港女點睇唔起香港男性
[size=4][color=Red]以下係小弟在某個blog 抄出嚟o架, 大家睇完比d意見啦[/color][/size]...:angry:1. 無一技之長
唔 好心邪，唔係「長短」個「長」，係「專長」個「長」。唔係叫你去學三行水電，不過男人之家我認為始終要有一技旁身好，天文地理運動音樂歷史文化哲學電影藝 術科技電腦金融烹飪園藝釣魚法律時事家事國事天下事，你可唔可以有一辦半辦範精精地，或者曾經精過，可以拎出黎分享下架呢？
2. 淨係掛住打機
唔駛講啦，不過呢個男女都有份架啦，我都鍾意打機，但唔係行又要打企又要打下話？唔係誇張，朝朝早搭MTR都見到成班好似喪屍望住部機唔睇路但係可以順利由中環行去香港站！專心食餐飯，傾下偈得唔得？
3. 唔做運動
又係男女都有o既問題，但我個人就認為呢個問題對於男人重要少少，因為男人係天生比女人有更好o既體力同更易掌握運動。完全唔做運動結果只有兩個：一係奀挑鬼命大風 d 都吹走；一係廿幾歲仔已經有個大肚腩。
4. 三文兩語都唔掂
唔識英文、法文、意大利文，咪去食乾炒牛河凍檸茶少甜囉，何必勉強「帶」我去食又要旨意我幫你order 唧，風度呀~ 風度呀~？？？乜話？廣東話先係你母語？你唔係以為男人講野有懶音好cutie下嘛？
5. 渣車唔識路
基本上呢，香港地咁細，一次唔識路，咪問下人，睇下地圖，行多幾次囉，無咩大不了。咁，做咩又唔識路，又唔聽人講，人地提你又叫人收聲，又死都唔肯問人唧？唔係全世界女人都唔識睇地圖架... 你自己慢慢兜啦下~
6. 吹水
吹水，仲要唔抹咀果隻。咪當而家 d 女仔傻先得架，一街靚女分分鍾係電腦手錶汽車旅遊專家黎架，下下吹咁大好難俾你落台喎！
7. 自卑感極重
近 年女人o既社會地位越來越同男人看齊，唔好話超唔超越男人，但至少好多管理階層專業人士都係女人，女人搵錢比男人多，已經一 d 都唔罕見。唔好成日話女人現實，我認識好多女性朋友都唔會話介意另一半係咪一定要叻過自己，但往往出人意表o既係，d 仔自己睇自己唔起囉...... 吹脹！
8. 無上進心
我都知制遇o既野好難講，邊個唔想平步青雲丫？但咁唔代表一個後生仔可以「隨遇而安」，你無運行唧，但人家成功亦非偶然架！唔肯學、唔肯做，怕改變，驚蝕底，咪繼續自嘆懷材不遇囉......
9. 無承擔
已經唔係講緊一生一世果隻承擔啦喎！又驚死，又要玩，又要享樂，又唔想跟手尾，於是將所有問題賴曬你，賴曬你，然後雙手插袋一副事不關己o既態度。男人呀男人，型 d 得唔得？
10. 無耐性、無誠意
得！得！得！我知你地想做乜，我都無話唔想丫，但係食多幾餐飯，睇多兩場戲，飲下咖啡，行下街，談下心先埋牙得唔得呀？唔係扮矜持扭擰呀，咁樣真係好鬼無癮架~！
11. 自私
我知你想放假有人陪你想有人照顧起居生活你想有人幫你做阿四你想有人隨傳隨到你想唔駛煩任何問題你想有自由你想借錢唔駛還你想做愛唔戴套你想你想點就點，我知丫，咁你有無諗過我呢？
幾 多男人平日同 d 同性朋友走埋一齊時就忠肝義膽稱兄道弟，但一去到男女關係層面就變左隻自私精，柴米油鹽行街食飯樣樣計住又未必個個會，但係千篇一律基本上都係將自己o既 需要同期望放到無限大，完全睇唔到人地意願，自己做小小事成日提住，人地做乜永遠係老奉。唔合心意咩？發脾四！變臉！死未！
12. 大男人
唉...... 對我黎講，大男人其實係一個優點黎，可能我想法都幾傳統，我認同女人幾時都係應該細心做supportive o既角色，出面野留返俾男人去攪。不過以我觀察所得，似乎絕大部份男人都只係睇到做大男人o既權利，睇唔到背後o既義務同責任囉。老老實實，養隻狗你想佢 聽聽話話，你都要付出俾佢溫飽，俾時間心機train 佢照顧佢架，如果唔係，反咬你一口只係遲早o既事。
13. 八卦
明明唔關佢事，又要搭訕，要增加知名度掛！
[color=Red][size=3]大家睇完係咪好慶呢.....!!
不過好似又講得幾啱喎...[/size][/color]:mad::mad::mad::mad:
[[i] Last edited by soccerking on 2007-12-27 at 12:07 AM [/i]] 其實細心諗落
以上既野,自己每樣都衰d 都幾有pts 個女仔寫出黎都幾中point喎:good: 無意冒犯.
不過, 抄野, 就給個 來源 啦.
大家繼續討論
--
中左第12 :-( 添 [quote]Originally posted by [i]@娛樂滿紛[/i] at 2007-12-26 11:47 PM:
無意冒犯.
不過, 抄野, 就給個 來源 啦.
大家繼續討論
--
中左第12 :-( 添 [/quote]
唔好意思, 如果我post 出來源喇, 我驚比佢知呀.... [quote]Originally posted by [i]soccerking[/i] at 2007-12-26 23:58:
唔好意思, 如果我post 出來源喇, 我驚比佢知呀.... [/quote]
咁我幫你la，兄弟~
[url]http://hk.myblog.yahoo.com/jw!rY8eSu6eHwLoPdDQJ_b_0JEd6Vem/article?mid=819[/url] 唔該好兄弟........ 有時男女2 方互數下都好a...
無論港男or 港女，自己數人時又睇到人點數你/妳，咁咪balance d 同埋有個警惕lo 係o個d 咪改lor
唔係o個d 都已經唔係, 無咩所謂 除左10之外..我中哂.. 唉......總之都係嗰句，有錢就乜都無問題。不是市不市僧，而是香港環境實在令人覺得有錢至會開心。現在已愈來愈少真愛情，麵包兩份食的年代已過去了﹗:(:(:( 佢都寫得幾幽默喎
我係男嘅,但係我好多時都睇到好多男人有以上問題,真係幾難頂 越中pt..就越唔開心~
撫心自問___
每樣野都盡量做到最好...
亦算達到唔做以上ge野__
咁都畀人睇唔起~
What can I do? 有齊上面咁多樣可以去切7....
我都睇唔起果d人
1. 無一技之長
2. 淨係掛住打機
3. 唔做運動
5. 渣車唔識路
6. 吹水
7. 自卑感極重
8. 無上進心
9. 無承擔
10. 無耐性、無誠意
11. 自私
12. 大男人
上面ed都唔中我XD 有啲啱，有啲唔啱啦！都唔可以話個個都係咁嘅。搭車時打機都冇乜問題，同聽歌，睇書，睇報紙都係做自己嘅嘢(當然有朋友喺身邊就唔係太好)。唔通搭車時周圍望咩？我相信佢係指一小撮「香港男性」啫。或佢唔好彩身邊嗰個中曬所有point啫！不過我相信有把尺去度人，都應該有一把去度自己會比較公平。 我都中1堆............自我反省去.....xd **** 作者被禁止或刪除 內容自動屏蔽 **** 好hurt..:cry: 唉~~~衰哂tim，不過我都仲未拍拖，應該有得改架可....
頁:
[1]
2