[quote]Originally posted by [i]attaboy[/i] at 2005-9-27 10:27 PM:
......續前
嗰日之後，我都冇進一... [/quote]
bro~
小弟有d 似你wor :D
大家都好似唔係好識做人男朋友咁
加油 bro,
返工幾忙都捧你埸 ~
繼續支持~~~~
attaboy:
唔好話有冇心隱瞞,你肯同大家分享已經好好啦! Thanks!!!
不過我有另一樣關於你的野想知, 點解你決定要在澳洲"終老"呢????
[quote]Originally posted by [i]homan~[/i] at 2005-9-28 02:32 AM:
bro~
小弟有d 似你wor :D
大家都好似唔係好識做人男朋友咁
加油 bro,
返工幾忙都捧你埸 ~ [/quote]
多謝支持．唔識做人男友唔緊要，冇人一生出嚟就識既，呢樣係可以學既．我諗你唔同我，我係冇得救架啦，（因為我既問題基本上係性格使然，可以做既其實唔係咁多）加埋自己亦唔想去醫，呢樣說來話長，以後有機會再解釋．
我諗你所不足既係經驗唔夠，同唔了解女仔，即大部份男仔喺 Love Affair 度所欠缺既嘢．唔駛咁灰，冇人既問題會好似我咁嚴重，但我都有 Keep 住 Improve，信唔信都好，今日我要追女仔，要維持一段關係已經唔係難事嘞，但係我性格上另一特點係唔可以被人縛住，亦唔可以有負累，我好嚮往一個人自由自在，無拘無束既生活．我唔想亦唔會為拍拖而犠牲呢樣嘢既......
[[i] Last edited by attaboy on 2005-9-29 at 04:50 AM [/i]]
[quote]Originally posted by [i]edifier[/i] at 2005-9-28 03:31 AM:
attaboy:
不過我有另一樣關於你的野想知, 點解你決定要在澳洲"終老"呢???? [/quote]
嘩！你問呢個問題我如果要你明白，係要用十版八版篇幅去答既．不過畀住個 point form 你先，以後如果重有空檔先再慢慢解釋啦．
- 我既性恪係不能見容於中國人社會既．呢樣我過去嗰 26 (out of 30) 年每日都不停證實
- 我追求公道，簡單，直接，和諧，呢啲中國人社會好難搵到（尤其第一樣）
- 我既物慾唔高，但係對住既地方空間就有啲要求，喺香港，我冇本事買到我想住既樓（而家喺 OZ，澳洲之謂也，我月租 A$1000，即六千港紙到，已經係我理想居所嘞）
- 我鍾意澳洲人，佢地 fair, friendly, 又鍾意睇書，同我啱晒 feel（我諗香港個百萬富翁台柱，過到嚟上 Who Wants To Be A Millionaire 實畀啲問題嚇親）
- 我條命係唔辛苦得既，香港地太匆忙，唔啱我．OZ life 係好 easy 好 relax 既
- 喺香港，我好難搵到交心既朋友．（我最好既香港朋友，都係我中學既同學，佢地都同我思想相近，但係緊係冇我咁嚇人，好奇怪，可能係喺同一個環境培育出嚟有關．順帶一提，我讀嗰間中學係全港第一間中學，開埠十年已經建校，心水清既朋友一定知係邊間)
- 留係香港，就算我幾本事都好，都好似係靠屋企（本人條命尚算托賴，屋企有啲家底）．我想追求 Independence，最好既方法就係到一個遠離屋企既地方從新開始．（我喺OZ係一個親戚都冇既，只有一班十年八年前識落既朋友）
......重有其他理由，時間所限，恕不贅列啦.
[[i] Last edited by attaboy on 2005-9-29 at 04:52 AM [/i]]
[quote]Originally posted by [i]attaboy[/i] at 2005-9-29 02:48 AM:
嘩！你問呢個問題我如果要你明白... [/quote]
Attaboy,
唔緊要啦,你搵到一個理想的居住地係一件好事,題外話知下就算,里度講里度散啦!:D
快D繼續講埋個故事先啦~我等得好心急喇~~:P
快D繼續講故事先啦, 我都等得好好好好好好心急喇~~Thank you!
依我所知,全香港第一間中學好似係spc........spc係男校...咁岩你又係和尚寺出身.......唔通.........
嗰晚跟住發生既事，我都唔知點寫好......有啲嘢唔出得街，有啲我又想有小小保留，因為都牽涉到其他人既名節既．而且嗰晚同跟住之後一晚係我情陷 Melody 既轉捩點．請 Spare 多一兩日，等我諗諗點表達好啲．
[[i] Last edited by attaboy on 2005-9-29 at 06:40 PM [/i]]
[quote]Originally posted by [i]yungting0623[/i] at 2005-9-29 05:56 PM:
依我所知,全香港第一間中學好似係spc........spc係男校...咁岩你又係和尚寺出身.......唔通......... [/quote]
中！
任總志剛，鍾大蛇，古老師德明，白鴿黨頭目，現經濟局長......等都係同門師兄．
[[i] Last edited by attaboy on 2005-9-29 at 06:49 PM [/i]]
[quote]Originally posted by [i]attaboy[/i] at 2005-9-29 04:37 PM:
嗰晚跟住發生既事，我都唔知點寫好...... [/quote]
你咁講反而令我更加心急想知道跟住發生o左D咩事:P
不過都係等你組織o下先啦.:)
[quote]Originally posted by [i]attaboy[/i] at 2005-9-29 04:39 PM:
中！
任總志剛，鍾大蛇，古老師德明，白鴿黨頭目，現經濟局長......等都係同門師兄．
[[i] Last edited by attaboy on 2005-9-29 at 06:49 PM [/i]] [/quote]
估唔到呢個世界真係咁細.............原來大家都係st paul仔...........咁我諗以後要叫你做師兄啦..........仲有,如果你得閒,希望你可以教下我點樣識女仔同埋點樣同佢地相處.........因為係過去既7年,除左我呀媽之外........一個女仔都未識過..........搞到而家讀緊大學,要同d女仔相處個陣,有d不知所措=.=".....
[quote]Originally posted by [i]yungting0623[/i] at 2005-9-29 10:07 PM:
估唔到呢個世界真係咁細.............原來大家都係st paul仔...........咁我諗以後要叫你做師兄啦..........仲有,如果你得閒,希望你可以教下我點樣識女仔同埋點樣同佢地相處.........因為係過去既7年,除左我呀媽之外........一個女仔都未識過..........搞到而家讀緊大學,要同d女仔相處個陣,有d不知所措=.=".....[/quote]
咁你有冇畀 KH顏 SIR 教過呀？佢係我同班同學兼知己．五年前佢有次叫我返去 SPC 同佢班學生講嘢，唔知你係咪佢嗰班呢？喺羅記讀書嗰七年係我前三十年裡面最開心既日子同回憶．最感謝既就係韋廉信老師，當年 F.6 得罪咗一個阿 Sir，佢死都要我 Repeat 一年 F.6．當年創校 142 年都冇人試過 F.6 要Repeat，都唔知佢點解咁有創意．最後幸得韋廉信求情力保，先至唔駛咁丟人要降班......有時間去下 Alumni 啲聚會啦．SPCAA 啲師兄弟都好好人既．
hm...咁你而家有冇心儀既對象呢？冇就物色個先再問我啦．因為好難一下子教到你由唔識同女仔相處，變到追女仔既最高境界 - 萬物朝宗，即係令女性物體自己主動嚟 appoach 你，呢樣係喺阿 Melody 身上學翻嚟既（當然佢嗰啲獵物就係男性啦）．
[quote]Originally posted by [i]attaboy[/i] at 2005-9-30 01:38 AM:
咁你有冇畀 KH顏 SIR 教過呀？佢... [/quote]
原來你同顏sir同屆架@@........真係好可惜,我讀左7年......都冇俾佢教過~"~...反而就試過同佢踢波......顏sir佢真係好好人......繼何佬之後.......我諗d學生最鍾意既老師就係佢......
仲有,你唔講都唔知,原來williamson咁大影響力架........睇佢平時嬉皮笑臉,玩下玩下咁.....真係睇唔出......
至於講到女仔呢.....而家連點相處都唔識........仲邊有對象可言.......就算有對象,以小弟既專容.......唔嚇走d人已經執到......
[quote]Originally posted by [i]attaboy[/i] at 2005-9-30 01:38 AM:
咁你有冇畀 KH顏 SIR 教過呀？佢... [/quote]
brother~~
我都好想學呢 ~~~~
快d快d................
估唔到又有勁人出現 !!!!!
26fun 真係高手如雲.............
[quote]Originally posted by [i]attaboy[/i] at 2005-9-29 02:13 AM:
多謝支持．唔識做人男友唔緊要，... [/quote]
bro,
你講得好arm,
小弟真係冇咩經驗
溝到之後都唔係好知點做.....................
期待你的故事lei~~ :D
......續前
過咗陣，Melody 返翻嚟嘞，但係望下表，已經十點有多，係時候要還房．同 Melody 講不如走囉，佢冇異議．埋咗單，同佢係街上再蕩過．見佢好似冇意思返屋企，咁點呢？女仔好多時都好似嗰啲做老細既，唔say no 時即係等緊啲馬仔畀意見，咁同 Melody 飯又食完，ｋ又唱過，夜媽媽都唔知去邊好，唔通去佐敦間數字的士高咩，講出嚟即刻嚇走佢都似．冇計，淨翻最後一個好去處：我屋企．大家可能會諗我呢個提議係有不軌目的既，天地良心，當時我淨係想搵笪靜啲既地方同佢繼續談心．但係亦考慮到 Melody 會諗錯隔離，只好用返之前嗰招，我同佢講：你信唔信我？佢點頭示意．我就話：咁就得嘞，跟我上車．即時伸手截的士，Melody 毫不猶疑即刻跟我上車．我同司機講去半山，當時 Melody 都估唔到我會帶佢去邊度，因為佢雖然嚟過我屋企，但係佢係連嗰頭係邊都唔知既．唔駛三個字到咗我家樓下．同佢上樓，見 Melody 個樣都冇不悅，唔似有被人賣咗豬仔既感覺，咁我都放心啲．入到屋，見冇晒燈，知阿媽瞓咗（屋企只係我同阿媽兩個人），叫 Melody 小心啲，唔好嘈醒我阿媽，佢都好合作．跟住我帶佢入我房，繼續傾偈．Melody 好似上次咁，自己坐咗上去我間房個窗台度，我就又擔張櫈坐對住佢．我同佢講：其實我重有樣嘢想同你講既．本來如果我真係追你，呢樣嘢你一定要知，但係而家件事發展成咁，你知唔知其實都冇所謂．但係我都想講下． 跟住我就簡單同佢講咗我同 Minnie 既故事，臨尾加句：所以就算你冇男朋友，我其實都唔應該追你既，因為我個心重係掛住 Minnie 既．（捧場既朋友請注意，以上呢句係自殺式金句，係反面教材．喺買到隻杯當晚，我同肯尼士同施莉亞喺電話度就呢句應唔應該講拗咗好耐．佢地都認為冇必要講，同埋冇女仔會考慮一個有二心男仔既追逑既，但我之所以要講，係我份人最唔鍾意嗰啲呃呃氹氹既人，即係假人．所以對朋友，辜勿論是男是女，從來都係坦誠相見，知無不言，言無不盡既．加上，我唔想之後 Melody 有任何被騙既感覺（此乃個人原則，唔想欠人），所以知其不可為都要為．大家如果唔識死，走去照跟我呢個做法，可以話係九死一生既，而家事先聲明，第時出事唔好怪我呀．）Melody 聽完，停咗一陣冇乜反應，我唔知佢諗緊乜，只好講下笑話打完場，同佢講：所以你都算好彩啦，冇畀機會我追你，唔係可能重慘過梁天來呀．Melody 微微笑，有翻啲反應，證明笑話無論幾時喺女仔身上都係好 work 既．既然 work，就送多幾個笑話佢聽，佢繼續笑，重越笑越開心．講講下，我有啲攰，自己大字型攤咗喺床度，連隨呌下氣．但係 Melody 出其不意走過嚟吱我，我本身唔係好怕吱，但係見佢咁同我玩，我又回敬吱翻佢，唔吱尤自可，一吱佢嬌聲嚦嚦地嗌救命，連叫投降，咁我只好停手．呢個時候，兩個人突然間靜晒，佢眼望我眼，就好似電視劇啲老土橋段咁 Kiss 起上嚟，而我隻手亦開始越嚟越唔規矩......過咗唔知幾耐，激情完嘞，呢個時候我唔知自己平時啲理智去晒邊度，捉住 Melody 雙手同佢講：畀我幫你......幫你離開你男朋友...... Melody 猛力係咁搖頭，停咗陣，再同我講：我係好鍾意好鍾意好鍾意我男朋友既，就算唔同佢一齊，我諗我都唔可能同其他人喺埋一齊...... 跟住佢同我是出咗一個比廿三條立法重唔合理既要求:你可唔可以應承我，以後都唔再 Kiss 我呀？ 我無奈點一下頭．之後只好同佢講:時侯差唔多啦，我送你去撘車啦．
[[i] Last edited by attaboy on 2005-10-2 at 10:13 PM [/i]]
[quote]Originally posted by [i]attaboy[/i] at 2005-10-2 07:24 PM:
......續前
跟住佢同我是出咗一個比廿三條立法重唔合理既要求:你可唔可以應承我，以後都唔再 Kiss 我呀？[/quote]
咁都得???
如果我親身經歷過里句說話我都會嚇一跳!!!:P
但我自己當時就冇畀佢呢句嚇一跳，補充小小啦，其實 Melody 重有話佢覺得同我咁做係對佢個 bf 唔住，同埋又講除咗男朋友之外從來未畀其他人鍚過攬過．女仔大部份時候係感性多於理性既，佢地只會按自己既感覺去行事．我知道 Melody 因為當時唔開心，而佢對我又有啲 feel，所以其實只要我肯做主動，佢係好難把持得住，所以佢要求我唔再 Kiss 佢，係為防事情真係發展成四角戀．我好明白佢提出呢個要求（never kiss her anymore）既用心，所以答應佢，佢重好感激咁話多謝我．唉，一個女仔多謝我，唔係話多謝我錫佢，而係話多謝我以後唔錫佢，其實都幾悲哀架．