[轉貼]澳門大學鬼話連篇
我係大學生阿Kent，我一向唔多信鬼怪，不過自從領過野，就明白有時有D野真係唔到你唔信。我住係澳門大學宿舍，夜晚同一班人去Ｘ仔食消夜。果日，我同個同學行去Ｘ仔諗住食消夜，點知行到路口，對面就係凱X酒店時，突然聽到有人叫救命。我第一個反應係四圍望，仲問同學：「喂！有人叫救命呀，你聽唔聽到？」佢好奇怪咁話：「你嚇鬼呀！」佢咁講，我已經知道佢咩都聽唔到。我即刻諗：「唔通撞到污糟野？」我話：「我真係聽到有人叫救命！」佢以為我玩佢。我地繼續行，我突然間聽到開槍聲。我成隻腳開始發軟。不過我點講，佢都唔會信，因為我知道只有我畀鬼搞。所以我冇出聲。但係行左幾步，我聽到有一把聲好似係我耳邊講 ：「救命呀！我流左好多血呀！」我完全唔敢擰轉面。只係急步行去我同學既前面。佢叫我唔好行得咁埋，仲大聲咁講：「你講住去投胎咩！」
佢一講完，我見到馬路前面有好多著白衫既人係度行。我再望真D，全部都好輕飄飄咁，佢地根本就冇腳。我捉住同學隻手臂，同佢講，不如我地返去。我一講完即刻走。
之後一連兩個禮拜，一入黑我都唔敢出宿舍門口。點知冇幾耐，凱X門口就發生槍戰，仲有人死左。我屋企人講即刻求左串佛珠畀我戴。師父話，其實隻鬼救左我，如果唔係，果日死係凱X門口既人就係我。
李終貴按：點解D鬼對你咁優待？唔通你有神靈保護，唔會咁易俾鬼傷害？終貴有個舊同事，佢上年去做學護，仍然係實習階段。有一日佢當日班，要「打包」，點知佢打完包之後，多事去睇死者個名。佢當時嚇左一跳，因為果個人個名同佢同名同姓，真係幾大吉利是。
放u之後，佢遇到一個女同學。個女同學原本唔係返夜班，只係佢睇錯更表，所以返錯更。終貴朋友心情唔好，所以叫佢一齊去卡拉OK。去到尖沙咀某間卡拉 OK門口時，竟然發現爆棚。連侍應都話少見。唉，唯有怨黑開有條路。
佢兩個行返轉頭，終貴朋友突然諗起要打電話返屋企。所以自己去電話亭，個朋友就係路邊等佢。點知電話都未接通，終貴朋友見到佢女友俾一架鏟上行人路既私家車撞到。個司機冇事，不過終貴個女友傷得好嚴重，送入醫院時已經返魂無術。終貴朋友個阿媽話：其實隻鬼係想搵終貴朋友做替死鬼，只不過佢命大，令身邊既朋友同佢擋左一劫。
頁:
[1]