28歲精算師，月薪四萬，元老情何以堪?

自拍男

     



查看相片



【樓奴】分析師偕公僕妻做「百萬富翁」 月入6萬仍未能買樓
更多
香港擁有一大片石屎森林，但港人要在廣袤之間尋方寸立身之所，難度堪比登天。房屋置業階梯已朽，幾百萬人在「樓海」中艱苦尋覓安身之所，劏房戶等公屋、租戶等買樓、業主等供完樓，「樓奴」都在等一個改變命運的機會。
阿俊（化名） 大學精算系畢業，現職保險分析師，與任職公務員的太太每月收入合共逾6萬，未到30歲，他們的儲蓄已過百萬，躋身中產一族。但他卻說「上車」之路遙遙，眼見心儀屋苑樓價升幅超越負擔水平，一個兩房單位首期已要200多萬，他慨嘆中產是社會被忽略的一群，公屋、居屋與自己無緣，「大家都係等樓價跌嘅一日。」
大學就讀精算系、現從事保險分析、28歲的阿俊每月收入約4萬元，比起香港打工仔每月收入中位數只得1.68萬元，可謂遙遙領先，不少人會形容他是「人生勝利組」。不過，他說自己和普通香港人沒有分別，不會出入高級餐廳，也會搶平價機票淡季去旅行，平日只穿便宜的T恤、牛仔褲。
今年初他與相識多年、任職公務員的女友共諧連理，婚禮一切從簡，只是去鄰近的台灣拍攝婚照。
港人為「住」要去到幾盡？
兩口子的月薪加上來已超過6萬元，現時租住大角咀私人屋苑的兩房單位，月租約兩萬元，佔總收入約三成。阿俊笑稱，自己未做「樓奴」前已做「租奴」，「如果搬出嚟，都預咗人工大部分去咗『住』。」
他指，剩餘的七成薪酬，當中一半給予雙方父母作家用，兩夫婦每月儲大約萬多元作「上車基金」，幾年間已累積約100萬元，成為市民口中的「百萬富翁」。
生活水平不俗，理應過着更理想的生活，阿俊卻說，香港樓價高，人人都是受害者。
阿俊批評香港樓市瘋狂，要「上車」絕不容易，「香港樓價水平，就係一個接受唔到嘅水平囉！」他指，現時樓齡較新的一個400呎二手單位，動輒索價800萬至900萬，「係好離地嘅價錢。」他形容，自己是「窮富翁」，有一份高薪職業、坐擁百萬資產，卻連最基本的置業夢都滿足不了。
兩房單位 首期要「兩球」
他與太太心儀大角咀私樓單位，但近年呎價徘徊1.4萬至2萬元，於是放眼較遠的新市鎮如沙田第一城，樓價水平卻直逼九龍，「無論單位幾舊都好，售價都係不斷破頂。」在承造最多6成按揭的限制下，他估算首期最少需要200多萬，遠離負擔水平，「仲要未計裝修，係一個好誇張嘅支出。」
阿俊不諱言將上車目標放在樓齡10年或以上的私樓單位，除了因為價格問題，亦因為擔心新盤入伙後，出現裝修紕漏、建築質量欠佳等問題，他指買樓是人生中最大的一項投資，承受不起更多的風險。
樓價一年升一成 打工仔追得上樓價？
他認為中產是社會中較被忽略的一群，公屋、居屋與他們無緣，只能每年交稅和指望政府退稅，即使政府日後推出首置上車盤，他亦坦言難抱太大期望，「都會想申請，但要睇單位供應，如果只有千幾個，成效都係杯水車薪。」
阿俊指未畢業時已定下買樓目標，並且開始儲蓄，原以為只需幾年便可支付首期做業主，但近年樓價升勢不止，「一年升咗一成，即係又要儲多啲。」人生只剩下與樓市競賽，他笑稱，「大家話儲錢等首期，可能都唔相信儲完可以上車，而係等緊樓價跌嘅一日。」
若以一至十分形容置業的重要性，阿俊不消片刻就說九分，「結咗婚，都係想以後生活安定。」坐擁百萬資產、高薪職業，但他只想滿足平凡心願：有安居容身的地方，與太太育有小朋友，不用每隔數年就因加租而搬屋。
要實踐置業夢想，新一代靠「父幹」成家立室，阿俊對此不置可否，「我唔希望係咁，始終我嘅家庭唔係好富裕，父母都要生活，我諗唔到原因點解佢地要去支持我，去買幾百呎嘅磚頭。」方塊磚頭堆積成一個家，但香港人窮盡畢生，又是否能買來安逸？

自拍男

元老34歲，捱生捱死，都唔過萬五

自拍男

元老話晒都係台大文史尖子      

自拍男

元老冇用武之地

自拍男

元老毛撚用

迦樓羅女王

其實所謂 "成功人士" 既軌跡都係相似既 ... 28碎未有40K ,咁基本就唔駛唸40碎有70K ; 不過算28碎未有40K ,
一樣好易跌落 , 你唔想咁辛苦 , 就樂天知命比較好

自拍男

其實所謂 "成功人士" 既軌跡都係相似既 ... 28碎未有40K ,咁基本就唔駛唸40碎有70K ; 不過算28碎未有40K ,
一樣好易跌落 , 你唔想咁辛苦 , 就樂天知命比較好 ...
迦樓羅女王 發表於 2018-11-10 07:14 PM

元老有親戚包養，仲想點

迦樓羅女王

元老有親戚包養，仲想點
自拍男 發表於 2018-11-10 07:28 PM

想有一億比我慢慢搣

自拍男

想有一億比我慢慢搣
迦樓羅女王 發表於 2018-11-10 09:12 PM

想有一億條頭髮

迦樓羅女王

想有一億條頭髮
自拍男 發表於 2018-11-10 09:20 PM

其實我計過拉 , 有1000萬就基本確定夠食一世