|
- 帖子
- 48725
- 精華
- 0
- 威望
- 18
- 魅力
- 61441
- 讚好
- 21
|
1#
發表於 2019-7-12 10:52 AM
| 只看該作者
張景食硬呂慧，ericliu 點評?
假戲真做 
36歲長腳蟹呂慧儀，今年三月宣布同前夫黃文廸早於上年已經離婚，被本刊率先踢爆有《愛．回家之開心速遞》劇中CP張景淳大獻殷勤，兩人拍劇一早過電，有新歡呵護備至，失婚的她不用孤單落寞，事隔四個月，近日兩人拍拖睇戲兼返女方香閨斷正，戀情開始浮面。38歲張景淳能夠冧掂長腳女神，全靠愛屋及烏，經常陪呂慧儀湊仔，氹掂女方囝囝蟹籽恩准融入破裂「三口之家」補位，日前兩人又被本刊拍得甜蜜拍拖去旺角買熱狗，雖然繼續避忌前後腳上落車，不過，講明乜都以「老闆」（蟹籽暱稱）行先的呂慧儀，男友細心行徑一早已過囝囝一關，公開第二春係遲早嘅事！
撰文：東方新地 圖片：新傳媒圖片、IG
呂慧儀 張景淳戀情浮面今年三月前夫黃文廸被拍到在巴士啜女，呂慧儀亦不再隱瞞婚變一事，公開宣布已於上年同黃文廸離婚，兩人變回朋友關係，前夫有女陪， 失婚呂慧儀也不愁寂寞，本刊當時便率先爆出，呂慧儀移情拍檔張景淳，男方對受離婚打擊的呂慧儀呵護備至，拍劇時刻黐到實照顧周到，更每日高調發布「龔水日誌」，上載兩人拍劇時的生活點滴，人前人後甜蜜放閃。據知情人說：「離婚對阿蟹（呂慧儀）好大打擊，好彩仲有囝囝喺身邊，佢先可以咁堅強，就算幾唔開心，佢一見個仔就會開心番晒，喺最失意嘅時候，咁啱套劇又安排佢同Stanley（張景淳）由歡喜冤家變情侶，兩個人日對夜對，Stanley畀好多支持同安慰佢，阿蟹一有唔開心，Stanley就會拍片氹佢笑，婚姻失意嘅女人，呢個時候感情特別脆弱，好容易會投入另一段感情，女方自然地戲假情真！」
 查看相片
拍拖買熱狗
今年三月宣布和前夫黃文廸早於去年已離婚，當時本刊已率先爆呂慧儀因拍《愛．回家之開心速遞》同劇中CP張景淳撻著，雖然已行埋一段時間，但日前兩人穿情侶裝拍拖買熱狗，表現仍相當避忌，全程前後腳上落車，慌死畀人發現！
 查看相片
唔想兒子被談論雖然開始第二春，不過當時被爆戀事的呂慧儀，卻矢口否認拍拖，只認兩人是螢幕情侶關係，拍拖都要收收埋埋，據悉呂慧儀全因要保護4歲兒子蟹籽。據知情者透露：「雖然同Dickson（黃文廸）離婚，但阿蟹好保護個仔，好想蟹籽可以繼續過平靜嘅生活，始終個仔仲細，唔想因為自己嘅戀情，畀人攞嚟做話題，對個仔指指點點，影響咗個仔成長，加上蟹籽就嚟升小學，阿蟹覺得就算畀唔到佢有個完整家庭，都想佢生活簡單開心，唔想影響到蟹籽嚟緊嘅升學面試，總之佢乜都以個仔行先，感情嘅嘢話遲一步先諗！」
 查看相片
湊仔大過天的呂慧儀，拍拖都要過兒子一關，張景淳 能成功冧爆長腳蟹，最重要梗係夠細心氹掂埋蟹 籽，三人相處早就儼如家人，一班《愛●回家之開心速 遞》同事亦一早收到風。
 查看相片
劇中由歡喜冤家變情侶，呂慧儀同張景淳比劇情發展更早過電，攞正牌開工拍拖收工約會，戲裡戲外都咁甜蜜。
大耍太極但紙又怎能包住火？熱戀情侶又點可能唔過拍拖生活？日前，兩人拍拖到數碼港睇戲斷正，之後駕車遊勻港九去搵餐廳醫肚，最終因為多間餐廳關門，二人到旺角買外賣返女方屯門寓所篤魚蛋度春宵,雖然張景淳已登堂入室,不過,日前在電視城開工的呂慧儀就戀 情繼續大耍太極,發現記者即以劇本遮面走避,之後亦只肯接受公司 娛樂節目訪問,不過就不停兜圈唔認拍拖:「話晒我都拍戲,睇吓戲、 食吓飯好平常,喺套劇入面,我其實得一個拍檔,大家咁鍾意《愛．回家之開心速遞》,又咁鍾意「龔水」,收工一齊傾吓戲、食吓飯都好平常!(有冇發展可能?)將來嘅嘢好難講,或者佢同我個仔做咗契兄弟,我叫佢契仔 呢!依家對我嚟講,我淨係以我老闆為主。」同呂慧儀有晒共識的張景 淳亦否認拍拖,:「幕前我哋已經拍拖,keep 住依家關係都幾好。」
 查看相片
戀情開始浮面，呂慧儀連座駕都交給張景淳 負責駕駛，張景淳泊低車後先落車入咪錶， 之後行咗入小食店，呂慧儀隨後下車，當日 呂慧儀更一身透視短裙晒長腿非常戰鬥格。
 查看相片
陪蟹籽過暑假雖然協議封嘴,但張景淳為冧女友一早學定做人爸,更已成功冧掂蟹籽。據知情者透露:「Stanley知道阿蟹最緊張個仔,拍拖唔會只係陪阿蟹行街睇戲食飯,好早已經融入阿蟹母子之間,成日會陪呂慧儀 湊仔,細路仔諗嘢好簡單,只要你夠愛心有耐性肯陪佢玩,就會慢慢接受你,Stanley咁體貼細心,蟹籽都好鍾意呢位哥哥,嚟緊蟹籽放暑假,Stanley已經plan好晒好多活動陪蟹籽玩,話呢個暑假一定畀蟹籽過得多姿多彩,Stanley咁識冧囝囝,阿蟹同佢一齊亦冇咁大壓力。」
 查看相片
兩人在小食店內亦分開企，刻意保持距離。
 查看相片
等呂慧儀上咗車，張景 淳才施施然步出小食店 行上車。
 查看相片
本周一( 7月8日)被爆戀情後,呂慧儀和張 景淳同在將軍澳電視城化妝間孖住化妝,本 來一直親暱傾密偈,但發現記者後即保持距 離,更以趕時間換衫為由拒絕受訪。
 查看相片
 查看相片
化完妝,呂慧儀率先離開化妝間行 去服裝間換戲服,面對記者採 訪,更以劇本遮面避走。
更多
本來拒絕受訪的呂慧儀,最終和張景淳分開 接受無綫娛樂節目訪問,對於睇戲斷正及親 密同返香閨,呂慧儀繼續大耍太極,表示同 張景淳只是劇中拍檔,收工一齊睇戲、食飯 及行街都好平常,更表示自己只會和「老闆」(兒子蟹籽)拍拖,對戀情表現避忌。
 查看相片
張景淳同呂慧儀口徑一致否認拍 拖:「keep住依家友好關係都幾 好!」受訪時,呂慧儀更多次走出 廠大嗌「張景淳要入廠啦!」乘機想 打斷訪問,深怕男方講錯嘢。
 查看相片
高度戒備除咗睇戲陪返香閨,日前兩人亦被本行拍到拍拖去旺角勝利道買 熱狗,當日張景淳駕駛呂慧儀座駕,兩人先將車停泊在錶位處,張景 淳落車入咪錶錢,然後入咗小食店揀熱狗和飲品,見男友入咗店 內,此時呂慧儀才放心落車行入舖頭,不過,二人在舖頭內刻意各據 一方,時刻保持高度戒備,買完嘢食,繼續避忌前後腳返上車。就算 唔親口公開認愛,兩人親密關係已經欲蓋彌彰!
 查看相片
 查看相片
當日兩人戲分並不同場,本已拍完 自己戲分的張景淳被呂慧儀嗌住入 廠,只見呂慧儀緊張嚴肅向男友哦 咗一輪。 畀女友訓話後，張景淳離開廠準備 換衫走人，已經封口十問九唔答。
 查看相片
咀出火拍《愛．回家之開心速遞》戲假情真, 兩人開工攞正牌拍拖,早前一場咀戲 兩人更錫得非常肉緊。
 查看相片
此情不再
呂慧儀11年和黃文廸結婚,婚後一直女尊男卑,加上男方花弗,二人距離 愈走愈遠,最終敵不過七年之癢離婚收場,昔日三口之家幸福情景已經成 為回憶。
 查看相片
「老闆」大晒今年 8月兒子便滿 5歲，呂慧儀坦言近日忙於為兒子升小學煩惱，事實上， 自 14年兒子蟹籽出世後，即使工作冇停手，呂慧儀對蟹籽亦照顧無微不至， 離婚後湊仔繼續親力親為，一定爭取時間陪兒子度過每個重要時刻，無論兒 子參加學校表演、落球場踢波或者游水，她都陪到實，更以「老闆」尊稱個 仔，絕對係廿四孝好媽。
 查看相片
 查看相片
離婚後首個母親節，呂慧儀和 兒子開心慶祝！
更多
4歲兒子當然唔明白父母的離婚關係， 呂慧儀早前在IG留言，表示兒子已經 會趁她不在家時，自己重看《愛●回家》， 更因睇到她與張景淳咀嘴一幕而唔開 心，以為媽咪唔再錫佢，要呂慧儀解 釋因為工作先咁做，可見呂慧儀低調 同張景淳戀情有因。
|
|
