愛情與股票相同的地方
買藍籌(或者係一隻你好有信心既股票) 就好似搵一個最夾既人同你一生一世咁買左就唔需要放，放左，你唔會買得番，而且一定後悔
只要有耐性等時間，回報極之可觀
在hold 住隻藍籌期間，你會有信心動搖，同埋誘惑，只要你有決心，必成正果
二三線股好似拍散拖咁，風險大很多，但亦刺激很多
不排除會有一天成正果，但機會少得多，通常執笠機會較大
買warrant 好似ONS
買之前你都已經知道同賭無分別
係會更刺激，更好玩
但你亦要預左會輸清光，十個人有九個人會有夢想過會食硬同付出少卻有高回報
但十個有九個都會係輸
仲有一個共通點，千萬不要過夜(over-night)
買大隻，好野既股票一般都有最少入場費，即係最少一手
好似HSBC 咁，最少係400X 141 左右，即係56000 左右
追好既女仔，都有一定入場費
樣唔衰，人唔窮，有耐性，有心計
同埋好似HSBC 咁，你唔買，大Q 把人買
股票市場既大贏家，都係人棄我取，當人家最瘋狂既時候離開，人人看淡既時候入市
拿，愛情就唔好又玩人棄我取，會死人嫁
應該理解為，當伴侶好失落既時候，你要依舊對對方咁好，一起相伴等黑暗過去，光明來臨，對方極度風光，佢又依舊同你一起
即係，可以共富貴，亦可共患難
在股票的報價中，有買入(Bid) 同賣出(Ask) 兩個價位
即係投資者願意買入，同賣出價格
在男女關係之中，我地可以理解為男人願意付出的一切 同女人願意接受的條件(受媾價格)
Bid 同Ask 相差之價格，我地稱為差價(Spread)
依家香港既情況就係spread 越拉越闊
咁係會點，因為差價擴大，成日都無成交Law
你依家明白點解香港越來越多老姑婆la
咁點解唔會仲係有咁多男人無婚結
好簡單姐，佢地唔買港股，去買晒A 股(中國大陸市場既股票)
點解? 人地無將個Ask 亂放，男人將個Bid 唔放太低，就會有seller ,sell 係個bid price (主動沽盤）
不過注意，A 股已經升左好多，情況有d改變
係股票市場要贏多輸少
有咩要做，當然係做功課，做多d分析，儲資本，有耐性，同埋要果斷
跟消息買股，同一見到個女仔，唔理三七二十一就衝上去一樣
十賭九輸，比你贏到
都唔會係大野
股票市場每隔幾年都會有一個 trend ，無論係upside 定downside
問題係你把握到唔到
每個男人生命中，總會有幾個女人，係你遇到時 你把握得好，就會有結果
把握唔到唔緊要，只要唔好賭氣，賭對邊，牛市狂short ，熊市時媾貨
面對喜歡可把握既女人，就愛理不理，唔喜歡既女人，就同佢玩個夠
後果自負
買股票借孖展，你會覺得贏得好易，買中左即對有槓桿力量
以一贏十，好正，好high
通常玩緊開心既時候一定風平浪靜，無咩麻煩
一轉向，你broker 一定會搵你
召妓都係同一道理，槓桿力量好大
付出一定既保證金(肉金)，你就可以得到你想要既回報
省時而又唔會比拒絕
無野既時候就無野，有野既時候，睇下你老婆會唔會搵你
都係一句，試下好la 唔好成日玩
當牛市尾段，當你係股票好成功咁係高位(你覺得係高位) 沽貨，你既心情
同要同一個女人結婚一樣
唔係唔想，不過，又好似唔係時候wor
你結左婚之後，一定會有時候好痕，好癢ga ，又會有d 後悔
你沽左貨後，又係一樣，又驚佢係咁升，又唔知會唔會追番貨好
又想換馬，又想再入場，結左婚既男人，唔好話無
不過當時間一長，你就會明白點解要沽貨(結婚)
到時你睇下無沽貨(結婚)之人點慘
股票通常要長久贏錢，你幾叻仔都好，都一定輸過錢，巴菲特同我同你都試過
愛情路上，同樣不會有永遠贏家
輸錢皆因贏錢起
愛情路上，太意氣風發，欺人太什，他朝君體也相同
當一個股場同情場既新仔看似百戰百勝
其實不過為佢將來嘔突既時候鋪路
不過，仲有加多一樣股票係同愛情都係唔同
股票始終有得計
愛情係無得計(較)，(算)
頁:
[1]