【很久不見--謝安琪 】

勇勇

謝安琪 【8分3新曲加精選】
由這裡　行過去 到今天
重溫現代歌姬8分3音樂路途 階段完成撞上新歌衝擊 火花緩衝冬日耳朵

謝安琪(Kay)自出道以來，以獨特聲線及非情歌探索社會各階層，歌詞精闢，內容惹人反思，大社會歌姬形象深入民心，歌曲如<節外生枝>、<愁人節>等均於短期內成為歌曲榜冠軍歌。稍作休息以準備人生另一階段，以【8分3新曲加精選】總結階段完成。回望過去，Kay對充滿自由的音樂空間感到滿足，能夠與志同道合的音樂人合作，做出令整個團隊驕傲的歌曲，這個8分3的音樂旅途沒有枉過。「大家覺得我演繹的音樂有多方面嘗試，清新、電子、迷幻，唔會被綁死，亦冇類別限制，全因我們製作音樂的環境十分自由，可以俾我專心唱好歌。累積多了人生經驗，對歌詞情感體會更深。」

新歌簡介
【8分3新曲加精選】中的三首新歌由三個不同的女性觀出發，訴說不同時代女性─自己、歷史人物、以及虛構漫畫人物，對自生、情感、社會的睇法，而<8分3>的主角則是謝安琪自己。

<8分3>
依然由合作無間的周博賢操刀，一手包辦曲／編／監，配合黃偉文的歌詞，道出 <8分3>人生路途上縱橫交錯的選擇，一直走到今天，笑望過去，珍惜今天，平常心繼續活著。感覺舒服，如同與Kay聲音驅車直上，前路風光明媚。
「<8分3>係我身為一個香港的歌手，作一個回顧，08年之前來一個總結，我實在為我的音樂而驕傲。無論形象抑或係歌的路向，公司同我一齊作唔同的嘗試，實驗我們喜歡的音樂，亦給予我好大的自由度，我只需要專心演繹，就好似首歌想表達的主題，以平常心去珍惜現在的一切。」
------Kay

<鍾無艷>
首度遇上林夕，Kay歌圖添畫意，<鍾無艷>情路坎坷，一廂情願並不代表有權擁有，Kay演繹出無奈，只能當兄妹的苦況。
「大家Expect的Kay係比較實驗性，今次<鍾無艷>係一首好Easy Listening 的情歌。對於我來說好有新鮮感，<鍾無艷>係一位歷史人物，因為容貌而情路唔順利，只要喜歡的人在身邊，得不到愛寵都一廂情願等待。音樂不是用來比併，即使係情歌，只要係好歌，我都要拿捏到準確的情感，先可打動到人。」
------Kay

<神奇女俠的退休生活>
特別的角度，望同一個社會。感覺較迷幻，大社會歌姬表現出一貫實力，黃偉文心思之作，慰不少歌迷相思之苦。
「首歌講神奇女俠這個虛構角色的睇法。呢位英雌窮一生精力去改變社會總總不公義，不公平的現象。到退休，妗o現世界不平事並沒有因為呇荍幭隉A感覺有少少無奈。」
------Kay

MV+ Karaoke DVD
除了有一系列精選歌曲的Karaoke DVD外，更加送3首新歌的MV，Kay對拍攝過程及歌曲內容均十分滿意。

1. 3/8
「首歌比較輕快，化妝，髮型及Styling上都想做一個跨張的對比，服裝隆重。必須一提就係個場景。有好多好大平衡木， 個景大過半個籃球場，平衡木縱橫交錯重疊，導演要求我一路行，好似人生有好多交差點。多謝一班造型、化妝、髮型、助手、監製一齊演繹『行過去行過去』。」
------Kay

2. 鍾無艷
「特別鳴謝MV中男女主角的演出，兩位都好專業。故事講女主角因為容貌上的問題，情路唔順利，唔能夠與最愛成為一對，只要留守身邊已經心滿意足。雖然我同坁熙‘鱈Y分開拍，不過我睇Vivi的部分之後，好似同呇n連接咁，好有感覺，所以拍個人部分的時候好傷感，好想喊。」
------Kay

3. 神奇女俠的退休生活
「依個MV拍得最長時間，有十幾個公公婆婆一齊演出，呇a好叻，Body Movement仲好勁，Solo部分亦有他們獨有的舞步， 睇得出呇a有突登打扮到最型先過黎，大部份都成50-60歲，個個都好可愛。有一幕呇a要好似行到好迫好迫咁一齊跳舞，互相有少魚篲瓷A而我就企晌前面好有型呾唱歌。不過因為呇a蒙住面拍攝，所以最後變左圍攻我，圍住我打，哈哈。」
------Kay

勇勇

Foxcom

支持啊! 以前喪婆, 愁人節, 跟我走, 菲情歌, 悟入歧途, 甚至我愛茶餐廳等都是我的愛歌.

不過我覺得近排果首鍾無艷走回大路的情歌路線, 少了她獨特的風格, 希望只是偶一為之, 不是轉型就好

Jay少

我既"最愛kay歌"係愁人節同the one and only...
不過今次三首新歌就出左隻碟...
小弟覺得唔多抵...

janicejill

人地話《鍾無艷》好聽
但我覺得好悶
好似《富士山下》的旋律～

ronald001120

謝安琪咪又係唱K歌
個妝咪又係好似江若琳甘厚
唱功平凡
同普通D K歌個手無咩分別
重誇住個"真音樂"招牌唔知醜

leungman

其實佢係唱左好多唔係鍾無艷果D類型o既歌，只係偶爾唱下姐.........

我勁鐘意跟我走、愁人節、後窗知己、節外生枝、第一天、姿色份子、八份三同埋鍾無艷

牛仔

Originally posted by ronald001120 at 2007-12-13 11:49 PM:
謝安琪咪又係唱K歌
個妝咪又係好似江若琳甘厚
唱功平凡
同普通D K歌個手無咩分別
重誇住個"真音樂"招牌唔知醜

佢唱功平凡..= =??   唔係呀ma
我唔敢話你唔識聽
客氣講句..大家聽歌風格..方式唔同姐~

kokocheung

我唔敢話佢係而家女星唱功第一人, 不過佢既聲線, 感情運用, 係我最buy既一個!
雖然"鍾無艷"同佢之前既歌唔同, 比較K歌路線!
不過都總好過"何搵B"懶係有性格咁!

阿K, 我支持你!

yamits

Originally posted by ronald001120 at 2007-12-13 11:49 PM:
謝安琪咪又係唱K歌
個妝咪又係好似江若琳甘厚
唱功平凡
同普通D K歌個手無咩分別
重誇住個"真音樂"招牌唔知醜

嘩﹐唱一首半首比較K小小既歌就比人咁插﹐咁D首首派台都係K歌既歌手(例如JOEY﹐MIRIAM﹐JANICE)咪日日夜夜比你小﹖﹖(btw咁樣你會好忙架)

仲有 "個妝咪又係好似江若琳甘厚" 同 "真音樂" 有咩關係﹖ 原來音樂人唔可以化厚妝既咩﹖