食物同服務態度勁差 ! 金鐘 - 天荷坊
天荷坊 Lotus Lane金鐘夏愨道16號遠東金融中心高層地下D1鋪
食物同服務態度勁差 !!!!
午餐去買外賣,叫左個"瓜粒湯飯" 25蚊,咁去收銀落單,點知冇乜散紙,咁要數硬幣
我畀左兩張廿蚊紙,兩個兩蚊銀,同足夠一蚊嘅毫子,點知個收銀話...
收銀 : 毫子我地唔收.. (態度超差)
我 : 毫子唔收? (好彩見到同事,借左個一蚊界我,咁畀左佢,我得張大紙)
收銀 : 係呀,我地唔收,好多地方都唔收喇 (見我畀左錢,態度超超超超超差)
我 : 咁毫子唔係錢,香港政府法定貨幣,而且你又唔一早講明話唔收 (大紙一早講明)
收銀 : 好多地方一早都唔收,百佳,惠康冇辦法"焗"收,而且入銀行要收手續費.. (態度超超超超超差)
我 : 咁即係你公司問題,唔係啲毫子有問題喇..
收銀 : 好很串咁話,你去問下第二度,睇下佢收唔收...(態度超超超超超差)
我 : 我今朝買報紙都收 (我係報紙檔買)..係你地唔收
之後費事同佢講,攞去左個飯就走....
PK....個湯飯啲湯冇味,仲幣過清水,又冇餸..
都唔知係咪佢啲伙計見我串佢個收銀,專登咁做...
我以後我都不會幫襯 !!!!!! 你大可以玩佢
如果佢係你口中咁樣
你一係就叫佢老細
但可能佢就係老細 所以先咁串
有好多地方既態度都好差
黑口黑的 自己壓力大就發洩係食客身上
相信好多人都有呢d經歷
佢地心諗 就算你一個唔黎 仲有大把人黎
完全做唔到顧客至上- - 唔係話只要係香港既法定貨幣 , 都一定要收既咩 ?!
佢貼係門口張紙話咩 大紙唔收 , 毫子唔收 ; 呢 d 好似冇法律約束力架喎 ...
就算大公司果 d 免責條款都唔可以凌駕於法律之上 , 何況係呢 d ~ [quote]Originally posted by [i]acrux821[/i] at 2008-6-25 05:23 PM:
唔係話只要係香港既法定貨幣 , 都一定... [/quote]
劉德華話：咁既服務水準係唔夠既:mad:
頁:
[1]