大肚港女港鐵霸位等老公上車有位坐

電騙男

黑絲誘惑      

孕婦可以坐優先座我知，而且係應該嘅！我見到有孕婦嘅話，無論係港鐵或巴士都會即刻起身讓座添，呢啲係基本嘢，唔使人叫都識做！
但孕婦可以霸多個位我就真係唔知道！斷估唔係新嘅關愛措施咁屈機卦？！話說網上正在瘋傳一單「大肚婆於港鐵霸位事件」，孕婦自己本身已經有個位安安樂樂咁坐緊，但就用手袋霸埋隔離個位，當事主坐近該座位示意想坐之際，佢就話：「有人呀！」Wow！好大嘅官威呀！

原文如下：
真心想討論一下搭港鐵應有嘅態度
是咁的，頭先放工搭港鐵打算返屋企，紅磡總站上車，普通等太多人，咁諗住俾貴少少坐頭等，可以坐下休息下啦！
行到入車箱行埋圖中放左手袋嗰個位旁邊時，我就同呢位女士講左聲「唔好意思！」示意想坐低，跟住佢好似講「有人！」不過我聽唔清楚我就「吓？」左一聲，佢再㩒住個袋話「有人呀！」
我以為自己聽錯就話「吓？有人？」跟住望下周圍，其實都冇人準備行埋黎坐，不過我都諗住坐左另一個位咪算囉！
點知佢一直都用好討厭嘅目光啤住我，直至架車去到旺角東，佢電話裡面通話中嘅老公上車，個男人行埋個位之前仲有個阿嬸想坐落去，不過俾佢 啤走左！
就係咁，全程車佢都西口西面啤住我，佢老公係咁搓佢個肚問佢乜事 佢話冇野！好嬲咩？
其實我想話我都好嬲囉！我都俾足車費搭車架囉！ — 覺得超不爽。
好喇！睇到呢度，如果事件屬實，大家覺得點呢？
早排大家對港鐵增加關愛座呢個措施已經議論紛紛，今次對於呢單「大肚婆於港鐵霸位事件」又有咩睇法呢？我本人就無眼睇喇！

NLMH

係我就話撚知佢照坐 , 另一種做法就係一腳踢個大肚婆出港鐵 (如果法例容許的話我一定咁做)。

sarmsan

d咁人隔離, 坐下都唔舒服啦

地溝男

d咁人隔離, 坐下都唔舒服啦
sarmsan 發表於 2017-2-4 12:34 PM

坐大脾