過去豬年大家賺定蝕?
如果有推介請大家發表一下, 大家一齊參詳一下~:cheers:另同大家拜個早年, 祝大家鼠年個個有賺~!:clap: 我真係唔好彩,次按前一日我買左005,點知......唉.....! 其實今年都好多人蝕錢......
個市依家咁樣......
仲話市道好 :( 好彩放得早,都叫做有少少成績啦...... 11月入錯貨領左野...........豬年埋單計大幅賺少左:haha: [quote]Originally posted by [i]劉偉明[/i] at 2008-2-6 11:07 PM:
我真係唔好彩,次按前一日我買左005,點知......唉.....! [/quote]
你5 仔都還好, 我2 次直通車急煞前都入左貨,重倉...最經典係 2600 ...:angry: [quote]Originally posted by [i]tk83[/i] at 2008-2-9 01:12 AM:
你5 仔都還好, 我2 次直通車急煞前都入左貨,重倉...最經典係 2600 ...:angry: [/quote]
我上文話11月入錯貨,就係衰係2600手上
:(:(:(:(:( [quote]Originally posted by [i]littlepig[/i] at 2008-2-9 06:35 PM:
我上文話11月入錯貨,就係衰係2600手上
:(:(:(:(:( [/quote]
中女2600我睇住佢4個幾升上黎，當時本來諗住買，不過俾佢爆上左買唔切！:angry:
不過其實佢上次公布業績都唔係幾好，如果我買左10蚊應該都會放:o
呢隻股我好熟，今次係第三個頂，以過往經驗黎睇，佢每次見頂回落都超過一半！
每次底位都會橫行數個月甚至一年！04年果次係年幾，06年果次幾個月。
我會用「曇花一現」黎形容佢…因為我每次都捉唔到佢爆升的一刻:(
鋼同鋁的需求都有下降趁勢，所以可以見到323,347,2600業績都不理想，
去年尾基金換馬率先就俾人沽左落黎，
幾時見底就要睇佢邊個範圍橫行一段時間，
因為基金洗倉式沽貨唔會咁快買番，仲要睇下對原材料的需求。
我估9-10蚊應該係底，不過唔知會橫行幾耐。:giveup:
銅鋼鋁業績都冇乜增長空間，所以你見到佢pe好低(因為低增長)
要走出困境，暫時都要靠收購合併，
所以你亦會見到江西銅、中鋁近排都有好多動作！;) [quote]Originally posted by [i]笨小孩[/i] at 2008-2-9 08:01 PM:
中女2600我睇住佢4個幾升上黎... [/quote]
認同10蚊見底,但我對佢既前景並不樂觀。兩個幾月前見佢跌穿廿蚊,日日洗倉式咁沽貨,想止蝕可惜不夠果斷,諗住搏下季翻炒染藍升番上黎,但冇諗過插得咁深,家陣咁既勢炒乜消息都冇可能升番100%
見佢近排多番d小動作,其母公司收購力拓等有番些少起色,前幾天13蚊減持左兩手,套現等候時機換碼實為上策。
頁:
[1]