長毛60大壽兼出新書「我反抗故我在」
:yy02: :clap: :yy02:[font=PMingLiu, mingliu, 細明體_HKSCS-ExtB,]社民連長毛梁國雄聽日60歲生日，一班黨友同朋友噚日率先同長毛神秘賀壽，仲為長毛送上一本籌備超過一年、最近先印好嘅《我反抗故我在》一書，搞到長毛不知幾開心。
獲讚賞 稱受之有愧本書內容唔嘢少，有多位法律、政治名人同學者參與，包括公民黨余若薇同自由黨田北俊寫序，港大法律系教授陳文敏、戴耀廷、立法會主席曾鈺成、前立法局主席黃宏發，以及曾協助梁國雄打官司嘅資深大律師李柱銘等亦有受訪，講述佢哋眼中嘅長毛。
事前完全唔知情嘅長毛，噚日返回立法會辦公室，一開門見到成班朋友獻上神秘驚喜，都打個突，仲話︰「唔係吓嘩？」笑謂呢個時勢做壽，係有啲政治不正確喎！但無論如何，佢都多謝一班老友，令佢覺得好開心。
長毛又同八方講，覺得咁多人喺本書讚佢係「受之有愧」，因為傘運後，公民社會歸於沉寂，「因為我不夠堅定，亦不夠勇氣，所以本書我受之有愧」。至於長毛有乜生日願望，佢就話生日其實係母難，「所以每個人過生日時，一定要諗起媽媽，呢個係我最大的祝願」。
幫長毛出書嘅劉細良同八方講，本書嚟緊會印1,000本，只會喺二樓書店或獨立書店有得賣，相信5月就會面世。八方率先睇過呢本大作，發現除咗名人專訪，仲以「一視毛成詩三首」為題，收錄咗長毛同曾鈺成的私訊來往，包括唔少長毛同阿曾溝通時所作嘅詩文，其中一首就喺2014年11月佔中期間發表。
長毛當時寫咗「佔領本無奈，公投亦非常，從來無奢望，何必強退場」，阿曾就回覆「佔領本難耐，公投豈尋常，果然無奢望，何不早退場」作回應，都算相當應景。
[/font] [size=6]銅鑼灣書店有售 [/size]:yy31: :D :yy31: [size=6]60歲 = 同共X鬥長命 [/size]:yy02: :yy31: :yy02:
頁:
[1]