杜如風日本著睡衣浸溫泉被陸詩韻吊鳩，元老有乜反應?
陸C 
大家都應該有到過日本浸溫泉溫泉嘅經驗，應該都知道日本有一套自己嘅溫泉文化。最近「日本通」杜如風係出席旅行社活動時，就話自己岩岩拍完新十輯旅遊節目，仲話自己著住熊本熊睡衣浸溫泉。話口未完，另一邊廂嘅陸詩韻好快就開post串佢著睡衣浸溫泉係破壞哂人地嘅風土文化，屬於極唔尊重同無禮嘅行為，仲話佢靠呢樣野黎宣傳好可悲。
日本的而且確係一個溫泉大國，浸溫泉雖然好放鬆但其實都有唔少規矩同禮儀，記得要留意免得失禮以及唔識得尊重人地嘅文化。
先淋浴後進池
進入溫泉之前一定要沖洗乾淨先可以入去，咁樣做除咗保持泉水嘅水質同衛生之外，亦係對其他溫泉使用者嘅尊重。
全裸入池
雖然你會覺得尷尬，但係日本人浸溫泉都係全裸，因為咁樣先能夠達至消除疲勞同減壓嘅效果。另外女仕們不妨捲起頭髮，避免頭髮跌入池中做成污染。
先去廁所
係泳池如果忽然見到���黃地或者感到暖暖地，一定會覺得好嘔心因為附近有人小便。同時，為咗保持泉水乾淨，先去一去洗手間清走尿意。
浴巾不入池
無論係毛巾仔定係浴巾，都唔應該浸入池水中，更莫講要黎沖擦身體整污糟池水。毛巾嘅用途係俾你浸到好大汗時抹走臉上嘅汗，唔用時可以放係池邊或頭上。
拒絕紋身
係當地人心目中，有紋身嘅都係黑道或者唔係好人，所以佢地都會被拒絕使用公眾溫泉，要浸的話就要去有提供私人空間嘅溫泉旅館。 |
發表於 2017-9-7 09:26 PM
| 
