【職業禁忌！大家一定要知！】
[color=Blue][size=4]１)[color=Red]棺材鋪[/color]＞＞＞ 開棺材鋪就梗係唔老禮，最緊要的既兩個禁忌，就係：A)一定要係日落之前收工，廢時ｄ遊魂野鬼走入黎啦。
B)一定唔可以貪得意訓棺材，生人訓死棺，你地話又幾唔老禮，俾錢 都唔制。
２)[color=Red]記者[/color]＞＞＞通常ｄ意外的人通常都血跡斑斑，面目全非架啦． 聽講話記者去到意外現場，千其唔可以講好核突呀，對死者或意外者不敬的說話 , 如果唔係佢地真係會跟住你。
３)[color=Red]空姐[/color]＞＞＞以前的空姐通常都會養龜，寓意『歸』來的意思，因為好多時佢地身在外地，客死異鄉就唔好啦。
４)[color=Red]理髮鋪[/color]＞＞＞中國傳統，鏡不祥也． 所以舊的理髮鋪收工之前，都會將毛巾蓋住哂所有o既鏡先會收鋪，就係廢時俾ｄ鬼走入去。
５)[color=Red]警察[/color]＞＞＞我諗好多人都聽過喇，就係無論點都好，晚上行必，千其唔可以除帽。 所以你地睇佢地追賊都係按住頂帽去追o架。 點解關頂帽事 聽講話帽頂頂花，好大殺氣，無鬼夠膽攪你。 仲有就係係凶殺案現場，都會莊住香先。 等被害的『人』幫手，等佢快ｄ尋冤得雪。
６)[color=Red]演員[/color]＞＞＞如果演員要拍死的戲， 拍完之後導演要同你講：『做戲o既o者』 廢時ｄ鬼信以為真，咁你就大件事啦．
７)[color=Red]導遊[/color]＞＞＞帶團通常最多時間同團友一齊o既時間， 就係係架巴士度。 係巴士度，導遊就梗係吹下水，唱下歌，講下鬼古。 但聽講話如果去緊一間酒店的話， 就唔可以講果間酒店的鬼古。 因為ｄ酒店閑閑地幾百年歷史， 覺得你對佢不敬就唔好啦。
８)[color=Red]搭棚佬[/color]＞＞＞原來搭棚的竹，分新竹同舊竹。 所有臨搭棚的竹，都要莊香拜過1日1夜先可以上棚。 如果唔係就好容易會有意外咁話。
９)[color=Red]巴士司機[/color]＞＞＞好似係車廠出車之前，響一次大『安』，目的都係叫ｄ朋友仔落車，俾ｄ晨光第一線照親就唔好啦。
１０)[color=Red]救生員[/color]＞＞＞老一輩o既救生員，都覺得有人遇難，除左泳術唔掂之外，都會覺得係水鬼作怪。 如果佢地救左一個人上水，就算真係無左氣都好， 都要係佢地耳邊不停講：『你未死架，你都未斷氣，快ｄ醒番』之類的說話，目的就係想等ｄ水鬼信以為真，離開遇難者， 咁佢地就可能會救得番。
１１)[color=Red]騎師[/color]＞＞＞騎師o既禁忌呢， 就係騎師裝束上任何一樣野都唔可以『掛』， 尤其係對掛皮靴． 掛靴即係退休，離開馬場也。 聽講話幾年前有個好出名的騎師唔信邪，掛左對靴，之後一落埸隻馬突然癲o左， 個騎師跌左落馬，斷左條大骨，從此係馬場上拜拜。
１２)[color=Red]仵作[/color]＞＞＞每當ｄ人死左，都有人黎收拾條『咸魚』架，仵工，就係果ｄ咁偉大的人。 佢地仲有一樣野做，就係將ｄ舊『咸魚』係棺木度囉起上黎，削骨去肉，之後去入金塔或者入火化，再放係骨灰堂恭放。 咁敏感的行業，小禁忌講三日都講唔哂，咁我不如講個最緊要的禁忌俾大家聽。 就係無論點都好，唔可以唔見左『人地』身體的任何一塊骨，如果唔係就會得到同樣的報復。 我個朋友話，有個仵工唔小心唔見左『人地』個下巴， 又唔向『人地』講個對不起．之後一個星期發生交通意外，成個身一個傷口都無，剩係撞甩左成個下巴，你地話得唔得人驚 我聽到心都寒哂．
１３)[color=Red]解籤佬[/color]＞＞＞黃大仙解籤佬o既禁忌，就係唔可以講大話． 就算有個病到半死的人，求到健康的下下籤， 都一定要講出真相，依籤直說． 如果唔係就會應驗係自己度． 聽落我覺得似係專業操守，多過係禁忌。
１４)[color=Red]漁民[/color]＞＞＞十個漁民十個都信天后，希望風條雨順。 初一十五食齋呀，依ｄ我諗個個都會知。 但係佢地有一個禁忌，就係如果捉到一種叫做『車輪魚』的魚， 一定要掉番落海放生．聽講話捉到都已經會行衰運．如果唔信邪，分分鐘連命都無。 所以係街市，大家從來都未聽過依種叫『車輪魚』o既魚，就係咁解喇。
１５)[color=Red]的士司機[/color]＞＞＞佢地的禁忌就係唔想駕入掘頭路， 驚有入無出，好容易掉頭的時間見到污漕野。 之不過好多司機，驚無貼士，已經唔會再信乜野禁忌蘿。[/size][/color] 好多都未聽過 真人真事請註明[b][color=Red][真事] [/color][/b],轉貼請註明[b][color=Red][轉貼][/color][/b],
有圖片的請註名[b][color=Red][圖片][/color][/b], 要同版友討論請註名[b][color=Red][討論][/color][/b] [quote]Originally posted by [i]coolala2005[/i] at 2007-10-21 00:58:
真人真事請註明[b][color=Red][真事] ... [/quote]
sorry！下次我識做架喇！:):):)
頁:
[1]