i know i know
抑鬱,厭食
不過最不好...就係再大個d 要去到某d 地方做...金魚...
唔講太明...諗起都有d 心痛...
總之係咁...唔想再講太多...
講點樣識佢啦...
ok! i get yr meaning
我識佢可以叫做緣份...真係緣份...
因為佢係我之前寫既一個個人網頁識...
咁岩我同佢都係住一個區...lee d 真係叫緣份...
因為有日佢家姊...去到我網頁...個時我都係一個好悲既人...
睇個世界都無咩希望個隻...因為個時黑仔期...
佢家姊睇到...話我同佢(果個女仔)好似
就係咁...佢睇完個網頁...就主動去聯絡我...
我記得個時...佢開始一句同我講既係...
你唔洗咁唔開心...其實你好幸福...
但係個時怪既係..佢重同我講左句...唔知重同我可以講野...
因為佢要去醫院住...一星期放一日返屋企個d...
你應該知咩醫院...唔洗講得咁清...
所以我覺得佢好神秘岩岩開始識既時候...
到講我同佢第一次見面...係一段時間之後...
大家傾計多左...佢有一日話想送一本書比我睇...
個本書我重留住...
咁我同佢就約左個地方見面...我羅到書...
不過個時佢好怕羞...一比左我就走左...
但係我想講既係...佢好靚...真係好靚...
正在留神.........keep going
[quote]Originally posted by [i]kaing[/i] at 2006-10-22 02:24 AM:
到講我同佢第一次見面...係一段時間之... [/quote]
係邂逅.........
之後因為佢既病...佢可以幾日都唔洗訓個d...
因為訓唔到...而且佢老爸係度..佢會好驚...
唔想訓...有日我就同佢講不如...你上我度訓...
我無諗其他唔好野...純為佢好...正常一個男人...
遇到咁既女仔...都唔會吧...
之後有好幾日...佢都上左我度訓...
當時我識玩guitar 既...更係有玩d 歌仔比佢...
舒服既歌...等佢可以訓到...
不過好奇既...佢上親度...都可以訓得好長時間...
可以佢感到安心
[quote]Originally posted by [i]kaing[/i] at 2006-10-22 02:28 AM:
之後因為佢既病...佢可以幾日都唔洗訓... [/quote]
佢信任你
咁講到lee 度....好正常....
我就喜歡上佢愛上佢啦...
有朋友曾經講過我lee 個叫做由連生愛....唔識打果個字...
我重好記得個晚又上我屋企訓...
我同佢傾計...我話我如果我愛上你...你會點?
會唔會驚左我...個d...
佢諗左一陣...答我唔會...
但係之後無再講野...到另一朝早...我拖住佢隻手送佢走...
不過之後佢問返我一樣野...係唔係因為同情佢而愛上佢...
我個時答唔係...我只係想同佢一齊想保護佢...
之後就係拍拖既時期...我唔多加說...
長話短說...同佢拍拖既時期開頭當然係好開心...
佢既病都好左...
不過好景不常...問題一定會出現...
因為佢既病...有時都會胡思亂想好多東西...
所以忽然好無安全感...不過個時既自己又係細個...
成日同d 朋友去玩...重要有女性朋友...
其實因為佢有一排要住返醫院...一星期先出到一次...
有時佢唔乖...要兩個星期...
好自然...我唔想..諗太多野...所以成日出去玩...
但係佢就更加擔心...
其實好老實講...係lee 段時間我係好痛苦...
成日都會擔心佢幾時出事...幾時又走去自殺...
個種...壓力...重有掛住佢又見唔到佢既心情...
我覺得我唔想再try 多一次...因為實在非人所受...
所以我個時既自己...完全可以叫做用水做...
就好似老婆對消防員老公掛
其他野就不多說...
說最衰個樣啦...係我自己...
所以話我係衰男人...我係唔會唔認...
因為經驗太多野...我記得我係因為一腳兩船而分手...
不過在佢既原因...係因為唔想再傷害我...
之後大家可以叫做係好朋友...
不過幾個月只係會聯絡一次個d...
因為個時我真係好傷心...因為分手...
所以洗左佢電話...因此我都無左佢電話...
可以叫做我無曬佢既聯絡方法....
除左係自己既網頁...
所以日記係我同佢溝通既方法之一....
佢有時都會寄卡比我....聖誕節個d...
都係一樣...佢係好關心我...
不過我知個次分手...對佢來講都係好痛苦...
現在自己想返...其實唔係因為lee d 事...
我係唔會學識咩叫到知足...珍惜...lee 幾個字...
好....打左好多字...講曬...
快d 回復正常先得...諗起以前d 野...
真係甜苦交雜...
不過都可以說...到現在...我還是愛這個女仔...
從未放棄...只不過...沒有要求什麼...
好似係自己既夢咁...
好累...我估你都睇到訓著....我去訓啦...
聽日再見啦
或者咁樣未嘗唔係一個好嘅結局,有時對大家泥講,都係一個維繫某段感情嘅方法(not 愛情),祇要大家仍然安好,已經係一種幸福!
以往嘅事我唔會批判,我從來不相信會有純粹嘅愛情,必然夾雜好多其他情感(例如生活嘅体驗,時間嘅沖擊,憐憫,同情,友情等)所以我地無辦法好容易一下子割捨一段感情,你唔再愛佢,仍然會感到難過,遺憾,所以愛情從來都有雜質........
老生常談嘅野大家明唔需要重覆,我亦知道你已然懂得點去處理,祇係想講,係人嘅漫長路途裡面,好多時我地都要試過跌倒至有所得著,從中領會好多野,既然跌過,你應該慶幸大家都從中都學會珍惜同知足,咁樣你往後嘅人生就會因此而更有意義!
人心所向有好多因素,不應過於自責追悔,好好活每一天,咁就係對呢段情嘅最大敬意...........
[quote]Originally posted by [i]kaing[/i] at 2006-10-22 02:59 AM:
好累...我估你都睇到訓著....我去訓啦...
聽日再見啦 [/quote]
唔係呀!係好多野諗!希望你睇到我嘅回應啦!
[[i] Last edited by ian2910 on 2006-10-22 at 03:11 AM [/i]]