[故事] 港男QQ極速沉船記

cwleung1988

睇完之後立心要同大家分享.....真係太好笑啦


上得QQ既香港男仔 十個有十一個心壞不軌~~~
下面..系第十一個QQ港男既真實故事
生產日期 06年3月12日 有效日期至06年3月14日
男主角: (化名) 強仔 女主角: (所謂真名) 小甜兒
話說強仔因為長期系香港溝唔到女 所以要經常性番上去大陸處理佢既生心理雖要!
而作為已經戒左蒲既我 一直默默地支持住我既e位老友唔住...因為佢對囡囡既要求永遠是9但 而且次次唔做好安全措施..(有時佢上黎我屋企過夜同我孖鋪.我都好驚 因為我驚愛滋變左種經空氣傳染)有時佢想問我借底褲比佢著我都寧願借錢比佢.
有一日 佢系我屋企著左部腦 發現左QQ e樣偉大發明 死纏難打咁叫我教佢...
其實以佢中三咁高學歷..而且成世人擁用超過20個鐘既電腦使用經驗.
教佢玩QQ e下野真系等於玩死自己 ..不過記得小學既時候佢借過2毛子比我坐電車返屋企對我咁有情有義 我唯有頂硬上啦..
幫佢申請左個新QQ 佢命令我幫佢改個網名叫 世界港男!由果一刻開始.. 佢化身成本地情聖而我... 就變身成一個專業打字員 用深情血汗既文筆 一筆一筆咁送佢上船...正所謂15/16 QQ唔上唔舒服 強仔自從自己起支旗叫自封世界港男後 成個人好似廢柴咁無左雙手 一邊系度比口供我 一邊系度叫我筆錄指令我幫佢去搜索大中華靚女
而經過左我部p4電腦同新安裝既鄉下寬頻既精密運算搜索之後 終於幫佢add左兩個所謂未有男朋友以及對男人完全失望既國產美少女...


(相我就唔貼啦...因為要尊重返個女仔..只可以講ok樣)


而家響大家眼前既 就系自稱小甜兒既女網友...佢果份清純...果份充滿原始既鄉土氣息系咪吸引左各位呢?!
佢e副尊容! 亦同時打動左對生命充滿熱誠既狗公強
對於第一次上qq就索到咁正既qq女既狗公強黎講 佢o既思想 完完全全墮入左失去理智..失去左視力同判斷能力o既狀況!
此時 我正等待住狗公強老細比我既進一步指示.... 但只見佢口中念念有詞~~ 我隱約咁聽到佢叫...(好正呀..好正呀)
我終於要開口問佢: 爽手小小啦 ~~強哥你想點呀? ...
狗公強: 同我約佢出黎.. 我桌硬佢!!!
說畢 我終於忍受唔住佢比我e個柯打 當堂暈低左
據qq女事主既口供
佢因為黎左深圳先3年 所以無經濟能力買手機 所以我既當事人想鮏佢既聯絡號碼真系有d難度
咁到底e段隔世奇緣點發展落去呢?!
據女事主既供詞所講 佢正身處網吧 因為身上面既錢只可以容許佢再上網多1~2小時 我既當時人狗公強為怕錯過e次奇緣情急下要求女事主響網吧等佢
狗公強深信! 佢同女事主e次既相識一定系天意既安排 .所以佢決定馬上只身上深圳去開始佢e段情緣!
你在網吧等我吧~~ 不要走開
......你真的這樣急想見到我?
是的...難道你感覺不到吧
我就是感覺到....你對我真是太好了...
經歷左看似短短個半鐘! 其實已經可能系人地累積左幾生幾世既轉世宿緣..佢地既關係..可能會令所有正常既世俗人誤解..
但我唔認同..我覺得直頭系白痴.....

強: 喂! 你舊時咪有部唔要既8210 o既? 賣比我 等我送比條女等佢有電話用
我: 8210點趁得阿嫂起呀? 以你同佢既關係出部新既n記8800比佢啦~~ 唔系點顯出你係李嘉誠個仔咁厚身家呀?
強: ........又系...
說時快那時遲. 我既好朋友狗公強就動身向佢既奇妙旅程出發

自盤古初開期間 男女私情一直為天地萬物最不能解釋既事情 我地既攝製隊為左解開e個疑團
決定陪同狗公強去見證e段三世奇緣 引證一個傻仔的誕生!
我地既攝製隊經過陪左狗公強出左電話後再經40分鐘既車程 第一站先黎到中國同香港既邊境---皇崗口岸
皇崗口岸--系港人北上去滾既必經之地 自改革開發後e個口岸一直非常繁忙! 至香港第一任特首董健華開放廿四小時通關後!
口岸既地位更登上史無前例既重要! 我地既攝製隊系過關既途中 亦見到不少港人壞住咸咸濕濕既眼神去 一個清袋沉船既眼神番!
而當然更有一種天天真真既情聖響果度迷迷途途咁北上發瘟啦~~~~

[ Last edited by coolala2005 on 2006-12-7 at 01:42 AM ]

cwleung1988

http://i58.photobucket.com/albums/g278/henry7707/93wm01b.jpg


皇崗口岸去到遼遠既深圳寶安打的車程大約25分1鐘.沿途響我地眼底既系一遍繁華景像
Your every smile
你淫賤o既笑容
Your every hello
你親切的問候
Every hand that you lend
你每個小小o既幫忙
You make a difference
都帶給我們o既旅客最難忘的回憶
Every step that you take
熱情寶安
you make a difference
好客之道 又點少得你


http://i58.photobucket.com/albums/g278/henry7707/hk.jpg


經過接近25分鐘既車程 我地終於黎到座落於寶安區既xx網吧. 狗公強懷住沉重而歡欣既心情一下子衝左落車直入網吧
佢彷彿忘掉一切 包括身份 地位 同最主要既系比的士錢!一步一步咁後去追尋佢既一生目標
我既攝製隊無可奈何地放底左90蚊人仔比的士佬 然後即刻追貼狗公強!

cwleung1988

當攝製隊跟隨狗公強進入左網吧後...眼前既e一幕 深深打動左攝製隊每一位成員!
眼前..狗公強正和一位貌似村姑既女性深情對望
村姑年約18'9歲 新高約5米96 中等身材 短髮 帶眼鏡 案發時身穿淺藍色民工衣 黑褲 黑鞋

以下系疑犯同狗公強既一段對話
強: 是我
疑犯: 你真的來了...我真不能相信...
強: 來遲左...sorry
疑犯: 你來了就好..
強: 不要說了 我們出去飲東西好不好?
疑犯: 好 但我還有一個姊妹在這裡 能叫他一起成嗎?
強: 當然可以

疑犯說罷.就拖出佢既同黨出黎...
此時 狗公強在我耳邊吐了一句說話
強: 拿! 做兄弟算系咁啦 有野益你 我條女帶埋女比你識~~ 自己執生! 唔好蝕
我:........

疑犯: 介紹你們認識..我妹妹 阿菊!

(都係唔會貼相....只可以話依個女仔完全唔合格 )

登!登!登!登!----

疑犯: 他還沒有男朋友

強(細聲向我講): 喂 有機!!

而我就不段用我既意志力叫自己唔好咁快暈低住...
眼前既極品...竟然話介紹比我識...我真係無福消受..
但為左廣大讀者 我無可奈何地要同佢地一齊同行我地既下一個目的地 xx酒店西餐廳..
本 應 相 愛 本 應 相 襯
命 裡 註 定 同 行 卻 未 能
捨 不 得 不 愛 巴 不 得 一 世
唯 願 抱 緊 眼 前 人

上一回我地講到大只強同埋寶安小芙蓉響深圳終於重逢...
而寶安小芙蓉仲帶埋佢既好妹妹崩牙菊出黎人間嚇人! 好一個崩牙菊 唔好睇佢無左只牙就以為佢無咩食量!
我相信崩牙菊系對西方既餐飲業好有研究 佢自己叫左既七成熟牛扒 三色雪糕 美式特飲同龍湯佢都非常滿意
一睇佢用筷子食牛扒就知道佢成日出入ed咁高級既場所啦
至於寶安小芙蓉就得體得多~ 因為佢只系叫左一個288既情侶套餐同佢honey分享
眼見我既老友大只強成個十億廿億未開頭既豪家子弟咁 無啦啦中午開支360幾蚊既紅酒咁開心
我總於明白上次佢掙銀行卡數比人收數上門係咩原因 同時 我亦非常擔心自己銀包既安危...
席間 大只強同小芙蓉卿卿我我 系45分鐘入面大家互相交代大家既前半生'家庭背景同人生理想
而可愛既崩牙菊...就如狼似虎咁繼續品嚐佢既美食!當然佢食野既同時亦有意無意地望住我
是@@想我對佢有不軌企圖的眼神...come on baby 我真@@想一拳打死佢!

大只強終於系全餐飯對我講左第一句說話 佢鬼鼠咁問我: 我同佢系咪快左d?
我: 相對起中國5000年歷史黎講..你..一!!d!!都!!唔!!快!!

食飽飽 大只強響袋度鮏左部電話出黎送比小芙蓉..小芙蓉接過之後眼淚徐徐地掉出..
(@@比張曼玉更好演技)
小芙蓉: 你..對我太好了...
大只強: 別這樣...乖乖(對唔住我要打個冷震)...以後我找你方便嘛..
小芙蓉: 這台手支我以後只聽你的電話..
大只強: 吃飽了我們就出去玩了!~ 好不好?
小芙蓉: 都交給你決定了.....
大只強: 那你是我女朋友了吧?! 我拖你的手成嗎?
小芙蓉: 都說都交給你決定了.....
此時 大只強終於將佢埋葬已久既激情放出黎 一手足住小芙蓉只手
(但好奇怪佢足住人只手 對眼就望住人對波)
崩牙菊亦隨即向兩人送上祝福
崩牙菊: 對我姐好點......他很愛你的 (去你!識左唔夠幾粒鐘有幾愛)
大只強: 好吧 埋單!



埋單一出 我第一個反應系要去閗所 點知比大只強先下手為強..
大只強: henry 哎呀~ 唔記得唱人仔~~ 你比住先..
我: ..............

一個午餐. 我飲左一杯凍寧茶 950蚊有找.......多謝幫趁 --------搵我老趁

到底一陣會去邊度玩呢~~而超級富豪大只強又會再點樣顯示佢顯赫既身份? 佢最終有無食到條女呢? 到底我如果我唔響深圳賣屎忽!雖唔雖要即刻番香港申請破產呢?


萬眾期待; 精彩無論; 扣人心絃...大結局...一陣分享

kakeidevil

好想睇!!好想睇!!好想睇!!好想睇!!好想睇!!好想睇!!

cwleung1988

Originally posted by kakeidevil at 2006-5-2 10:27 PM:
好想睇!!好想睇!!好想睇!!好想睇!!好想睇!!好想睇!!

你甘快睇晒 ==

Lyon

Originally posted by cwleung1988 at 2006-5-2 10:22 PM:
當攝製隊跟隨狗公強進入...

好期待........大結局呀

cwleung1988

港男QQ極速沉船記  <結局篇1/2>

可愛既強哥自從上左黎得到愛情既滋潤之後.皮膚靚左又肥左. 但佢可能忘記左自己係地球人既身份..
一直做出左好多外星人既行為..其中包括: 強行有意無意地製造機會要我上呀崩牙菊 坐的士唔比錢同埋經常性要逼我稱呼佢條女做阿嫂等!
而e位外星人更安排左一項非常唔正常既活動比我地 就係帶下午四點幾帶我地出羅湖唱k!

我: 強哥...唔系玩下話 e個鐘去唱k?!
而外星強好似無理過我講既野~只系一路上色迷迷咁對住佢條極品~好一對狗男女!
而充滿體力既崩牙菊在途上不斷撩我傾偈...我發覺到佢嘴角開始有d口水漏出....我
好驚..我唔知點算

我覺得我好對唔住我呀媽...點解我細個唔好好地讀書...如果唔系我而家應該響外國玩而唔系響中國玩..
我而家好想同我信任既人傾訴.我內心亦大聲叫唔好...我想話比先生知....我..

對我黎講 系頭先搭的士黎到羅湖e三十幾分鐘黎講簡直系一場惡夢..一個年青有為既我..要比一件人間極品一直監視..
果種感覺...好似比人強姦咁...

以過去果3~4個鐘頭富豪強既洗錢紀錄黎講(其實應該系洗我錢既紀錄黎講) 我有理由相信!佢去開間k房都應該唔會差得去邊...
果然....佢黎到e間k歌xx卡拉ok真系要左間超大房!
入面環境舒適 室內設有衝溫設施 獨立洗手間 同高級音響~~ 一句講曬 你叫多30人黎都絕對夠坐!

系富豪強既領導下 果兩件極品分別獻唱左多只劉家昌老師既作品 然後分別仲有鄧麗君.鄧麗君.同埋鄧麗君.既名曲奉上 而全場既高潮所在就系由富豪強同佢條女唱既相思風雨中!

而富豪強為左令氣氛再上高潮亦同時為左令佢既淫念得以順利得手於是豪氣地柯打左兩支芝華士! 唔洗玩果下野先絕 一杯又一杯!勁!

可能我多口同崩牙菊講左話飲ed會令皮膚好 佢亦唔客氣咁個人飲左差唔多成4份3支 果然好酒量!!同時25分鐘之後宣佈酒量不支 當場訓左
富豪強眼見崩牙菊訓左 e個系佢咸濕小芙蓉既大好時機~~~
佢既手~~~ 正朝菑p芙蓉既雙峰進發................
但係!! 響e個咁歷史性既時刻佢既另一半竟然作出一個驚人既反應!!!
到底e個系咩反應~~? 勿切留意最終編大結局
歷史時刻 萬眾期待 精華所在 即將橫空登場 ................

cwleung1988

港男QQ極速沉船記  <結局篇2/2>

對於一個咸濕仔黎講 對搓女人咪咪...已經算系對囡囡洗用最低限度既武力...而對於一個富豪級既花花公子..洗左(人地)咁多錢~ 仲花左咁多心機
都做唔到e一個基本動作..究竟對佢既打擊有幾大? 而一對兩情相悅 大家真心相愛 竟然女方都唔肯滿足男方e個咁小既要求?
在我既眼前....出現左以下既一幕情竟....
話說小芙蓉眼見到自己既肉體將會比富豪強侵犯.即時打出左強烈既閃避...而半醉半醒既富豪強亦即時清醒起來..
小芙蓉即時用雙手保護雙峰...佢既眼神充滿怒火..充滿對世界既控訴..
富豪強: 干什麼?...
小芙蓉: .... 你干什麼...你當我是什麼?
富豪強: 我當你是我女朋友.....不是嗎?
此時小芙蓉的眼淚不自覺地流出 語帶委屈地說: 沒錯 ..我們是男女朋友...但....我和你只是((普通))的男女朋友....
普通的男女朋友字眼一出 可能這幾個字對佢既打擊實在太大富豪強立即變番成狗公強
狗公強: 為什麼?為什麼?為什麼?!
小芙蓉: 我老家已經有一個愛人..
此時狗公強開始發爛: 你有愛人那你叫我過來 你又比手我拖?!
小芙蓉楚楚可憐地道: 那我沒有香港那邊的朋友...所以我想認識一下....而且拖拖手也不算什麼...
狗公強: 我不想聽! 現在我要你! 你給不給?!
小芙蓉: 不給! 想不到你是這一種人!! :')
我眼前既狗公強.....相信佢可能受唔住e一刻既打擊..佢郁都唔郁...我好擔心佢有事...我驚我條數收唔番...
良久..狗公強終於開口 : henry 你幫我打個電話比小芙蓉叫佢番黎.....好無
我: 點打呀? 大佬...你咁有型買部電話比人又唔買埋張卡...打條春麼..
狗公強: 咁我咪即系....
我: 你咪即系要慳d鮏 你唔慳d 點比番條數我呀..~
狗公強: 唔怕! 我地有人質響手... 話畢..佢既目光就轉向訓左響梳化度既 崩牙菊
我: 你唔系下話?!
我開始發現 狗公強既目光由起初想脅持人質開始變為虎視眈眈....佢口既分泌液開始由嘴角流出...
大家有無見過人點樣進化成畜獸..未見過唔緊要..因為狗公強已經幻化成極品終極畜獸強!
佢化身成原始既肌喝性愛戰士! 佢變身既整個目的! 系為左保衛世界和平 纖滅同食曬所有豬扒為己任
我亦好相信我眼前將會出現一套 超級人獸演鬥廳 極品對極品

極品畜獸強: 其實佢都幾正....點解我一直無留意佢..
我: 相比起一只豬~! 我相信佢系一種極品既生物!

此時極品畜獸強正一步一步咁步向佢既最新獵物...而超級極品崩牙菊亦徐徐蘇醒..
崩牙菊: 我姐姐呢?
極品畜獸強: 佢走了....
崩牙菊: 這麼好玩她為什麼這麼早就走..?
極品畜獸強: 我都很想知道...你回去問問她吧..
崩牙菊: 我都是剛才在網吧才認識她的 (我當堂暈低左)
極品畜獸強: 那更好....她是騙子! 我剛才就是揭穿了他!所以把他趕走了! (好一個亂世英雄啊~~)
此情此竟..極品畜獸強同崩牙菊彷彿相信..剛才所發生既一切事情其實是早已是上天刻意安排他們彼此在一起的插曲
從兩人既眼神裡面..我發現...佢地應該精神系有d問題.... 仲系好有問題果只

而我就現場見證住一幕極品對極品既經典茄輪場面! 大家試下用大家幻想力去幻想一下 當崩牙同煙屎牙互相進入對方既口腔內到底



會有咩化學作用呢? 我可以講我除左想作嘔之外我咩都唔想做...

事情既然發生到咁既場面相信佢地離開房既時間都不遠..而我亦覺得我應該功成身退..

臨走前..我將我身上既2000蚊人仔交左比狗公強....話曬一場朋友..所以我再交低多個穿窿避孕套比佢傍身...同埋我對佢衷心既祝福 ~~


(希望你一生就生愛滋...唔系生左椰菜花死唔去最終搞死我. 阿門)

一路搭車番歸的我...一路響腦海浮現崩牙菊同狗公強既茄輪場面...e個可能系我一個不能磨滅既陰影 我一定要番去睇心理醫生!
一定要! 而且我發現...一般人沉船都只會沉響佢自己本人身上 ....但點解今次沉既係我e個路人甲................

[center][center]The End ![/center][/center]

Lyon

Originally posted by cwleung1988 at 2006-5-2 10:46 PM:
港男QQ極速沉船記...

實在太精彩嘞..  
終編大結局可謂空前絕後,無比精彩

[ Last edited by Lyon on 2006-5-2 at 11:06 PM ]

BOYDWAN

....................................................................
哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈~~~~
我笑到仆哂街、喊濕咗兩張紙巾，經典巨著呀~~~~ 經典巨著呀~~~~