肥Bob吊完小春後，狂嘴「好兄弟」梁烈唯

自拍男

兄弟情

有指喺新郞哥同一班兄弟以及曾志偉喺台上唱緊《友情歲月》嘅時候，飲大咗嘅阿Bob冇啦啦走上台行嚟行去，期間仲撞到錢嘉樂，兼且搶咗支咪，搞到陳小春好不滿。有人目擊小春嬲到掟咪爆粗兼想追打阿Bob，好彩成班兄弟即刻拉住咋。之後，阿Bob就俾人拉落台坐低「冷靜」，仲喺後門離開。不過隔咗一陣，阿Bob折返酒店堅持要同陳小春道歉。

錢國偉接受訪問時就表示大家係為佢嘅喜事而開心，無論點樣都好，佢哋都好開心，仲話呢啲叫氣氛，之後已經冇事，最後大家盡興就OK。去到凌晨1點，喺阿Bob離開之際，錢國偉啱啱做完訪問，錢國偉見到阿Bob即刻攬住佢兼咬耳仔。

梁烈唯扶住明顯有醉意嘅阿Bob離開，當時佢腳步浮浮，已經醉到將眼鏡戴喺額頭上面。記者問佢有冇同小春發生爭執，阿Bob否認自己被人鬧，又話唔係飲咗好多。訪問期間，有工作人員阻止記者做訪問，仲同梁烈唯挾住阿Bob走，但係佢冇啦啦停低仲高呼：「梁烈唯係我好兄弟！」，仲喺記者面前咀咗梁烈唯三次。


查返資料，有傳早兩年喺張美妮婚宴上，阿Bob飲大兩杯，企上凳當眾鬧婚禮司儀安德尊，仲話叫大王收聲添！似乎，以後有咩喜慶事，都要搵人睇實阿Bob先得啦。

自拍男

兄弟情 = 基佬情