[5/15兩性加分題] 嗌交經驗淺談 [trista+]
...我同我e家果個都差不多兩年了.....呢兩年未試過嗌過交..!.真係覺得好平淡...~ ~....
有時我真係特登搵d野黎...想同佢嗌下交.......增添下感情..!"但佢真係好好脾氣"
次次我咁做....佢都話""對唔住呀,激嬲你...唔好板著臉啦!"
成日佢都會覺得係佢唔o岩.....搞到我.......真係冇趣 !!!!
由其我而家o係外國.......見面o既機會又少埋 !真係好平淡
Do anyone have a similar experience ?
[[i] Last edited by 樂壇渣Fit人 on 2005-5-20 at 09:17 PM [/i]] 我同我女友都差唔多兩年
頭半年一個月鬧兩三次, 過左頭半年一星期鬧五日
會鬧到灰嫁, 佢咁就你, 你反而又想搵交鬧, 咁奇怪
如果你女友唔係太保守, 不如試下同你女友玩第D新野, 重燃激情
鬧交唔係路, 唔好諗 我同我女友都五年啦~
同果三個月係蜜月期 都冇嗌交
但係之後就三日一小吵十日一大吵
佢都算係冇理取鬧 最後大家都係要冷靜 唔見對方
就係因為成日噪 感情出左好多次問題
講真丫 你女朋友都算好啦!
佢會同你講""對唔住呀,激嬲你...唔好板著臉啦!"
我女友都未試過咁講
咁我問你 你想唔想好似我咁
成日噪 成日兩個面左左?
你覺得平淡 要唔要試吓同你女友 兩個人帶個背囊去旅行?
咁樣大家係trip個時可以互相了解..又可以多個回憶 都唔錯嫁 [quote]Originally posted by [i]inico[/i] at 2005-5-15 23:29:
...我同我e家果個都差不多兩年了........ [/quote]
請問你係邊國家呀?? 小弟而家都係係外國, 同以前個女朋友就因為各在異地而分手, 你好好珍惜而家個女朋友啦...佢咁好,唔好諗嗌交啦, 好危險架...... 有討論氣氛各人加五，請繼續努力 我o係Australia !...thx for your suggestion ! 起初我同佢一齊既時候.每隔2~3日就會發一次脾氣.過左2個月到.就每隔7日到就發我一次脾氣.到而家.就一個月一次.不過易"tum"左好多.到後期先發覺.原來係初頭因為佢身體同屋企d問題攪到心情好差.小小野就發脾氣.o固時真係有諗過同佢分手.而且初初同佢一齊既時候,以為佢比較成熟.但原來都係好細路女脾氣.而家了解多左.反而真係覺得"會發脾氣既女仔真係好可愛".
如果你覺得佢太遷就你令你覺得唔舒服,試下同佢傾下.唔好收收埋埋.到問題越多既時候就真係會一發不可收拾.仲要你明白到一樣野.你女友咁就你你應該感到幸福.希望你會珍惜.最後.互相尊重對方.體諒對方既缺點. I and my bf together 7 months already.....
But, we didn't 嗌過交.... bec we are both 比較成熟.....佢脾氣好好(high EQ)
we will 體諒對方.
It is a bit 平淡..... But, I think 平淡 is much better than always 嗌交.... ^^
It is hard to find a girl who is "好好脾氣" ga la ~~
Hope you can 珍惜 your gf la ..!! [quote]Originally posted by [i]inico[/i] at 2005-5-16 20:08:
我o係Australia !...thx for your suggestion ! [/quote]
我都係喎, 你係sydney呀?? [quote]Originally posted by [i]saki[/i] at 2005-5-17 15:55:
I and my bf together 7 months alrea... [/quote]
Totally agree!!!!!:D [quote]Originally posted by [i]Akuma[/i] at 2005-5-19 09:12 AM:
我都係喎, 你係sydney呀?? [/quote]
我o係Melbourne 呀^^ [quote]Originally posted by [i]但丁[/i] at 2005-5-15 10:23 PM:
我同我女友都五年啦~
同果三個月係蜜... [/quote]
我都係同樣experience
我七個月，頭個兩三個月都好sweet ga
跟住，以家 ?連續五日都吵，但係呢頭先tum翻佢，
個頭又吵過，次次都係佢無理取鬧....我知我唔好老脾，
但係我真係忍得好辛苦
好似今日咁，(講緊電話)兩分鐘前好sweet，突然間條街好迫
then I said: 嘩，我新買個個袋太大，好難迫入條街
佢:你又買新袋，幾多$?
$500....
跟住就係high frequency ge鬧人聲....又話晒$又成...
之後上左298，佢叫我幫佢買野，人地無貨，佢又鬧我...
我今日心情靚，忍佢
跟住同個fd去試衫，佢係fitting rm，我係出面等無野做，
諗住打去tum番佢，tum得好好地，佢問我同邊個一齊
我問照直講，佢好大聲係我當住個 fd面前鬧我
話唔俾我同呢D損友一齊，又話人地花心、咸濕教壞我
我個fd聽到晒，你話我幾尷尬?
我都算...
arm arm我同老豆老母講我條女想上來屋企玩得唔得
之後同番條女講，佢又鬧我問野無D技巧，
話我講到佢好似一個好唔正經ge女仔隨便上人屋企wor
前後鬧左我四次，今日arm arm考完amath心情靚靚都俾佢搞壞晒
我鬧佢我唔鍾意一個成日鬧我ge女朋友，佢就喊:mad:
你叫我點做?吹9佢唔脹lor真係
佢又話會考壓力大，所以先發洩，ok，我唔mind
今日都差唔多考完個會考la，仲有科聖經...
咁唔通你考完又話等放榜壓力大要我忍到你8月10日ar?
我真係好想調教番佢，佢好多時take anything都好serious...
又係一個好正經好純ge女仔.想上床調教佢?no way...
[[i] Last edited by sls17199 on 2005-5-20 at 12:25 AM [/i]] [quote]Originally posted by [i]inico[/i] at 2005-5-15 09:29 PM:
...我同我e家果個都差不多兩年了........ [/quote]
brother, 平淡好似唔係由 "冇嗌交" 引起ga wo,
你搵果問題出黎仲好啦
我試過同ex gf (1) 周不時嗌交, 好辛苦, 懷疑同佢夾唔夾, 結果散左
同 ex gf (2) 冇嗌交, 結果都散左 (reason 係唔夾)
有時真係好煩.................
嗌唔嗌交都死 積極回應會員各+5 平淡可能比決激烈更好............ 我第一次拍拖時同ex-gf一齊五年，五年內真正有"嗌交氣氛"既只有幾次，大吵既就一次都冇了。我諗我同inico既另一半既情況差唔多。我既脾氣好，好少嬲人，就算佢有乜野做錯都原諒佢，有時都係明明係佢錯，但最後都係我tum番佢先，又或者雙方有錯既，都係我認錯先(絕對唔係讚自己，咁樣有好有唔好架)。但我而家諗番就覺得咁樣令到以前既佢無咁珍惜呢段感情了。所以對你黎講，你又係唔係因為佢太過好人，處處包容你遷就你，所以令你變得冇咁珍惜佢呢? 有時並唔係感情變淡左，只係我地對感情無以往咁珍惜。
所以我覺得你既問題唔係因為冇嗌過交而平淡，而係你地之間冇乜火花。呢d火花唔係透過嗌交先有架喎! 我覺得嗌交唔會增進感情，因為嗌交唔多唔少都會俾對方扣你分! 要有火花，應該向正面d諗啦，如其搵交嗌，不如諗下有乜野sweet既話可以再勾起雙方既感覺仲好啦。
你要知道，佢肯咁就你，就即係佢覺得你係佢心目中，你仲重要過佢自己，所以明明係你錯，佢都會認左錯先。佢覺得認錯唔重要，最重要係你肯同佢好番！你快ｄ諗諗點樣維繫番段感情啦。
[[i] Last edited by gundamman678 on 2005-5-25 at 12:03 AM [/i]] 我同我女友一齊左差唔多兩年, 一齊住既時間過得特別快, 無嗌過交
話咁快佢要返日本半年, 當佢返左日本, 我地就開始因為D小事嗌交
佢發脾氣發得無道理(我應為無道理啦), 搞到我都燥埋
頭兩個月, 嗌交還嗌交, 大家都無提過分手, 當佢嗌交嗌到搵返我以前女友D野講
開始不妙, 不知不覺, 嗌交嗌到開始有D分手既念頭, 唔單只我, 佢都有, 而且比我更早
當大家考慮分唔分手既時間, 我敢確定嗌交係會帶黎好多負面既影響
嗌交其實係挑戰緊雙方既忍耐力, 因小事嗌交其實大家已經無熱戀時既包容
因大事嗌交, 其實係對份感情無當初咁濃, 開始介意以前既事
當初唔介意既事都搵返出黎講, 唔想分手既一方係最灰, 要忍受無時無刻既無理取鬧
因為無理取鬧正正係分手既藉口, 佢係想你開口講分手, 我係咁嫁喇, 忍唔到就分手啦
你唔會估到佢無理取鬧既地步係可以去到幾禁嚴重
就算比你留得往佢, 都唔可能好似以前咁開心
嗌交可以直接間接咁令一對戀人分手邊緣, 你話嗌交有乜好
頁:
[1]