香港Hooters貓頭鷹餐廳女侍應被網民吊鳩醜樣

自拍男

清一色賓賓   


Hooters貓頭鷹餐廳出名全店都係靚女侍應，位位都好似明星咁，老土講句就係「樣靚身材正」！繼去年傳出話會喺香港開分店之後，大家都好關心一件事，就係究竟女侍應質素追唔追得貼世界各地嘅Hooters先？終於Hooters香港FB主頁喺日前貼出咗7位女侍應嘅合照，仲寫上：「Say Hello to Your New Hooters Hong Kong Girls.」7位女仔只睇外表應該全數都係本地港女，穿著嘅都係傳統Hooters白背心仔加橙色熱褲；不過呢，網民好似唔多滿意，紛紛留言挖苦取笑。例如話「盂蘭節主題餐廳？」、「我食返麥記算」、「違反商品及說明條例」、「香港分店一定執硬」。嘩，幾乎9成都係負評，真係聞者傷心，見者流淚，話晒Hooters除咗發源地美國之外，喺大陸同台灣都有分店，但好似女侍應都無被抨擊到咁體無完膚喎！其實Hooters一向宗旨都係聘請當地女仔做侍應，有唔少人都好好奇入職條件係點呢？其實根據總公司嘅指引，各地請人條件都係一樣嘅，一齊睇下：
18盤武藝是常職吧
Hooters女侍應並唔係真係普通餐廳侍應咁簡單，因為餐廳入面會有眾多表演，位位女侍應都要求周身刀張張利，例如呼拉圈、跳啦啦隊舞、唱歌等，總之唔單止要睇得，仲要有一定才藝先可以入職。

形象要無敵
根據總公司列出5大條件，第一樣就係「能夠保持無懈可擊的形象」，另外就係外向、100%投入工作、提供最頂級服務、展現出Hooters的愛」聽落就係要真心真意熱愛呢份工作嘅女仔喎！

薪酬如何？
雖然香港分店無寫出人工，而總公司都係話「會屬於業內最高水平」，不過小編就去過台灣Hooters招聘網站睇過，月薪分為基本，另加奬金，大概為4萬台幣，即1萬港紙左右。亦同時有兼職員工，時薪約為150台幣，即40元港紙到啦。

最大得著：學好英文
一名曾經喺台灣Hooters當過2年侍應的女生Melody，話做咗兩年，最大得著係英文突飛猛進，由以前講英文都唔敢，到之後可以對答如流；無他，餐廳有一半都係外國人，自必然要講好英文啦！

自拍男

本地美帝最鍾意溝賓賓     

66630

，6哥公司d女都靚過佢地