野做交換。
如果你能夠忍到，又夠大膽積極，兼且幸運之神眷顧你，
應該可以大步檻過，得到幸福美滿家庭。
[color=Green][size=6][b]９‧美孚：遲婚強人[/b][/size] [/color]
性格：
你好相信命運安排，而命運又偏偏喜歡玩你，
真係天生一對呀！事關你一生會不斷遇到大大小小挫折，
不過憑住你豐富既創造同毅力，個天塌落唻都可以俾你頂住，
認真厲害、就似咁多年風風雨雨、美孚仍然係優質筍盤咁。
所以係美孚車站Ｄ人，好多時係靠自己力量改變既命運都唔知，
最後竟然可以俾你扭轉埋頹勢。據調查所得，
做建築或者挽救將會倒閉公司既大企業家，好多都係美孚站人！
你既缺點係做人易緊張、憂愁，仲有少少自卑感，
連帶負面既自私都出埋。做人難以自我控制，較為情緒化同敏感潻！
愛情：
男性因為有才能而吸引唔少異性。女性因為太女強人，
所以大部份屬遲婚或者單身人仕，如果肯變得溫柔D，
可能會有意想不到效果。又或者由朋友介紹相睇，
較大機會搵到理想對象。總之唔好太計較伴侶唔夠你叻，
略為遷就就有幸福！
[color=Blue][size=6][b]１０‧荔景：孤獨富翁[/b][/size] [/color]
性格：
精力過人有領導同創造力，為人樂觀、勇敢有說服力，
對人太好，對事業有野心。對事物睇法另有自己一套世界觀，
就算旁人反對，仍然一意孤行，所以有時唔受歡迎。
因為你太過鍾意向高難度挑戰，加上有良好背景支撐，
所以必定光芒四射成為巨富，可以達到理想目標。
係人地眼中你已經係好幸福，但係你就永遠都覺得唔夠，
又容易對一件事生厭，點都要搵第二D填補你既空白，
成日要求所做既行業成為行中表表者。但係你好易恐懼，
無乜安全感同喜歡勉強自己而為，仲幾驕傲自大。
幸好你一生接觸唔少大事，先令你無咁自我為中心呀！
愛情：
最大機會係朋友介紹認識或者相睇搵到另一半。
不過情海多翻波，更加容易發生醜聞，可以講係悲劇。
就算有錢有面都會感情失落，只有羨慕人地，
好多時會出師未折身先死，戥你凄涼呀！
[color=Teal][size=6][b]１１‧葵芳：冷感情人[/b][/size][/color]
性格：
非常咁精力旺盛又好外向活潑，
為人聰明又樂於助人、同葵芳一樣係新城市精神。
你好相信自己既直覺，好多時因為咁而令你打敗對手。
自信得黎又可以自我控制，識得點樣順天而生，幾難得架！
因為你既體力成日處於顛峰狀態，令到其他人未必能夠配合到你。
最弊係你過於情緒化、神經質，
兼且你其實一D都唔知自己真正想要乜，無形中有時會受制於人。
另一方面，你唔係一個好誠實，仲略帶自私既人。
愛情：
通常都會搵到年齡相近又趣味相投既伴侶，如果對方無相同能力，
你眼尾都費事望佢一眼。基本上你份人重視工作多過愛情，
做你伴侶之餘亦要係好既工作伙伴。
最特別係你地多數係獨生子女，搵另一半都係獨生子女居多。
[color=Brown][size=6][b]１２‧葵興：致命戀人[/b][/size] [/color]
性格：
雖然係個好講原則的人，但係你又好識圓滑咁同人相處！
葵興地鐵站Ｄ人多數係優良家庭中成長，好受朋友、同學歡迎，
但係同家庭關係無咁好，俾父母當係反叛青年。
可以在大公司有晉升機會，不過其實最好做自由職業，
唔駛坐死寫字樓最正，又或者搞小型公司做老細都得。
事關你D脾氣幾古怪，唔係咁合群，又好易對事物有過敏反應，
人一睇就知你無乜自信同自尊心，所以想鞏固自己，
就要拿出勇氣建立自信。總括一句：起跌無常，煩惱一生。
愛情：
失戀對你講簡直係食生菜咁食。雖然最後你都可以結到婚，
仲有一段和平安穩的晚年，但係衰在臨老非常痛苦，
女性多數生得靚，男性就鍾意將祕密收埋收埋，
連老婆都唔知你有幾多身家，駛唔駛咁神祕？
[color=Pink][size=6][b]１３‧大窩口/荃灣：野心行動王[/b] [/size][/color]
性格：
精力充沛又好有野心，鍾意向難度挑戰，亦因為你份人夠勤力，
所以好多時都會俾你挑戰成功、發展成荃灣一樣既大型衛星城市。
有想像力同埋熱愛自由，不過如果想將來自己既創新意念變成事實，
唔該你做人實際少少。你既事業方面發揮到你既獨特構想，
非常咁吸引到人支持你，所以合作伙伴唔少，最適合做娛樂界！
但係另一方面既你，做事略為衝動左D，
有時顛起上唻連老豆都無情講，又鍾意扮大哥發號司令，
可能背後俾人篤到背脊爛晒。奉勸一句，做人謙虛D無壞。
愛情：
幾愛對方都好，唔做足事前準備就點都唔會亂郁。
可能因為咁，雖然命中感情多波折，
但係去到最後都俾你排除萬難解決到，
要俘虜對方簡直易如反掌。
[color=Blue][size=6][b]１４‧石硤尾：冷漠工作狂[/b][/size] [/color]
性格：
為人行事果斷、勤奮，算係有頭腦既人。
富幻想力之餘又講求實際，所以無論工作或者學業都有成績。
係外人眼中，你係非常幸運，甚至令人妒忌潻！
不過認真講，你呢D唔係幸運，應該係強運至真，
事關前面有無數危機等緊你，可以講得煩惱重重等你解決，
幸好以你非比尋常人既直覺同才能，始終都可以逢凶化吉。
強運背後，其實穩藏住好大危機，因為你要不斷向前行，
當到達一個特定目的，再無其他新野可以刺激到你，
高峰過後可能無晒人生樂趣，跟住做埋傻事都唔出奇。
控制下自己啦！世界多美好呀！
愛情：
你份人對工作過份投入，想搵另一半已經因難。
就算俾你搵到，成日顧住工作，試問對方仲會唔會留你身邊呀？
唔好乜都以事業行先，試下下身邊人感受，
咪第日人走左，你又鑽牛角尖呀！
[color=Navy][size=6][b]１５‧九龍塘：多變萬人迷[/b] [/size][/color]
性格：
九龍塘站既你同車站一樣有Double choice，可以轉火車入新界，
又可以口趙聲過左海，天生性格雙重，
一方面你會好有責任心完成所有工作，仲好樂於助人。
但係太過自我為中心，有時完全唔理人感受，
令人覺得你唔負責任。事業上你好有野心，
不過好多時拿不定主意，有創意之餘又會有D默守成規，
係咪好雙重呢？另外你多數會處於領導地位，
係自己個行頭會出名。做事喜歡憑直覺，唔多理背後有無危機，
好彩多數都俾你過到關。同埋大部份人都唔會出生於優良家庭，
總之不過不失，有煩惱都解決到。男女都好有才華，係做老板材料。
愛情：
九龍塘
好受異性歡迎，可惜太驕傲！尤其係女性，
雖然係所有人面前得到認同，但係婚後生活肯定出問題，
故此要搵個要以你為榮，又十分支持你既對象至成事。
奉勸閣下溫柔D，盡量體諒對方，咪當人遷就你係應份既。
[color=Maroon][size=6][b]１６‧樂富：花弗企業家[/b][/size] [/color]
性格：
基本上同樂富站一樣都係有唔同性格風貌，算係多面人。
一方面你好合群又識應酬，同人相處融洽，
亦好樂意過群體生活，同大家打成一片。
兼且好有野心，不斷進修自己，可以成為企業家。
另一方面，你又好鍾意孤獨一個人，享受寧靜生活，
得閒去下旅行，搵Ｄ創作靈感，有時又真係俾你諗到D神來之筆！
所以又好適合做寫作既工作。可惜你太唔知足，
又太諸多意見同急燥，容易對人起懷疑。
有咁多矛盾點，又點會唔多煩惱？咁做係好難得心應手！
愛情：
你唔係專一既人，會同時喜歡幾個異性，
又或者同時俾幾個異性喜歡。有時對人死心塌地，
但轉頭又嫌人煩，所以註定悲劇收場。不過由好既角度睇，
你既戀愛人生多姿多彩，激情不斷，
但係好易最後趨向自我毀滅又或者得個桔囉！
[color=Red][size=6][b]１７‧黃大仙：孤獨魅力王[/b][/size] [/color]
性格：
你個人同黃大仙一樣，以追求人生幸福為第一目標、平穩而安定，
交俾你做的事會好有責任完成，唔怕會甩拖。
為人精明而保守，有強烈分析能力，又有研究精神同做事有計劃，
最適合做一D研究性工作，分分鐘鐘成為某方面的專家潻！
幾善解人意，同埋好識得同人相處時，有技巧咁知道人地對你點睇。
缺點係做事過於果斷，有時會唔聽人意見，太過一意孤行。
同埋你幾情緒化，心胸太窄，過份挑剔人，又傾向於迷信。
獨立得近乎孤僻，有時令人覺得你怪，唔易相處。
幸好你做人念舊，朋友唔會輕易捨你而去。
愛情：
你咁有才能，自自然散發出獨特魅力吸引唔少異性。
不過你內心孤獨，唔易俾人睇出，就算做你伴侶都唔太了解你想諗，
所以最後只會換來痛苦。不妨將心事話俾對方知，
無溝通拍拖來把鬼咩？
[color=Orange][size=6][b]１８‧鑽石山：顧家活力王 [/b][/size][/color]
性格：
野心爆澎又精力充沛，絕對係要追求有權有勢的人，
當正自己係鑽石山咁有礦開。做事積極有主見，
所以最適合從事法律事務工作，或者打政府工都得，
再唔係可以做顧問。因為你太過工作狂，
又喜歡彈人呢度果度唔得，變得同人難相處，
人地根本跟唔上你的步伐，搞到下屬神經緊張，
嘗試放慢D腳步就下人啦！幸好朋友有煩惱時，
你有本事令到人諗通問題。如果可以改得無咁自私同無情，
會更加受人歡迎。不過你好鍾意係人地身上學識點運用權力。
利字當頭，知己難求呀！
愛情：
一生順風順水，事業順利，愛情亦一樣。
好有機會係相睇而結婚，之後穩穩定定咁組織家庭，
生番幾個活潑可愛的細路。跟住平步青雲，無風無浪就咁過一生！
[color=Teal][size=6][b]１９‧彩虹：感性小子[/b] [/size][/color]
性格：
同彩虹站一樣有好靚的背景，俾人High小小的Feel，
做事有遠見、熱情又感性，好有個人風格，
憑住你的無限創意同智慧，係個領導人材。
不過你過於追求完美同個人風格，表面好似步步高升，
順風順水，其實暗藏波濤洶湧。皆因你好自我，
以為個世界無了你會唔掂咁。其實未必！
咁做只會令你到頭來變成孤獨、憂鬱，情緒起伏不定，
由有自信變成失晒信心。如果肯收斂Ｄ，
你會好平穩無乜風浪咁上位，要讀名校有名校，
要做高職有高職，到時先會要風得風，要雨得雨。
愛情：
在工作崗位，你隨時可以結識異性，甚至乎自自然咁結埋婚，
組織美滿家庭。但係你太自我驕傲，即使伴侶點好，
你都會有異心，結果就人財兩空。同時你要對方遷就晒你，
唔肯讓步，想發展得好都難啦！
[color=Red][size=6][b]２０‧九龍灣：溫柔公關 [/b][/size][/color]
性格：
係個溫柔體貼又隨和既人。有強烈第六感，
所以好易洞察人地內心世界，於是在群體裏面成為重要既一份子、
就好似九龍灣咁，巨有多元化風貌。喜歡同人互相交流經驗，
分享心得，仲識得善解人意，話頭醒尾。
交際手腕咁好，最適合做公關。但其實你正一係能醫不自醫，
幫到人幫唔到自己。事關你係一個非常缺乏自信而內向既人，
仲有D自私潻，只係唔容易俾人睇出！
你好介意俾人背後中傷或者批評。當你有煩惱，
你反而會過份依賴身邊朋友。
愛情：
你幾現實既，要搵個有feel得黎又幫到你發展既伴侶。
如果對方太弱，你會好易厭倦走人。
最大優點係對伴侶細心溫柔又體貼，
令佢完全死心塌地向你投懷送抱，唔憂俾人飛。
[color=Black][size=6][b]２１‧牛頭角：婚外情常客[/b][/size] [/color]
性格：
同牛頭角俾人感覺一樣你係一個又內向又外向兼且矛盾人，
外向的你係一流公關同領導人材。個性獨立而有創作力，
又憑直覺做事，最好做SALES！同時仲好鍾意周圍吃喝玩樂，
不過並唔代表你係個愛熱鬧的人，其實你內心幾孤獨。
因為你做事有責任心，無形中俾自己唔少壓力，
往往經常處於緊張狀態，希望不斷超越人地，煩惱自尋。
基於你係個咁既人，所以仲有一個職業適合你：服務性行業。
一生中你會不斷忍受壓力痛苦，但係有貴人幫助而令你成功同搵到錢。
愛情：
好易受外界引誘，成日處於三角甚至多角戀愛中。
你以為將精神轉移去工作咩？結果兩者同時令你咁煩惱。
因此，你對伴侶同子女的相處會出現偏鋒表現。
而佢地又煩無能力幫你分憂，於是牛依對泣，
盞大家唔開心，咁就弊弊都無咁弊咯！
[color=Maroon][size=6][b]２２‧觀塘：Cyber Love Killer[/b][/size] [/color]
性格：
同觀塘地道街坊色彩一樣，你個人唔計較Ｄ濕碎既，
無論遇到幸或不幸，都可以處之泰然，無乜所謂咁去面對。
雖然自細已經俾周圍既人睇好同期望，
但係你一D都唔在意，話之人地係背後點講，
一於當耳邊風，仍然我行我素，又唔會諗點去報復或者嬲人，
無乜機心可言。天生樂觀，有適應能力，無論吃喝玩樂瓣瓣掂。
只係你唔太緊張結果好壞、同埋好怕麻煩到人，
收收埋埋，變成呢個係你致命傷，
分分鐘因為咁而解決唔到問題，要自己一個承受打擊。
愛情：
同你既人生一樣，談戀愛都係玩玩下咁，唔會學人愛到天昏地暗，
不過內心中你其實係認真既，只係表達方式較為嬉戲，
鐘意搞Ｄ chatroom, ICQ咁既cyber love滿足下自己。
另外你會係經常處於微妙三角關係中，有情人或者家室都好，
出邊梗有一個情人知己同你好key，
而且仲往往為你默默犧牲、不過自己小心D啦！負人未必係好事。
[color=Maroon][size=6][b]２３‧藍田/則魚涌：浪漫愛人[/b][/size] [/color]
性格：
做事非常謹慎細心，又會幫人地諗埋，加以配合，
不斷要求自己超越極限、好似藍田/則魚涌咁，
那怕一海之隔。講穿其實係唔只要求實幹，仲要係自我滿足感，
所以係浪漫主義型。非常之在意人地對自己既睇法。
如果人地有難題，表面上會扮唔理，靜雞雞就同人地解決晒，
係個唔擅於表達自已感情既人。你會係表面豪爽，
扮到好無所謂，實情內心緊張到不得了，
幫人之餘仲要間接提升對方向上爬。你自己成唔成功唔重要，
人地成功你仲開心。最麻煩係你原本比較適合打安定既工，
但係命運安排你成日係D大機構同人競爭，
所以內心痛苦到不得了都無人知。
愛情：
你好容易係工作中愛上對方，又會為對方同人地爭執，
咁俾人感覺係有異性無人性。同樣你表面扮到嬉皮笑臉，
其實只要對方講一句，背住佢你會仆心仆命完成對方既願望。
你算係情場上係長勝將軍。
[color=Red][size=6][b]２４‧灣仔：風流工作奴[/b][/size] [/color]
性格：
為人忠實、內向，做事有條理，注重實事求事的人。
你比普通人勤力好多倍，又有責任心，
之但係會因為咁而自己踩落個危機仲懵然不知。
幸好你有百折不撓精神，死都俾你彈番起、好似灣仔咁轉型成功。
最唔公平，係你遇著的人都係難對付的，
往往相處一段時間，你就會忍唔住同佢嘈起唻。
同時你D情緒唔穩定，略帶固執，在別人眼中，
你係個粗魯而又無乜氣質的人，人際關係方面極之唔掂。
因為咁，你積積埋埋個心度又唔講出來，於是變得好小器同報復心重。
愛情：
好唔好彩，你識親都係D花心風流人物，雖然愛到天旋地轉，
但係大把人等住同你爭。如果你食得住對方唔向外求，
咁之後段婚姻都OK！你又好犯賤咁，遇到萬中無一的專一伴侶，
到時風流果個變左係你，唔壓抑自己盞搞。
[color=Blue][size=6][b]２５‧銅鑼灣：戀愛動物[/b] [/size][/color]
性格：
你既性格同銅鑼灣一樣要不斷接受新挑戰、你意志力好強，
當你決定既事，係無人可以改變到你。同埋你又好自信同有毅力，
無論遇到幾大型或者困難既工作，就算要花好多時間，
你都十分之有耐性做，不成功便成仁，
所以事業上你好大機會坐上高位，但係咁唔會滿足到你，
事必要不斷向上爬升至頂點不可，任何目標俾你睇中都幾大鑊。
因為你份人幾識諗，最好做D用腦既工作。
要記住，你既一生可以係大起大跌，完全視乎你自己揀邊條路走，
係好係壞與人無由。不過聰明既你，好少會揀錯路行既。
愛情：
你絕對係同情人愛生愛死果隻。當一段感情黎到，
你會係完全投入，乜都唔理，大好江山讓俾人都得。
不過一但遇到波折或者阻滯，你會沮喪到飲酒食興奮劑黎麻醉自己，
跟住就想做Ｄ傻事！至唔好一樣，
係你仲要逼埋對方同你攬住一齊死果度衰嘛！
[color=Orange][size=6][b]２６‧天后：戀愛高手[/b] [/size][/color]
性格：
為人聰明、冷靜，意志十分堅強。當要作出嚴重決定，
表面上你俾人感覺係順口開河，所做的決定仲好驚人大膽潻！
其實成班人俾你呃晒。事關其實你係經過深思熟慮同計算出來，
並非衝動決定，十足十周星馳度笑片咁。
同時你仲係個好有耐性等機會出現的人，好少會失敗。
意志力強到永遠唔信自己會唔係人，平時打好基礎，
機會一來就食掂，又永遠朝氣勃勃，好少機會見到你情緒低落。
能夠適應唔同的工作崗位。可惜過份自大驕傲，
令到身邊人對你反感。所以有時做得唔好太過計住Ｄ利害關係，
俾番少少人性出來至會受人歡迎。
愛情：
談戀愛一樣係冷靜咁去計算對方，只要一睇中目標，
對方實死你手上。你又真係好識揀對象，通常都會有美滿幸福，
生活安穩舒適，樓都有幾幢。遇著個拍拍下拖發覺唔合心水，
你又會好有技巧咁同對方分開，仲會係再見亦是朋友潻！
[color=Yellow][size=6][b]２７‧炮台山：失戀狂人[/b][/size] [/color]
性格：
同炮台山的學校區型像咁、你理解力高又有創意，
係個多才多藝既人。雖然好多事你都係依直覺行事，
不過全部係真正分析過至決定的。你係一個有耐性，
識自我約束，分析同觀察能力高的人。另一方面你又好有壓逼感，
遇到問題，扮到好神祕莫測，內心其實緊張不安到不得了。
你的壓力不安完全因為你做人衝動，難做決定所致，
唔輕易信任人，又太過情緒化，喜歡同人嗌餐飽。
因為容易發脾氣，間接令身邊人覺得你難相處，
試下唔好咁燥對人，咁會增加你的說服力。
愛情：
又係D愛到要生要死定的人，一投入一段感情就失控晒，
老豆姓乜都唔知。順順利利就話唧，可惜你命中失戀無數，
又有自毀傾向。又好易俾所愛的人出賣你。
總之事業得意就情場失意啦！
[color=Green][size=6][b]２８‧北角：死纏冒險王[/b] [/size][/color]
性格：
同北角一樣自成一角好獨立、非常之獨斷獨行，
性格積極進取，有個人理想，做唔會死牛一面頸。
同埋好有膽色，就算遇到幾大困難，你都甘願去挑戰克服，
而你仲會自我找尋刺激，非常之有冒險精神，憑住意志戰勝一切。
你又好有領導能力，思考清晰，好邏輯性咁去分析問題，
有時又覺得你過份熱心、主觀，甚至有D霸道，
在別人眼中會覺得你有侵略性，傷害左人都唔知。
你積極就積極啦！不過有時會太過依賴人。
愛情：
你外表一D都唔顯眼，平平無奇，
但係果份積極進取心就好吸引異性。一遇到心儀的對像，
會開衡晒turbo死追到底，可惜唔係死纏難打就一定掂！
因住惹反效果，俾番D空間大家冷靜啦！
[color=Brown][size=6][b]２９‧太古：專一發夢王 [/b][/size][/color]
性格：
你既思想同太古個帶一樣繽紛多彩，判斷事物全靠直覺與幻想，
你係非常感性既人，某程度上你可以做埋D乜乜夫人信箱主持人。
又因為你好喜歡幻想，故此做每件事都會同人唔同，
諗到D連人地都唔能夠唔服你既idea，
而果份滿足感亦係推動你做人、做事既力量。
你熱情又擅解人意，成日鍾意諗D方法出黎推動身邊人完成夢想。
可惜真正既你，其實都唔知自己人生目標係乜，
皆因你咁靠直覺做事，好多時會唔切實際。
你又非常矛盾，呢一刻幾開心都好，突然間會情緒低落，
睇下介乎悲觀與樂觀之間，真係唔知你想點呀！
愛情：
咁感性既人，梗係無愛不歡啦！你一生都要有戀愛做支持動力，
一投入就愛到轟轟烈烈果隻。咁自然對伴侶係好，
因為你熱情如火嘛！最特別係你就算失戀，
轉頭即刻搵第二個補上，一生戀愛不絕。
[color=Blue][size=6][b]３０‧西灣河：體貼交際花[/b] [/size][/color]
性格：
性格同西灣河間文化中心咁有藝術社交好有交際手段，
態度隨和友善，熱愛團體生活。係一大班人入面，
你好有領導材能，自必然成為最受注目果個，
而你既說話技巧同創造能力，更加幫到大家逐步邁向前。
兼且你好識得運用把口，將一件事好戲劇化咁表達，
容易令人接受消化。但係你太善變同任性，
情緒化令人有時捉唔到你想點，
呢個特性最適合做演員呢類娛樂性既行業。
你又好追求做人開心，所以有陣時無可避免咁偷懶，
放縱自己同無乜耐性。但係基本上你對工作係有野心既。
愛情：
你份人粗中帶幼，對伴侶體貼。不過有時會好迷惘，
自尋煩惱，呢個時候，你會變得好情緒化，
不知不覺咁將脾氣發洩係伴侶身上，正一係一啖砂糖一啖屎，
所以有心理準備，自己點對人，隨時俾人咁對番你，自食其果！
[color=Red][size=6][b]３１‧筲箕灣/杏花/柴灣：自我情人[/b] [/size][/color]
性格：
同筲箕灣/杏花村/柴灣呢三個站一樣，俾人好有Style既感覺，
意志力強，有強烈個人獨特風格，講唔好聽一句係過份自我表現。
因為你諗既方式特別，所以同一般人思想有距離，
容易同人產生膈膜。幸好你份人都算樂觀，
唔會因為俾人誤會而情緒低落，仲好接受意見同關心人既。
你既獨特個性化思想，令你好易殺出新血路，
成功指日可待，潛質無限。之但係你做野無乜耐性，
話做就要即刻做好，唔係咁易有人配合到你，
咁你自然就會嬲，慢慢變得個人好自私同固執。
朋友唔多，你就會愈來愈缺乏安全感！
愛情：
愛情對你講唔會太重視，可有可無，
尤其是要花好多時間追求對方，你會覺得係浪費金錢同時間，
寧願將心思放落工作或者學業上好過。
所以對象必須要好欣賞你，
仲要不斷作出配合先可以長久，唔係實散。
[[i] Last edited by BarristerSpring on 2006-10-3 at 09:02 AM [/i]] [color=Purple][size=4][b]我handsome春: [/b][/size] [/color]
[color=Green]
[b]５‧旺角／太子：瀟灑情聖 [/b][/color]
:fight::fight::fight::fight::fight:
:dev::dev:
[[i] Last edited by BarristerSpring on 2006-10-3 at 09:07 AM [/i]] [quote]Originally posted by [i]BarristerSpring[/i] at 2006-10-3 09:00 AM:
[color=Purple][size=4][b]我handsome... [/quote]
我同你一樣喎 :P [quote]Originally posted by [i]benny0105[/i] at 2006-10-3 09:30 AM:
我同你一樣喎 :P [/quote]
:lol::lol::lol:
一樣係瀟灑情聖........
:clap::clap::clap::clap: [quote]
[color=Green][size=6][b]９‧美孚：遲婚強人[/b][/size] [/color]
性格：
你好相信命運安排，而命運又偏偏喜歡玩你，
真係天生一對呀！事關你一生會不斷遇到大大小小挫折，
不過憑住你豐富既創造同毅力，個天塌落唻都可以俾你頂住，
認真厲害、就似咁多年風風雨雨、美孚仍然係優質筍盤咁。
所以係美孚車站Ｄ人，好多時係靠自己力量改變既命運都唔知，
最後竟然可以俾你扭轉埋頹勢。據調查所得，
做建築或者挽救將會倒閉公司既大企業家，好多都係美孚站人！
你既缺點係做人易緊張、憂愁，仲有少少自卑感，
連帶負面既自私都出埋。做人難以自我控制，較為情緒化同敏感潻！
愛情：
男性因為有才能而吸引唔少異性。女性因為太女強人，
所以大部份屬遲婚或者單身人仕，如果肯變得溫柔D，
可能會有意想不到效果。又或者由朋友介紹相睇，
較大機會搵到理想對象。總之唔好太計較伴侶唔夠你叻，
略為遷就就有幸福！
[/quote]
[b][color=blue]
要搬竇喇~~~~:kicking::kicking::kicking::kicking:
[/color][/b] [quote]Originally posted by [i]BOYDWAN[/i] at 2006-10-3 10:59 AM:
[b][color=blue]
要搬竇喇~~~~:kicking::kicking::kicking::kicking:
[/color][/b] [/quote]
９‧美孚：遲婚強人
性格：
你好相信命運安排，[color=Red]而命運又偏偏喜歡玩你[/color]:dev::dev:，
真係天生一對呀！事關你一生會不斷遇到大大小小挫折，
不過憑住你豐富既創造同毅力，個天塌落唻都可以俾你頂住，
認真厲害、就似咁多年風風雨雨、美孚[color=Orange]仍然係優質筍盤咁:lol::lol::P[/color]。
所以係美孚車站Ｄ人，[color=Green]好多時係靠自己力量改變既命運都唔知:good::good:[/color]，
最後竟然可以俾你扭轉埋頹勢。據調查所得，
做建築或者挽救將會倒閉公司既大企業家，好多都係美孚站人！
你既缺點係做人易緊張、憂愁，仲有少少自卑感，
連帶負面既自私都出埋。做人難以自我控制，較為情緒化同敏感潻！
愛情：
[color=Red]男性因為有才能而吸引唔少異性:agree::agree::agree:[/color]。女性因為太女強人，
所以大部份屬遲婚或者單身人仕，如果肯變得溫柔D，
可能會有意想不到效果。又或者由朋友介紹相睇，
較大機會搵到理想對象。總之唔好太計較伴侶唔夠你叻，
略為遷就就有幸福！
[[i] Last edited by BarristerSpring on 2006-10-3 at 11:05 AM [/i]] [quote]Originally posted by [i]BarristerSpring[/i] at 2006-10-3 11:04:
９‧美孚：遲婚強人
性格： ... [/quote]
................................:haha: 觀塘 = = 19..... [quote]Originally posted by [i]d228216[/i] at 2006-10-3 12:41 PM:
19..... [/quote]
:eek::eek::eek::eek::eek:
感性小子?????
no way...:fight::fight::fight::fight:
:gun::gun::gun:
:dev::dev::dev::P [quote]Originally posted by [i]zz1988[/i] at 2006-10-3 12:05:
觀塘 = = [/quote]
me too:o
我返工都喺呢處 １５‧九龍塘：多變萬人迷
性格：
九龍塘站既你同車站一樣有Double choice，可以轉火車入新界，
又可以口趙聲過左海，天生性格雙重，
一方面你會好有責任心完成所有工作，仲好樂於助人。
但係太過自我為中心，有時完全唔理人感受，
令人覺得你唔負責任。事業上你好有野心，
不過好多時拿不定主意，有創意之餘又會有D默守成規，
係咪好雙重呢？另外你多數會處於領導地位，
係自己個行頭會出名。做事喜歡憑直覺，唔多理背後有無危機，
好彩多數都俾你過到關。同埋大部份人都唔會出生於優良家庭，
總之不過不失，有煩惱都解決到。男女都好有才華，係做老板材料。
愛情：
九龍塘
好受異性歡迎，可惜太驕傲！尤其係女性，
雖然係所有人面前得到認同，但係婚後生活肯定出問題，
故此要搵個要以你為榮，又十分支持你既對象至成事。
奉勸閣下溫柔D，盡量體諒對方，咪當人遷就你係應份既。
哈哈.比想像好 :D:D:D
１７‧黃大仙：孤獨魅力王
性格：
你個人同黃大仙一樣，以追求人生幸福為第一目標、平穩而安定，
交俾你做的事會好有責任完成，唔怕會甩拖。
為人精明而保守，有強烈分析能力，又有研究精神同做事有計劃，
最適合做一D研究性工作，分分鐘鐘成為某方面的專家潻！
幾善解人意，同埋好識得同人相處時，有技巧咁知道人地對你點睇。
缺點係做事過於果斷，有時會唔聽人意見，太過一意孤行。
同埋你幾情緒化，心胸太窄，過份挑剔人，又傾向於迷信。
獨立得近乎孤僻，有時令人覺得你怪，唔易相處。
幸好你做人念舊，朋友唔會輕易捨你而去。
愛情：
你咁有才能，自自然散發出獨特魅力吸引唔少異性。
不過你內心孤獨，唔易俾人睇出，就算做你伴侶都唔太了解你想諗，
所以最後只會換來痛苦。不妨將心事話俾對方知，
無溝通拍拖來把鬼咩？ ２６‧天后：戀愛高手
性格：
為人聰明、冷靜，意志十分堅強。當要作出嚴重決定，
表面上你俾人感覺係順口開河，所做的決定仲好驚人大膽潻！
其實成班人俾你呃晒。事關其實你係經過深思熟慮同計算出來，
並非衝動決定，十足十周星馳度笑片咁。
同時你仲係個好有耐性等機會出現的人，好少會失敗。
意志力強到永遠唔信自己會唔係人，平時打好基礎，
機會一來就食掂，又永遠朝氣勃勃，好少機會見到你情緒低落。
能夠適應唔同的工作崗位。可惜過份自大驕傲，
令到身邊人對你反感。所以有時做得唔好太過計住Ｄ利害關係，
俾番少少人性出來至會受人歡迎。
愛情：
談戀愛一樣係冷靜咁去計算對方，只要一睇中目標，
對方實死你手上。你又真係好識揀對象，通常都會有美滿幸福，
生活安穩舒適，樓都有幾幢。遇著個拍拍下拖發覺唔合心水，
你又會好有技巧咁同對方分開，仲會係再見亦是朋友潻！
大獲
講中左tim:dev: 7號呀....好慘呀.... :cry::cry::cry::cry::cry: ８‧荔枝角：幸福野心家
性格：
你係一個好勝又好大野心既人，先天性已經鍾意支配周圍既人，
又要追求物質同安全感。無疑你係幾有做事計劃同組織能力，
最好做生意或者從事法律等等既行業，係商界會係主管級人馬。
為人又好識得好天斬埋落雨柴，勤力得黎仲好識衡量價值，
最喜歡睇心靈雞湯，然之後扮晒心理專家去指導人。
不過係人地眼中睇，你其實幾自私自利，
唔會體諒他人立場同難處。故此你既人生趨向於自我滅亡，
就算你既愛情、事業幾如意都好，
你一定會失去一D對你好重要寶貴既野，
到時恨錯難返，祝你好運啦！
愛情：
你幸運在會有支持而又愛你既伴侶，可惜物極必反，
當對方得到你個心，自自然就要番你一D野做交換。
如果你能夠忍到，又夠大膽積極，兼且幸運之神眷顧你，
應該可以大步檻過，得到幸福美滿家庭。
未去過....有d位未覺得係咁...但有d位中左...幾好玩..唔錯 ５‧旺角／太子：瀟灑情聖
性格：
唔安於現狀，要不斷向新事物挑戰，酷愛自由自在又刺激既生活，
直情就係旺角/太子既寫照。最鍾意周圍去旅行，
從中見識新事物，係充滿精力既人。多才多藝之餘，
仲好識交際，永遠追得上潮流。可惜你缺點實在太多！
做人唔負責任，開左個頭就走左去。成日執著某D事，
譬如一心二用，到頭來只係得一件事成功。
做事無耐性又唔夠細心，又唔得集中精神。
所以你一生會大起大跌無數次，幸好晚年運都算幾好，
唔係真係戥你擔心呀！
愛情：
因為過份心散又一心二用，拍緊拖都掛住做第二樣野，
試問另外果一半點忍得你呢？雖然你好有冒險同試新精神，
身上無形散發出一股魅力吸引異性，
之不過最後可唔可以到尾．．．．．自己諗啦！ 我係....９‧美孚：遲婚強人....
竟和BOY版主相同.....:D:D:D [quote]Originally posted by [i]cwleung1988[/i] at 2006-10-3 09:15 PM:
7號呀....好慘呀.... :cry::cry::cry::cry::cry: [/quote]
:lol::lol:
７‧長沙灣：苦戀王
:clap::clap:
頁:
[1]
2