wahahaha... u are so damn right....
嘩~~ 我中既項目很少，哈哈~~
講得好既我唔會插既，放心~~
補多一筆，我的觀察：大部份係香港熱戀中既男女:
．名字開始同祖國國寶接軌，平時雄糾糾叫阿邦o既佢，突然開始成日畀人叫邦邦
．去到邊都當係自己屋企咁，o係公眾塲所旁若無人咁做出好三仔o既行為
．男友去到邊都有追魂call，o係電話度同女友話返去先打畀佢，但隔五分鐘又有call殺到
．任何肉麻o野都唔會覺得肉麻，任何一方係地鐵同另一方講電話都會好大聲話：豬豬，錫晒你，啜！啜！其他人望住佢，佢反而會好自豪咁晒幸福
．男方架車度，就算係Executive Class既車都好，都滿布毛公仔
．男方接到女方電話，就算o係公司，聲線即刻溫柔十倍，旁邊同事唔知o既重以為佢調咗去做Customer Services Hotline
．男友就算對女方點衰都好，女方都會默默忍受，但會周圍同人呻
．女友就算對男方點衰都好，男方都會默默忍受，背後走去滾
．男方永遠講大話，成日瞞住女友約會其他女仔，比人踢爆時就解釋話：唔講你知都係唔想你亂諗
．女方永遠疑神疑鬼，任何單身女性物體走近男友度都係勾引佢
．男友駛o既任何錢女方都要過問，除非係駛係女方身上就Pre-approve
．同男友既一班男性朋友出完街，事必向男友逐一查明對方家勢，然後大肆批評
．同女友既一班女性朋友出完街，事必逐一評頭品足其身材樣貌
．男方有意無意向女方打聽其女性朋友之閨中密事，然後大肆唱開去畀自己Ｄ朋友聽
．女友同男友出街，永遠旨意男方埋單
．男友同女友出街，視綫永遠放o係對面街著住低胸短裙o既女仔度
．同一班朋友出街，女方有乜唔滿意都會故作大方，到散場剩番兩個人時向男方不停投訴，重話以後如果阿邊個出黎唔好預我
．剩係得兩個人出街時，有乜唔滿意女方都會立即發脾氣，唔理街度有幾多人望住
．唔識煮餸既女方，會失驚無神煮兩味畀男方食，重要迫佢話好食（實情比只係比監躉食o既好少少）。男方如果唔識趣到話：麻麻地即！女方會話：以後咪駛旨意食。跟住成晚嬲爆爆。
．女方見到個個女同事個都織冷衫比男友，又學人織埋一份。但佢既第一件作品不作他人選地落在男友身上，男方如果嫌肉酸o既話，即刻又要受女友氣，直至男方應承著返公司為止
．女朋友幾靚幾好都好，男方永遠o係豬朋友大兩大下一齊上大陸到夜總會去滾
．男方永遠覺得人o地o既女朋友比佢自己o既靚十倍
．女方永遠覺得人o地o既男朋友比佢自己o既溫柔體貼十倍
．男方從來唔去買CONDOM，成日呃女友話佢識計安全期
．女方從來唔去過問安全性知識，到有咗就怪晒個男友
．男方鐘意係朋友間吹噓自己同女友既性事，完全唔理女方感受
．女方鐘意係朋友間吹噓男友對佢有幾好，送幾貴既o野比佢
．男方提出分手時，女方會以自殺威脅
．女方提出分手時，男方會問佢攞番送過畀佢o既o野
[[i] Last edited by attaboy on 2005-7-20 at 01:04 AM [/i]]
．三十歲唔夠就甩頭髮，大肚腩，四眼但唔鐘意帶CON <<除左甩頭髮，其餘中
．成日話無錢唔結婚，但有錢換車/AV產品 <<中，但將結婚換成媾女
．連董橋或陶傑係邊個都唔知，但要笑人中文唔好 <<董橋真係唔識@@
其餘全部唔中～
結論～我唔係ＭＡＤＥ ＩＮ ＨＯＮＧ ＫＯＮＧ
我係好似小馬哥咁，第二度製造，香港交貨:P
[quote]Originally posted by [i]段云[/i] at 2005-7-20 01:45 AM:
．三十歲唔夠就甩頭髮，大肚腩，四眼... [/quote]
小馬哥 is HK born wor
[quote]Originally posted by [i]段云[/i] at 2005-7-20 01:45 AM:
．三十歲唔夠就甩頭髮，大肚腩，四眼... [/quote]
董橋啦喎，唔識佢唔出奇，知佢係蘋菓日報社長兼被捧為香港十大文人就得o勒．
[quote]Originally posted by [i]attaboy[/i] at 2005-7-19 04:29 PM:
gundamman678，咁呢次你就唔好插... [/quote]
我係香港男仔 但係同你講既- -70%相反
最重要係我成日買正版cd,vcd,dvd,game- - 我fd為因此話我哂錢
[quote]Originally posted by [i]魔術師[/i] at 2005-7-20 03:46 PM:
我係香港男仔 但係同你講既- -70%相反
最重要係我成日買正版cd,vcd,dvd,game- - 我fd為因此話我哂錢 [/quote]
唔中係好事。但係可唔可以透露一下，除咗買正版外，你同以上所列o既有幾唔同呢？因我想做個統計。
[quote]Originally posted by [i]dg666[/i] at 2005-7-19 02:14 PM:
有一些好對.但有些唔係,起碼只得少數,... [/quote]
我覺得如果一個女仔重會覺得自己係扒o既說話，就無論佢o既外表係點，都唔算得係扒。有愛心有禮貌o既女仔o係我心目中係好靚o既。真正我會叫做扒o既係o個o的毫無自知之明但又要烏鴉扮鮮花o既女仔．如果生得好似夏蕙姨咁o既格局，呢樣唔怪得佢，要怪都怪佢阿爸阿媽當年造人時吞POP唔去QC。但係如果唔自量成日擺出一副傾倒眾生o既姿態，畀面色男仔睇，咁......咁係會令人馬上有衝動......係車佢去屠房o既衝動。港女們，懇請你o地做番同你o地外貌成正比o既舉止，唔係影響香港市容，嚇走晒o的遊客就唔好啦，話晒香港你o地都有份o架o麻。
[quote]Originally posted by [i]attaboy[/i] at 2005-7-20 06:03 PM:
唔中係好事。但係可唔可以透露一下，除咗買正版外，你同以上所列o既有幾唔同呢？因我想做個統計。 [/quote]
縱慾主義，對任何女仔都唔理好醜，但求就手
我要真係岩自己先會
．關心同自己約會o既女仔上圍係幾多，約會時著件衫有冇走光
唔會理女仔上圍幾多 就算佢平 我鐘意就係鐘意唔會介意
．矮，但介意女友高過自己
17幾cm唔矮掛- -
．除咗返工，淨係著波鞋
e個係- -唔通你t-shift 皮鞋?
．被問及女人要點先至吸引，會答「36,24,36」而唔係「內涵」
我覺得心地好最重要
．用翻版software/VCD/DVD/Game，從來冇考慮買正版
我買正版多
．沉迷性感偶像，喜歡日本AV女郎
我鐘意eason- -唔叫性感掛
．係床上只有三分鐘似個人，完事後即刻衝去睇波
未試過唔知道_ -
．唔剪腳甲/手甲，撩牙唔掩口，同從來唔講excuse me
岩岩相反...不過唔係英文係唔該借借 撩牙有掩口(屋企細個教)唔剪腳甲/手甲唔理好肉酸
．吐痰/有鼻涕但永遠唔用紙巾（因為永遠唔帶）
我成日帶一出街一定囉 無既都去7仔買
．說話聲線故作是顏聯武（懶感性），動作經常扮有型
動作自然唔會特登做
．毛手毛腳同講有味笑話以引起身邊女性o既注意
我無咁咸 同對女仔講野我會面紅加唔識講野
．穿低腰褲子時透出國產內褲邊，其實應該穿Calvin Klein
．名牌淨係識Calvin Klein，重要淨係識叫佢做CK，唔能夠正確地講出全名（因為佢地連串都唔識）
底都要名牌有D咩..我去吉之 買唔理牌子
．衫袋，褲袋，工作枱上有一大堆垃圾同用過o既紙巾
未試過- -
．高價收購大量唔等駛o既刀，劍，波衫，成日話有錢賺，但次次都係擺係屋企封塵
我唔會買E d哂錢野
．好似好關心時事同國際大事，成日扮正義，其實所知o既都係o係的士司機度聽返o黎
我自己睇新聞家
．淨係鍾意睇日本漫畫，打機攻略，厭惡文字佔板面30%以上之書籍
我鐘意睇書....由其係中屎,西屎,鐘意睇多字書- -又係相反
．連董橋或陶傑係邊個都唔知，但要笑人中文唔好
我真係唔知- - 我睇書唔理作家
．自己講英文淨係識單字，但要笑人唔識英文
我英文係好廢 但唔會笑人
．o係戲院裏面大聲講電話，不論係公事定私事，一Ｄ都唔覺得唔好意思
我係戲院同我旁邊fd 講野勁細聲...重係出字個陣先講
．喜歡聯群結黨去溝女，叫佢自己去馬就騰晒
唔會...我唔會好特登溝女
．放假既活動只係刨馬，睇波，打機同睇四仔
我係打機- -其他3樣無 我屋企人教我賭我重好識賭 但係唔會賭
．從來唔做運動，厭惡人o地有six-pack
E樣有.......
．o係icq度淨係同Ｄ年紀細過佢O既女性做朋友
我唔會icq到特登搵人黎溝- - 係得人add我
．永遠出街唔梳頭，口唇成日甩皮，鼻哥經常有條鼻毛突出o黎
我出街整個頭,要5-10min 口無甩皮 同埋緊係無毛突出黎啦- -
．o係女仔面前扮有愛心，但其實背後成日虐待Ｄ小動物
唔會特登扮 都唔虐待 因為我好驚小動物
．遲到永遠搵一大堆理由，但係冇一個make sense，亦唔去諗Ｄ有新意既藉口
我無幾可遲到
．係公眾場合撩鼻屎，用地鐵飛刮老泥
咁好肉酸100%唔會做
．o係街上見到靚女就眼甘甘，跟人幾條街扮搵路
我唔會特登望..望到就望唔好去搵 望到都係望一眼就算
．o係街淨係望Ｄ著得少布O既女仔，自己女朋友著少Ｄ就話畀人睇蝕晒
我唔會咁做唔會係街望人同埋我都無女朋友...
．唔會嘗試新o既餐廳......去親都係茶餐廳，點每日唔同o既套餐
我主動會試..新開既一定去試過唔掂先去返舊
．係屋企：累到死，俾Ｄ私人時間我；係公司：工作太忙，唔好意思我重有好多o野要做，幫唔到你
咁有時真係丫嗎- -
．比很多女人更八卦，o係公司掛住收料又唔做自己o野，一唔係用公司電腦上網睇自己o野扮做o野
有時我會係-
．如果女朋友同男性出街，唔理佢o地有冇o野，都比面色女友睇；如果自己同女性出街，女友要求解釋係無理取鬧
我係會俾面色(如有女朋友) 但係唔好同其他女仔出街 ..出都要問過佢
．o係酒樓度用阿公Ｄ毛巾抹臉，仲話邊有咁多菌?
我唔會我會用自己帶既紙巾
．冇風度，冇量度，小男人同記仇
我成日讓女仔 我唔記性 過左一陣就唔記得啦(真係無呃你)
．深信各種誇大宣傳的Tips（包括財經/馬經），為呢Ｄ山埃大灑金錢
我先無咁得閒睇 但係買報紙睇新聞有時睇埋財經算唔算...
．返工永遠淨色恤衫加黑色西褲
咁返工係咁家啦唔係想點- -
．口才唔好又唔收口，成日扮幽默，自己攞o黎瘀，又永遠唔認衰
我把口係唔掂 所以成日唔講野唔扮幽默因為覺得自己把口唔掂 - -不過唔知點解同性朋友成日聽我講完之後都會笑,但自己覺得都唔好笑
．自大，但係o係老細同女友面前自動扮矮仔，見到朋友就吹到自己天下無敵
唔會咁.....
．任何場合都覺得自己可以吸引到在場o既女性，就算人o地眼尾都冇望過佢
我出到街係有少少自卑 一定唔會咁諗
．一面食煙一面講溝女經，其他人聽到都想嘔，但自己覺得好英雄
我唔食煙同埋我都想有人教我識女仔
．出街食煙Ｄ煙灰四圍彈，以為自己係劉德華
唔食煙
．貪小便宜又怕肉酸，淨係識得叫個女人出聲，背後仲要話Ｄ女人係咁架啦，真係冇佢o地符
我無女人........ 同埋係要就自己無謂要人幫
．成身肥豬肉都唔去減肥，重要笑Ｄ女人O徙無謂錢去修身
我係節食同飲coke都係健怡一卡路里
P.s 頭個到有少少係同埋我廿歲都無點有30歲..... 所以話係70%
重有一個
識女仔就話溝溝聲 女仔就叫做條女 唔識講認識個女仔
[quote]Originally posted by [i]魔術師[/i] at 2005-7-20 10:44 PM:
縱慾主義，對任何女仔都唔理好醜，... [/quote]
Quote:
Originally posted by attaboy at 2005-7-20 06:03 PM:
Thank you for your detail reply.
Hmm....你的確係屬於少數o個20%。好大機會成為一位Gentleman。努力，唔好被同化，香港需要你！
>e個係- -唔通你t-shift 皮鞋?
我通常係背心短褲拖鞋加煲呔......梗係唔係啦。可以係帆布鞋，帆船鞋，涼鞋，電單車靴同唔似波鞋既波鞋......
>我英文係好廢 但唔會笑人
英文唔好唔係罪過。我好少見鬼佬笑人英文唔好，通常走去笑人o既都係識講幾句functional englisho既香港人。（sorry! 我係對大部份香港人冇乜好感。雖則我最好o既朋友都係香港人，但係佢o地都係o個20%裡面o既人。）
>咁返工係咁家啦唔係想點- -
以前我o的女同事成日笑我o地班男仔返工日日一樣樣（其實恤衫日日唔同色o既），咁我就私底下問過o的好friendo既女同事，咁點著你地先覺得特別呀？佢話：恤衫要買有花紋，唔係花呢花碌似去完夏威夷返o黎o個隻。起碼都買o的橫間直間，同有暗花o既。再唔係著唔同套裝都好。條褲亦一様，千祈咪淨黑色，除非你係o係餐聽度做。唔係o的女仔會覺得你好dull，好悶蛋。
>我把口係唔掂 所以成日唔講野唔扮幽默因為覺得自己把口唔掂 - -不過唔知點解同性朋友成日聽我講完之後都會笑,但自己覺得都唔好笑
呢樣我有同感。雖則我都算叫做識講o野，但係通常我好正經講o野時o的女仔會好開心咁笑，但到我真係講笑話，佢地就唔會笑，重會嬲爆爆。跟住我唔講笑，佢地又會笑番。唉！女人！
>我唔食煙同埋我都想有人教我識女仔
如有需要，不妨講出o黎。自問唔算係高手，但係到而家已經好清楚o的女人想要o的乜-->一o的我諗我永遠都畀佢地唔到既o野。
>重有一個
>識女仔就話溝溝聲 女仔就叫做條女 唔識講認識個女仔
而家叫*界刂*o架啦，重叫溝冇妹妹仔show你o架。
[[i] Last edited by attaboy on 2005-7-21 at 12:06 AM [/i]]
睇完...無言.......樓主你都批得幾一針見血....
不過...有無80%甘多,我有保留咯.....可能我時運高,少見你講哥d類型拉
[quote]Originally posted by [i]藍[/i] at 2005-7-21 01:54 AM:
睇完...無言.......樓主你都批得幾一針見血....
不過...有無80%甘多,我有保留咯.....可能我時運高,少見你講哥d類型拉 [/quote]
統計學o黎講，要玩弄o的數字去逹到想要帶出o既結論係話都冇咁易。80%只不過係原文係咁講，我個人係冇去做過調查研究o既。如果要人信，不妨同人講76.6827％既香港男女有以上特徵。同埋，其實要搵個人中晒所有以上o既行為，難度係9.75239948/10。唔駛咁認真o既，有則改過，無則慶幸。如果有人睇完真係逐樣check自己係咪咁，咁我已冇白posto勒。因為佢已懂得行出進步o既第一步:反省。
．三十歲唔夠就甩頭髮，大肚腩，四眼但唔鐘意帶CON
我四眼但好鐘意帶CON~
．返工唔剃鬚，食唔食煙都好，都有煙屎牙
中~
．縱慾主義，對任何女仔都唔理好醜，但求就手
一定唔係la~
．關心同自己約會o既女仔上圍係幾多，約會時著件衫有冇走光
中~
．矮，但介意女友高過自己
中~我大約得167cm~直頭介意有女仔高過自己~
．除咗返工，淨係著波鞋
中~我返學同去街都係著波鞋~
．被問及女人要點先至吸引，會答「36,24,36」而唔係「內涵」
唔係~我應該會答[可愛]~
．用翻版software/VCD/DVD/Game，從來冇考慮買正版
中~
．沉迷性感偶像，喜歡日本AV女郎
ma ma地la~我中意鬼妹多d~
．係床上只有三分鐘似個人，完事後即刻衝去睇波
冇try過性行為~
．唔剪腳甲/手甲，撩牙唔掩口，同從來唔講excuse me
唔係~
．吐痰/有鼻涕但永遠唔用紙巾（因為永遠唔帶）
吐痰就會~有鼻涕就唔會la~
．說話聲線故作是顏聯武（懶感性），動作經常扮有型
唔會lor~
．毛手毛腳同講有味笑話以引起身邊女性o既注意
我會講有味笑話~但就唔會毛手毛腳lo~
．穿低腰褲子時透出國產內褲邊，其實應該穿Calvin Klein
我著ma煙通~
．名牌淨係識Calvin Klein，重要淨係識叫佢做CK，唔能夠正確地講出全名（因為佢地連串都唔識）
梗係唔係la~
．衫袋，褲袋，工作枱上有一大堆垃圾同用過o既紙巾
中~
．高價收購大量唔等駛o既刀，劍，波衫，成日話有錢賺，但次次都係擺係屋企封塵
中~我草開波衫既~
．好似好關心時事同國際大事，成日扮正義，其實所知o既都係o係的士司機度聽返o黎
唔係~
．淨係鍾意睇日本漫畫，打機攻略，厭惡文字佔板面30%以上之書籍
dd la~我直頭唔會睇書~
．連董橋或陶傑係邊個都唔知，但要笑人中文唔好
唔會~
．自己講英文淨係識單字，但要笑人唔識英文
中~
．o係戲院裏面大聲講電話，不論係公事定私事，一Ｄ都唔覺得唔好意思
唔會~
．喜歡聯群結黨去溝女，叫佢自己去馬就騰晒
中~
．放假既活動只係刨馬，睇波，打機同睇四仔
中~
．從來唔做運動，厭惡人o地有six-pack
一時時la~
．o係icq度淨係同Ｄ年紀細過佢O既女性做朋友
中~
．永遠出街唔梳頭，口唇成日甩皮，鼻哥經常有條鼻毛突出o黎
咁又冇咁激動~=.=
．o係女仔面前扮有愛心，但其實背後成日虐待Ｄ小動物
唔會~我諗我仲驚過佢lo~
．遲到永遠搵一大堆理由，但係冇一個make sense，亦唔去諗Ｄ有新意既藉口
中~
．係公眾場合撩鼻屎，用地鐵飛刮老泥
唔會~
．o係街上見到靚女就眼甘甘，跟人幾條街扮搵路
唔會~
．o係街淨係望Ｄ著得少布O既女仔，自己女朋友著少Ｄ就話畀人睇蝕晒
中~
．唔會嘗試新o既餐廳......去親都係茶餐廳，點每日唔同o既套餐
中~
．o係酒樓度用阿公Ｄ毛巾抹臉，仲話邊有咁多菌?
唔會~咁核特~
．冇風度，冇量度，小男人同記仇
中~
．深信各種誇大宣傳的Tips（包括財經/馬經），為呢Ｄ山埃大灑金錢
小注怡情咁la~
．口才唔好又唔收口，成日扮幽默，自己攞o黎瘀，又永遠唔認衰
中~
．自大，但係o係老細同女友面前自動扮矮仔，見到朋友就吹到自己天下無敵
中~
．任何場合都覺得自己可以吸引到在場o既女性，就算人o地眼尾都冇望過佢
一時時la~
．一面食煙一面講溝女經，其他人聽到都想嘔，但自己覺得好英雄
我最憎人食煙!!!~男女都係!!!~
．出街食煙Ｄ煙灰四圍彈，以為自己係劉德華
同上~
．貪小便宜又怕肉酸，淨係識得叫個女人出聲，背後仲要話Ｄ女人係咁架啦，真係冇佢o地符
中~
．成身肥豬肉都唔去減肥，重要笑Ｄ女人O徙無謂錢去修身
唔係~
[quote]Originally posted by [i]attaboy[/i] at 2005-7-20 12:56 AM:
補多一筆，我的觀察：大部份係香港熱... [/quote]
補多一筆，我的觀察：大部份係香港熱戀中既男女:
．名字開始同祖國國寶接軌，平時雄糾糾叫阿邦o既佢，突然開始成日畀人叫邦邦
中~
．去到邊都當係自己屋企咁，o係公眾塲所旁若無人咁做出好三仔o既行為
唔係~
．男友去到邊都有追魂call，o係電話度同女友話返去先打畀佢，但隔五分鐘又有call殺到
中~
．任何肉麻o野都唔會覺得肉麻，任何一方係地鐵同另一方講電話都會好大聲話：豬豬，錫晒你，啜！啜！其他人望住佢，佢反而會好自豪咁晒幸福
中~
．男方接到女方電話，就算o係公司，聲線即刻溫柔十倍，旁邊同事唔知o既重以為佢調咗去做Customer Services Hotline
中~
．男友就算對女方點衰都好，女方都會默默忍受，但會周圍同人呻
中~
．女友就算對男方點衰都好，男方都會默默忍受，背後走去滾
唔會~
．男方永遠講大話，成日瞞住女友約會其他女仔，比人踢爆時就解釋話：唔講你知都係唔想你亂諗
唔會~
．女方永遠疑神疑鬼，任何單身女性物體走近男友度都係勾引佢
中~
．男友駛o既任何錢女方都要過問，除非係駛係女方身上就Pre-approve
中~
．同男友既一班男性朋友出完街，事必向男友逐一查明對方家勢，然後大肆批評
中~
．同女友既一班女性朋友出完街，事必逐一評頭品足其身材樣貌
唔會~
．男方有意無意向女方打聽其女性朋友之閨中密事，然後大肆唱開去畀自己Ｄ朋友聽
唔會~
．女友同男友出街，永遠旨意男方埋單
一dd女仔係咁la~
．男友同女友出街，視綫永遠放o係對面街著住低胸短裙o既女仔度
唔會~
．同一班朋友出街，女方有乜唔滿意都會故作大方，到散場剩番兩個人時向男方不停投訴，重話以後如果阿邊個出黎唔好預我
中~
．剩係得兩個人出街時，有乜唔滿意女方都會立即發脾氣，唔理街度有幾多人望住
中~
．唔識煮餸既女方，會失驚無神煮兩味畀男方食，重要迫佢話好食（實情比只係比監躉食o既好少少）。男方如果唔識趣到話：麻麻地即！女方會話：以後咪駛旨意食。跟住成晚嬲爆爆。
中~
．女方見到個個女同事個都織冷衫比男友，又學人織埋一份。但佢既第一件作品不作他人選地落在男友身上，男方如果嫌肉酸o既話，即刻又要受女友氣，直至男方應承著返公司為止
中~
．女朋友幾靚幾好都好，男方永遠o係豬朋友大兩大下一齊上大陸到夜總會去滾
唔會~
．男方永遠覺得人o地o既女朋友比佢自己o既靚十倍
唔會~
．女方永遠覺得人o地o既男朋友比佢自己o既溫柔體貼十倍
中~
．女方鐘意係朋友間吹噓男友對佢有幾好，送幾貴既o野比佢
中~
．男方提出分手時，女方會以自殺威脅
中~
．女方提出分手時，男方會問佢攞番送過畀佢o既o野
唔會~
[quote]Originally posted by [i]10michaelowen[/i] at 2005-7-22 07:41 PM:
．三十歲唔夠就甩頭髮，大肚腩，四眼... [/quote]
首先好多謝你咁大方o係度公開你o既局部為人。但係提提其他members，呢個唔係問卷o黎，我正職亦唔係做市場調查，樓上話想做統計，係隨口o翕o既。千祈唔好期望我真係會o係三個月後公布統計數字。
阿10michaelowen buddy，雖則你冇黎個全中，中既亦唔算太多，但係如果你係有志成為一個理想情人，又或者第時大個，眼角高咗，想吸引o的高質素o的o既女仔去你度o既話呢，最好記低而家中o既十九樣o野，至少揀九樣o黎搣甩佢，咁就會心想事成o勒。不過如果你阿爸係姓李o既，個大號叫嘉誠呢，即我個潮州同鄉呀，咁就絕對唔駛理我呢番癈話o勒。
[quote]Originally posted by [i]attaboy[/i] at 2005-7-22 10:15 PM:
首先好多謝你咁大方o係度公開你o... [/quote]
我唔係有d咩唔認同你既意思~
我之不過想大家豬到大約中幾多到~
不過呢兩三篇文章都令我學到好多野~
我都會好好咁改下~thz~^^
如果唔知陶傑係乜水，又或者睇開佢個專欄但冇睇過佢以下呢篇文章，最好花小小時間目立下。我認為係佢最好o既其中一篇作品，呢o的先叫做中文o麻！有景有情，有論敍有批評，縱橫古今中西，中史考試時如果答得出咁o既水準，包你阿SIR連改都唔敢改，重會私底下問你可唔以借o黎發表，最多全學期免考試畀個A你。
***********************************************
恩空怨幻 晚晴風景 殘山剩水 腕底煙霞 2003年10月26日
***********************************************
蔣夫人宋美齡走了，百年中國的廣陵餘韻，於今寂絕。眼看他起高樓，眼看他宴賓客，世上僅存的一個風華女子，在晚清的廢墟之間誕生，在傳教士的搖籃中啟蒙，在北伐的烽煙中成長，在抗日的炮火焙烘成山城重慶的一季戀戀金秋，在大江東去之間聽石頭城的滾滾波濤，傾一條長江的家愁國淚，最後渲化為故國望中的筆下丹青、紙上煙雲。
宋美齡的一生是一首長篇史詩，有時她是女主角，有時她是配角；有時她是幕後的編導，有時她是台側的獨白人。不論鑼鼓笙樂的舞榭歌台，換了幾番人間世外的風景，宋美齡的故去，滿台的觀眾尚不覺看完了一幅黃泉碧落鳥鳴山幽的長卷，還在座椅上等，雖已落了幕，但劇力千鈞，震樑繞柱，雖經歷了留白餘空的一段反高潮，卻意猶未盡，猶未散場。
論宋美齡的功過，都難免囿於時代的局限，曲於黨派的偏見。畢竟在那如錦似繡的世紀華麗，她有時只是一個平凡的女子。她的機心和謀略，畢竟太多地為了攀上權力的帝后尊座，她協助一個軍人丈夫清剿異己，在慈和中有冷酷，她為軍人縫製軍服，在敵軍的空襲下救慰蒼生，有若慈航普渡的觀音，但在處決政治犯的槍聲，無論在四川渣滓洞還是台灣的馬場町，她在跪對聖經的晨讀和晚禱之間，卻從來不牽引一絲寬恕的動容。她晚年離開台灣，似若摒棄浮華，但對於美元的國難援助，卻又刮瀆甚婪。她在太平洋畔的女子學院修習人權課，但對美國總統夫人說到鎮壓民眾，卻不忘以纖纖玉指橫在頸際比劃封喉抹脖的屠戮一刀。中共表彰她維護統一，終生不忘是「中國人」，但她卻告訴西方：她自己除了一張臉是中國的，其餘甚麼也不是。蔣宋美齡的一生，有如中國歷史上幾乎所有風雲人物：曹操、曾國藩、李鴻章、周恩來，層次富多，性格繁複，金剛怒目，菩薩低眉，那是羅馬政治思想家馬克奇維里的君王哲學，寧天下人為我傾倒，勿教我負天下人，目標可以高尚、身段無妨陰暗，蔣夫人不是德蘭修女，自然也不是昂山蘇姬，她只是個溫柔與暴烈的一幅浮世繪，在她的心中，有一隻猛虎在細嗅薔薇。
然而，在美學的形象，老夫人卻是一件感性的藝術品，她眉梢眼角的情韻，投足舉手的雅致，綺年時的一襲唐裝，額前一綹劉海，姐妹三人，有若在嶺南大宅的畫屏後偷看未來郎君來說親的羞赧少女，幾許卻蛻變成演說國會山莊的鐵血第一夫人。雖說是走過了三世紀，歷盡了龍盤虎踞躍馬橫戈後的殘山剩水，但比起今日神州大地用Chanel香水和冒牌Prada粉飾堆砌成的還珠格格的繁盛女子，蔣夫人的妝脂濃淡得宜，老來一身華貴的黑絨套裝，配一隻翠，紐約公寓的廳堂，放了幾尊辨看不清的瓷器古董，充滿了歷史感，有若令人觀賞線裝小說的繡像仕女圖，精華都在細節之處，就像英國時裝評論家麥杜華論Christian Dior年輕的創作總監加里安奴（John Galliano）的設計風格，說的雖然是女性時裝，其實是對一切絕世女子的春秋點評：「往昔的女人，往往比今世的女名流更有誘惑的丰姿」（Women of the past have a greater allure than heroines of the present）。對於宋氏三姐妹，她們是昨天的庭園的三株Heroines，卻都是足堪稱作一種Allure的奇葩女人。「老夫人已經安排好後事，去得無牽無掛了。」她的親屬閃淚光說。凡人都狐疑：真的了無牽掛嗎？大姐靄齡早夭，二姐慶齡走上了另一條路，在紫禁城的黃昏中自知不久於人世之際，山隱水迢，曾經託人帶給妹妹一封信，請她來北京舊。但是太平洋的波遙浪闊，狠心的妹妹就是沒有再回頭。
蔣夫人是在睡中安詳逝世的。百年歷史，炊黃粱無非一夢，後人都忍不住揣測，那最後的一夜，她步入一個絢麗何如的夢境，然而或許那一夜她安然無夢，長眠在恩空怨幻的大光中，百年卷軸，天腕絕筆，她用七分英烈的鮮血，拌和兩分胭脂，一分夕陽，在中國的現代史上蓋下了她的一枚纖麗的印章。
**** 作者被禁止或刪除 內容自動屏蔽 ****
在男仔面前故作害怕小昆蟲，但其實，自己在家裏玩甲由
過份d wor