周永恒上ViuTV節目同蘭子互吊，爆粗拍枱走人
:yy31: :yy28: :yy31:由陳淑蘭（蘭子）主持嘅ViuTv清談節目《晚吹-總有一隻喺左近》主要係以人性陰暗面做主題，噚晚嗰集就請咗周永恒同埋陳莉敏（QQ）傾吓「賤格」呢個主題，其實節目未出街嘅時候，唔少網民睇完預告已經話好期待。
節目一開始，蘭子就問對「賤格」有咩睇法，周永恆就認為賤格係真實，同埋睇吓你同嗰個人嘅關係，熟啲就賤啲，而QQ嘅想法就同佢完全相反，認為愈親嘅人愈唔應該賤。
之後，蘭子又問佢對好多人都稱佢做賤男有咩睇法，周永恆就話佢記得上次嚟呢度嘅時候（ViuTv未開台前），有人俾咗封信佢讀，話讀完之後就可以氹番阿Yu，之後佢讀完，就俾人話賤、話佢係人渣。蘭子即刻話周永恆其實可以唔讀，周永恒就話佢當時好「shuffle」。
當蘭子話去廣告嘅時候，周永恒就開始爆粗話佢「昆我上嚟，X街。X街，一坐低兩個X我！」
蘭子話好多娛樂雜誌都稱佢做「賤男」，就講周永恒打老婆呢件事，QQ就話佢郁手打老婆係唔啱，仲話呢啲就係賤格。周永恒就話佢冇話過自己啱，唔介意其他人點睇自己，佢最關心係佢兩個女。QQ之後仲笑佢好「shuffle」。
節目仲請咗按摩師上嚟分享佢見過嘅賤男，仲話佢冇見過人賤得過周永恒，周永恒嬲到講粗口走人，更喺錄影廠門口同工作人員鬧交，之後工作人員帶佢走。點知佢又返嚟鬧蘭子，鬧完發完晦氣之後，佢又再起身走人。 佢係賤人,人渣:nogood:
頁:
[1]