而家d女仔郁d就發脾氣,講多幾句就一野打埋黎,
以前d斯文得多,只有你打佢,冇佢打你
係呀! 而家d女仔真係好過份! 打人下下出盡力咁一野打埋黎，完全無諗過留力，佢地以為自己好細力，其實都不知幾大力，俾佢地打到手都紅晒!! 都short short地架!!
都唔知佢地想點! 我識既女仔friend當中，起碼有三個係咁，郁d就動手打人! 呢d行為真係好克人憎! 你話痛，佢都仲覺得自己無錯架喎，sorry都無句，當無事發生! 嘩，我唔講粗口既都想講門X呀 !
係咪睇野蠻女友上腦呀! 打人前唔該諗下自己有冇全智賢咁靚啦!!
ｄ女其實都係只對自己男朋友發脾氣，要男朋友ｔｕｍ，關心．
但佢地唔會在乎咩時候同埋發生咩事．．．每次都係無啦啦發脾氣，殺我一個措手不及！
所以我諗左方法，就係每次女朋友發脾氣，都係自己做成．自己又一早諗定點樣tum 番佢．
所有野都係掌握之內，就冇咁煩啦～
（雖然我未試過呢個方法）
[quote]Originally posted by [i]12d3[/i] at 2005-7-4 08:15 PM:
ｄ女其實都係只對自己男朋友發脾氣，... [/quote]
I think so too, they just want their bf to take of them and spend more time with her
發唔發脾氣雖然係性格問題~我都認而家d仔好脾氣過d女~d女就差左~但時勢唔一樣人會變~你之前可以發人點解人而家唔可以發你~冇野係絕對有因必有果~同埋m到真係辛苦過我地冇做~因為我地冇做到可以自己黎~但黎m冇得話自己搞到佢唔黎~
擇偶要求人人都唔同~你以前可以高人而家都可以高~大唔大小姐真係好睇自己本身點諗~我地學校有對上過雜誌封面既姊妹~但佢地一d架子都冇~所以擇偶要求人人都可以因時勢唔一樣而過~當自己本身條件高左對人個要求自然可以高返喇~
八婆呀講粗口呀就真係唔係好得~男女都唔得~雖然社會上好多人都講姐~係講唔係用黎串人~應該係發洩下自己情緒~但唔係對人發~搞下氣氛都ok~但用黎串人串到少少面都唔留俾人果d~其實最唔得~識串人唔使用粗口~用粗口串人係爛口~
其實而家好多好既東方女仔都可左西方搵另一半~各位男仔唔好以為仲有好多好女仔~冇咩架喇~想要好女仔一定要提升自己既本身條件~做好自己ok唔好計咁多~
咁我發脾氣都係想佢知自已錯咩o者... (咁我問佢咁佢男朋友錯咩...佢就答唔知) <----
成日都係呢個問題
問題就係佢地總係會覺得自己就算發脾氣，都係男朋友令佢地變成咁，而好少諗到係自己問題，有時作為男朋友，我會好就佢，我唔鍾意同佢嗌交，所以好多時我都會話「係我錯喇，唔好嬲啦...」呢一類說話，老實講，我認為自己真係無咩問題，就好似上面d弟兄講架情況，因為買唔到一件衫、因為諗唔到去邊度食野而發脾氣架情況亦屢見不鮮，呢兩個case好奇怪，想大家幫手諗一下，到底問題出自哪裡?現闡述如下:
Case 1:佢成日要我同佢行街睇衫，但係好多時見到d又貴又靚ge衫，佢經過又唔會買，又會好想買，如是者每經過同一間店舖都會入去望一望然後好唔捨得咁走，終於有一次，我諗係都2,3個月後佢又行，咁件衫比人買左，唔見左，於是佢就大發脾氣，話件衫比人買左喇，話我唔早d同佢黎(事實上佢已經o係2,3個月間黎過3,4次以上...件事發生前黎只係2個星期前ge事..)然後我想安慰佢，話第時去第二度搵返or去第2度睇過啦、其他仲有好多靚衫嘛~，點知反而比佢話到我狗血臨頭，到最後佢仲話我唔明白佢，同我講野都"side"氣，然後佢就把火咁話「唔行喇，我想走，比返個袋我」
(因為每次出街我都會幫佢拿佢個袋，開頭係我因為自己手頭冇咩拿而開始左幫佢拿袋，起初佢會唔該前唔該後，但係做多左幾次之後，已經變左佢認為我要幫佢拿袋係必然，有時我手頭上同揹住好多野，話佢自己拿住一陣自己d野先，佢就會話我好唔幫佢(事實上佢手頭上係冇野拎住除左果個袋，然後話佢自己好累)，然後又係嬲我...
離左題添...講返，佢話想走架時候，我就話「唔好咁啦，大家因為咁嗌交好無謂...」，然後佢就會接住咁話「我講咩你都唔明架啦」，我就會話「唔好咁啦，咁係我錯啦...sorry呀...」(事實上我係想大家學懂去珍惜段感情，唔想再同佢嗌交，並不是認同佢買唔到果件佢一路都冇諗住買ge衫係同我有關，而事實我真係覺得佢買唔到衫係唔關我事，因為咁比佢話我亦會覺得好無奈...)
希望大家評一評...
仲有好多事件，不過唔想太長咁打出黎，大家再有興趣我先打，已經打左好長喇今次...
唔好意思...
大家有冇諗過為可香港女仔咁霸道？
[quote]Originally posted by [i]hkcitywong[/i] at 2005-7-11 03:16 PM:
大家有冇諗過為可香港女仔咁霸道？ [/quote]
1. 細過爸爸媽媽縱慣
2. 稍有姿色的, 從小到大都有幾個男仔追, 於是慣了呼呼喝喝
3. 唔霸道, 驚你霸道, 俾你食住
4. 唔係好識表達自己的情緒
參考#8
[[i] Last edited by research2005010 on 2005-7-11 at 04:32 PM [/i]]
[quote]Originally posted by [i]aia_k[/i] at 2005-7-11 01:13 PM:
咁我發脾氣都係想佢知自已錯咩o者... ... [/quote]
多謝分享~
可唔可以再post多d你女友發脾4既原因同你點tum番佢?~
我都想學下野~避免因d無謂野同女朋友仔嗌交~影響大家既感情~
Case 1:佢成日要我同佢行街睇衫，但係好多時見到d又貴又靚ge衫，佢經過又唔會買，又會好想買，如是者每經過同一間店舖都會入去望一望然後好唔捨得咁走，終於有一次，我諗係都2,3個月後佢又行，咁件衫比人買左，唔見左，於是佢就大發脾氣，話件衫比人買左喇，話我唔早d同佢黎(事實上佢已經o係2,3個月間黎過3,4次以上...件事發生前黎只係2個星期前ge事..)然後我想安慰佢，話第時去第二度搵返or去第2度睇過啦、其他仲有好多靚衫嘛~，點知反而比佢話到我狗血臨頭，到最後佢仲話我唔明白佢，同我講野都"side"氣，然後佢就把火咁話「唔行喇，我想走，比返個袋我」
佢既意思一定係嬲你唔買俾佢!! 其實佢一直都只係做戲俾你睇，等你"落搭"會自動醒水去買俾佢! 點知你get唔到佢意思，佢咪嬲你囉!!
但你係唔係都自己認錯，會唔會做係佢咁臭脾氣既原因呢?
[[i] Last edited by gundamman678 on 2005-7-11 at 07:45 PM [/i]]
而家d女仔d脾氣真係可以臭到無人有,short起上係條街到痴俾你睇,
好似我條女同個妹咁,fat起老脾真係生人勿近,真係死Q都唔知