娛樂滿紛 26FUN - Powered by Discuz! Board

標題: [愛情診療室] 暗戀小子的苦惱 [打印本頁]

作者: Blue Lagoon 時間: 2008-7-11 01:24 PM 標題: 暗戀小子的苦惱

我好少係26FUN留言, 但係最近我為咗d感情事令我有點兒不知所措,
希望各位能夠給小弟一點意見, 好讓我知道我應該怎樣去處理

我有一位一同入行的女同事,由training 到實習到而家熟手技工,
這一年多的時間, 我一直都當她是一位好朋友, 好同事. 但係朝夕相對,
我慢慢對她有感覺, 希望有進一步發展.
但係奈何與她日常的對話當中, 我得知她已心有所屬, 一位在外地留學的男子.
雖然她說和這番書男不是男女朋友的關係, 但她說她會等這男學成歸來,
等他的答覆, 等他的接受.

說真的我不知道我應該怎麼辦...我應該不顧一切勇敢表白, 告訴她我一直對她有意思?
但我卻害怕表白會令我失去這個好朋友, 亦沒有信心overcome她心裡那完美理想
的番書男.因為在她心裡他一切是perfect的. 現在我能夠做到就是倍伴她左右,
心酸地分享她和他的往事, 但心裡卻十分的難受.

最近我得知那男的年尾畢業, 但一心想在外地發展, 唯一的阻力是香港家人的反對,
和欠缺外地居留權. 我應該怎麼做才好呢? 處於被動等待他們的決定; 主動地
出擊; 還是放棄呢??

作者: 一天神死 時間: 2008-7-11 01:58 PM

有無搞錯
哽係向佢表白啦大佬

萬一果個被理想化既外國留學男士真係番香港發展
一個唔該就帶走果個女仔
咁你點鬼算呀

當一日佢同果個男人真正開始
佢就會完全忘記你一路既陪伴，一路既聆聽
可能........你只會成為佢一個日記上既小小名字

傻嫁咩！唔怕之後唔會做唔成朋友啦
男子漢大丈夫，要問心無愧！絕對唔可以他日後悔
中意人咪同人講囉
點可以收收埋埋嫁

作者: 破軍不動 時間: 2008-7-12 02:43 AM

感情事有時真係好奇怪同玄妙...
佢心有所屬...
但你亦默默付出...
老實講...
人心肉做...
有d野有d感覺...
佢應該會不知不覺感覺到...

但你自己都識講...
你心上人認為果個男仔有如完美化身...
將果個男仔放在心頭...
所以現階段的她心裡...
應該無咩位置接納到你...
即使佢願意信任並同你分享好多佢既感覺...

呢個時候...
個人認為...
應該按兵不動...
如果果個夢幻男真係唔返黎...
你根本就唔使心急...
如果個夢幻男真係返黎...
你先急住搏一鋪都未遲...

夢幻男既優勢係...
佢係一個夢...
夢是完美的...
但你既優勢係...
實際...
實實際際甘響佢身邊支持佢...

現階段的她...
應該響感性上需要別人的支持...
如果你要佢響呢個時間做一個理性既決定...
你好大可能會壯烈犧牲...
但無論如何...
如果你陪佢過左呢關...
只要佢係對你有d感覺...
佢應該都會考慮你...
(前提當然係夢幻男呢個夢實現唔到啦)

不過如果你要豁出去...
我都會支持同祝福你...
因為感情事真係好難講...

但提醒你..
既然你已知道你心上人...
對咩類型既男性有興趣期望...
你就自己醒目...
唔係話要活在別人陰影之下...
而係應該好好充實自己...
增加自己實力...
甘無論結果如何...
你都可以令自己有所得著...

祝你好運

作者: 大家樂1234 時間: 2008-7-12 02:18 PM

其實我都明白你既感受
最怕表白後連朋友都無機會做
假如失敗左大家見面通電話等等既次數就一定會減少
什至沒有...所以你要好好想一想

作者: kobe14725 時間: 2008-7-13 11:57 AM

我覺得有時候.你應該試下.看下怎樣
佢大理想法了,難道那個男仔回來一定會選擇她?
你最少比佢知道你想法.有時候失敗唔一定做唔到朋友..
要勇敢少少~衝呀~幸福在招手

作者: dominic886 時間: 2008-7-13 11:08 PM

其實個外國男仔都放個女仔第二位,事業第一,佢地都無可能la,
除非個男仔留唔到喺外國姐...
如果而家表白的話,揀你嘅機會比較低...因為外國男仔咁完美同等左佢咁耐....

你就望個外國男仔留到喺外國做野la, 咁你之後會大機D

作者: cmchi 時間: 2008-7-14 12:00 AM

非常現實的一句

你試下就有機會
唔試就無機會

雖然老土又簡單
但好多人往往做唔到以上既道理

祝你好運呀

作者: Blue Lagoon 時間: 2008-7-15 03:38 PM

我真係好感謝你們,用了那麼多寶貴時間去解答一個
陌生人的感情問題. 作為一個當局者,一切事情都像模模糊糊的,
看不透問題的中心, 難以下決定. 而你這局外人卻一語中的, 令我
找到我一直所追求的答案.

其實主動表白亦好, 暗裡默默等待亦好, 我相信世上沒有兩全其美
的方法. 最終的決定完全base on 個人性格上. 本人選擇後者,
一個傻小子希望用真誠打動她. 但正如"破軍不動" 君說,感情事真係好難講,
可能有一天,我厭倦了這個無了期的等待角色, 而自行放棄...

可能你們會鄙視我這麼輕易說放棄, 但是當你們曾經暗中苦戀過,
而亦清楚最後會是一夢成空, 你們一定經歷到內心那種矛盾的痛苦.
想放棄但卻不甘心. 內心的煎熬, 以我現時的中文水平是無法
表達得到的....

但很多謝你們的寶貴意見, 我會努力的 !!!

作者: dominic886 時間: 2008-7-16 01:23 AM

原帖由 Blue Lagoon 於 2008-7-15 03:38 PM 發表
我真係好感謝你們,用了那麼多寶貴時間去解答一個
陌生人的感情問題. 作為一個當局者,一切事情都像模模糊糊的,
看不透問題的中心, 難以下決定. 而你這局外人卻一語中的, 令我
找到我一直所追求的答案.

其實主動表白 ...

如果唔係睇得失睇得咁重,
有陣時暗戀都好浪漫,
可能最後有驚喜

我試過暗戀個女仔半年,
最後個女仔覺得我對佢好過佢個男朋友(當然佢地有D裂痕),
最後同男朋友分手,
而同我一齊.

作者: hamsubboy 時間: 2008-7-16 03:38 AM

首先我想請問樓主和她是什麼星座?

如果我係你, 我會用笑笑口而帶點認真咁問佢:
"我一直都識唔到好女仔, 點解呢下....
係唔係我有d咩問題呢?
呀喂! 如果... 真係如果炸下,
如果我追你, 你會唔會俾機會我呢?"

if she says "yes", 跟住唔洗我講 la!!
if she says "no", 你就話 :
"你當你夢中情人唔存在先 la! 你會唔會俾機會我呢"

if she says, "yes", you know how to do la!!!
if she says, "no", 你咪炸炸帝問佢, "你覺得我有咩問題, 大家禁friend 唔怕講喎", .當幫下手nei....打完場 law
if she says, maybe, ng 知等無零兩可答案, 即係 you still have chance!

[ 本帖最後由 hamsubboy 於 2008-7-16 03:40 AM 編輯 ]

作者: dominic886 時間: 2008-7-16 01:16 PM

原帖由 hamsubboy 於 2008-7-16 03:38 AM 發表
首先我想請問樓主和她是什麼星座?

如果我係你, 我會用笑笑口而帶點認真咁問佢:
"我一直都識唔到好女仔, 點解呢下....
係唔係我有d咩問題呢?
呀喂! 如果... 真係如果炸下,
如果我追你, 你會唔會俾機會我呢?"

if sh ...

lee招真係高,
你真係好惦

偷吓師先

作者: hamsubboy 時間: 2008-7-17 12:54 AM

原帖由 dominic886 於 2008-7-16 01:16 PM 發表

lee招真係高,
你真係好惦

偷吓師先

符碌 je!!

作者: ktwu2007 時間: 2008-7-18 05:27 PM

我認為戀愛跟學習的理論一樣, 學無前後, 達者為先.
追唔追o個個女仔係你自己o既決定, 不過佢接唔接受你又係第二個問題,
如果, 大家一齊工作, 有良好的溝通關係是重要. 不是因為你對佢有好感,
就此疏遠關係, 交一個知心的朋友很難, 我相信你不要以一個先入為主的態度,
交一個統友誼的女性朋友, 未嘗不可.

作者: hamsubboy 時間: 2008-7-18 11:12 PM

原帖由 ktwu2007 於 2008-7-18 05:27 PM 發表
我認為戀愛跟學習的理論一樣, 學無前後, 達者為先.
追唔追o個個女仔係你自己o既決定, 不過佢接唔接受你又係第二個問題,
如果, 大家一齊工作, 有良好的溝通關係是重要. 不是因為你對佢有好感,
就此疏遠關係, 交一個知 ...

ktwu2007 brother,

唔好意思, 首先講明我不是想嘈交.
樓主都講明 :
"這一年多的時間, 我一直都當她是一位好朋友, 好同事. 但係朝夕相對,
我慢慢對她有感覺, 希望有進一步發展"

閣下說 : "我認為戀愛跟學習的理論一樣, 學無前後, 達者為先. ."
但係戀愛係一種感覺, 如何 "達者為先."

"追唔追o個個女仔係你自己o既決定, 不過佢接唔接受你又係第二個問題,"
當然由樓主自己決定, 樓主開呢個post係想 brother們俾d意見, 然後決定.
個女仔接唔接受樓主並不是問題, 而係答案.

"如果, 大家一齊工作, 有良好的溝通關係是重要. 不是因為你對佢有好感,
就此疏遠關係,
無lala做咩講疏遠關係

"交一個知心的朋友很難, 我相信你不要以一個先入為主的態度,
交一個統友誼的女性朋友, 未嘗不可."
什麼先入為主? 難度你認為樓主不知道什麼是愛?

你呢個post真係唔知講咩, 如果版主加超過兩分俾你, 版主要打patpat!

作者: AnakinBoykins 時間: 2008-7-22 12:06 PM

如果我係你~我會睇下年尾果男仔番黎既時候同果女仔會點先~
如果無野嫁話先上啦....唔好太心急
呢家野要慢慢來

作者: ppyeung2002 時間: 2008-8-6 09:05 AM

原帖由 一天神死 於 2008-7-11 01:58 PM 發表
有無搞錯
哽係向佢表白啦大佬
萬一果個被理想化既外國留學男士真係番香港發展
一個唔該就帶走果個女仔
咁你點鬼算呀
當一日佢同果個男人真正開始
佢就會完全忘記你 ...

認同, 有d野唔怕得咁多, 搵個機會講出黎, 至少就算衰左都据d

作者: Blue Lagoon 時間: 2008-8-11 04:22 AM

一個月前, 小弟在此誠心請教, 望各位給予小弟一點意見.
各位亦為小弟提供多方面意見參考, 最終小弟選擇靜待機會,
希望用真誠打動她, 而接受我.
這個月裡, 我繼續扮演着好朋友的角色, 經常陪伴她左右,
周圍的人亦留意到我倆過份親近, 公司內謠言四起, 我亦
樂得其中, 相信適當時機一到, 我就會表明愛意.

有一天, 我約了她吃飯, 二人"撐檯腳". 我們二人無所不談.
她更談到她和留學男子的真正關係...聽完了我心就如刀割一般的
痛.  真的很痛...她與他其實只是有實無名的伴侶.
他們彼此關心關懷, 間中見面時除了互吐心聲, 還有肉體上的歡愉.
她不要求什麼名份.........

更令我傷痛的, 是她揀選男朋友的是憑first impression,
一切都是合眼緣和感覺.  朋友者, 她只會把他們當成朋友或知己,
僅此如此.

我不知道怎麼辦, 我每一次見到她, 心痛, 但卻扮成若無其事的.
我們是好朋友嗎, 我們繼續有說有笑.  但我真的很想哭

真的要放棄嗎?

作者: trista_cheong 時間: 2008-8-11 04:38 PM

原帖由 Blue Lagoon 於 2008-8-11 04:22 AM 發表
一個月前, 小弟在此誠心請教, 望各位給予小弟一點意見.
各位亦為小弟提供多方面意見參考, 最終小弟選擇靜待機會,
希望用真誠打動她, 而接受我.
這個月裡, 我繼續扮演着好朋友的角色, 經常陪伴她左右,
周圍的人亦留意 ...

估唔到原來佢同佢嘅留學男子另有內情....................................

有實無名﹐咁樣幸福嗎?當然﹐可能她會覺得咁樣已足夠了﹐很幸福了

但又或者你係可以俾到佢幸福嗰個都未定呢?

作者: 自由神 時間: 2008-8-11 05:10 PM

原帖由 Blue Lagoon 於 2008-8-11 04:22 AM 發表
一個月前, 小弟在此誠心請教, 望各位給予小弟一點意見.
各位亦為小弟提供多方面意見參考, 最終小弟選擇靜待機會,
希望用真誠打動她, 而接受我.
這個月裡, 我繼續扮演着好朋友的角色, 經常陪伴她左右,
周圍的人亦留意 ...

其實你有無諗過......
點解佢會突然講呢D野俾你聽呢？
可能你對於佢黎講你既角色已經改變左

作者: Blue Lagoon 時間: 2008-8-12 02:32 AM

原帖由 自由神 於 2008-8-11 05:10 PM 發表
其實你有無諗過......
點解佢會突然講呢D野俾你聽呢？
可能你對於佢黎講你既角色已經改變左

有版主和副版主回覆, 深感榮幸.

我曾經亦想過為什麼她會告訴我這些事情呢?
她所說的也是十分私人的問題.

我想正如副版主所說, 的確我的角色已經不同了.
我是她信賴的好朋友, 只是如此...
當然我亦希望我的角色變成她的情人, 但真的沒太大
可能會有一個女子會對一個對她有意思的男子說出這麼私
人和令人卻步的話題. 她是坦白嗎?  還是考驗我呢?

版主曾安慰我, 說may be 我會給她幸福.  我真的
衷心多謝妳.  我當然想, 但當她說明朋友只會是朋友,
我心就知道無望了, 不想放棄, 但 what else can
i do ?
版主曾問有實無名幸福嗎? 她亦說不介意, 但我知她是想
和那男子有進一步的關係.  不介意只是在扮瀟灑. 她找我
傾訴是想一個她信賴的好朋友聆聽她的心事分享她的不安...

好灰,我愛的不能愛, 但卻只可做一個扮作若無其事的好朋友
好的聆聽者.  唉...這種窩心的感覺....

怎麼辦好呢 ??

作者: 自由神 時間: 2008-8-12 04:36 PM

原帖由 Blue Lagoon 於 2008-8-12 02:32 AM 發表
有版主和副版主回覆, 深感榮幸.

我曾經亦想過為什麼她會告訴我這些事情呢?
她所說的也是十分私人的問題.

我想正如副版主所說, 的確我的角色已經不同了.
我是她信賴的好朋友, 只是如此...
當然我亦希望我的角色變成她的情人, 但真的沒太大
可能會有一個女子會對一個對她有意思的男子說出這麼私
人和令人卻步的話題. 她是坦白嗎?  還是考驗我呢?

版主曾安慰我, 說may be 我會給她幸福.  我真的
衷心多謝妳.  我當然想, 但當她說明朋友只會是朋友,
我心就知道無望了, 不想放棄, 但 what else can
i do ?
版主曾問有實無名幸福嗎? 她亦說不介意, 但我知她是想
和那男子有進一步的關係.  不介意只是在扮瀟灑. 她找我
傾訴是想一個她信賴的好朋友聆聽她的心事分享她的不安...

好灰,我愛的不能愛, 但卻只可做一個扮作若無其事的好朋友
好的聆聽者.  唉...這種窩心的感覺....

怎麼辦好呢 ??

首先重申，呢度無論版主、副版主定普通會員都好啦！
所以有人有心既回應都係咁平等同值得重視

我個人黎講對於你紅字既說話...
o係你既處境黎睇，都幾同意
其實我覺得佢其實知你對佢既心意..........
佢對你係咩態度呢？

[ 本帖最後由自由神於 2008-8-12 10:35 PM 編輯 ]

作者: trista_cheong 時間: 2008-8-12 05:21 PM

原帖由 Blue Lagoon 於 2008-8-12 02:32 AM 發表

有版主和副版主回覆, 深感榮幸.

我曾經亦想過為什麼她會告訴我這些事情呢?
她所說的也是十分私人的問題.

我想正如副版主所說, 的確我的角色已經不同了.
我是她信賴的好朋友, 只是如此...
當然我亦希望我的角色變成她的情人, 但真的沒太大
可能會有一個女子會對一個對她有意思的男子說出這麼私
人和令人卻步的話題. 她是坦白嗎?  還是考驗我呢?

版主曾安慰我, 說may be 我會給她幸福.  我真的
衷心多謝妳.  我當然想, 但當她說明朋友只會是朋友,
我心就知道無望了, 不想放棄, 但 what else can
i do ?
版主曾問有實無名幸福嗎? 她亦說不介意, 但我知她是想
和那男子有進一步的關係.  不介意只是在扮瀟灑. 她找我
傾訴是想一個她信賴的好朋友聆聽她的心事分享她的不安...

好灰,我愛的不能愛, 但卻只可做一個扮作若無其事的好朋友
好的聆聽者.  唉...這種窩心的感覺....

怎麼辦好呢 ??

大家都係26fun嘅其中一分子﹐可以一齊分憂﹐應該係我深感榮幸就真呀~

如果唔係她道出咗個真相﹐我諗我自己個睇法都依家會係好似之前咁: 係啦!去馬啦! 您得ga!!!!

而依家喎…首先呢﹐身為女仔﹐佢講俾您知﹐我認為都係有兩種signal啦﹐
一係就佢真係當您至值得信任﹑放心﹑安心嘅好朋友去傾訴﹑去講俾您知(畢竟真係太私人喇……

)
二黎就係佢feel到您對佢唔單止朋友咁簡單… 所以順便暗示您知......... 佢心有所屬之餘… 仲為嗰男人貢獻得幾緊要…

而且Blue Lagoon版友你講得啱ga﹐邊有女仔可以懶扮瀟灑唔介意自己有實無名吖…
有少少surprise佢咁樣由得個男仔對佢………

實話實說哦…………請你唔好傷心…依現況黎睇﹐佢咁樣同你講得﹐証明佢唔太介意你心目中對佢作為一個女人嘅眼法﹐女仔對住有機會成為情人嘅人﹐通常會較注意自己個舉止形象……仲點會咁講?

之但係咁﹐正正因為依家知道咗個真相之後﹐我覺得你更唔應該唔好放棄!!

我仍然會覺得﹐你可以繼續做一個忠心嘅聆聽者同傾訴者﹐話唔定有一日﹐她終會發覺幸福原來喺自己身邊﹐而唔係遠方嗰個俾唔到名份嘅他呢 ?

話唔定有一日可以用誠意打動到佢﹐俾到幸福佢呢?

雖然呢段日子係有啲困難﹐但我真係覺得你要堅持住呀……而且你忍心﹑甘心個男仔同她繼續保持呢種"有實冇名"嘅關係嗎 ?

所以呢﹐最後﹐Blue Lagoon你心愛嘅她依家道出咗個真相﹐我自己個睇法會係變咗…咁~~: 係啦!去馬啦!去馬啦!!!!您實得ga!!!!

(如果覺得我呢段嘢唔啱聽嘅話……… 請唔駛理我~~~可能真係盲目過份偏激咗~

)

[ 本帖最後由 trista_cheong 於 2008-8-12 05:32 PM 編輯 ]

作者: trista_cheong 時間: 2008-8-12 05:42 PM

按多一次掣… deleted !!!

唔駛理我﹐係我錯~

[ 本帖最後由 trista_cheong 於 2008-8-12 05:45 PM 編輯 ]

作者: hamsubboy 時間: 2008-8-19 11:30 PM

原帖由 Blue Lagoon 於 2008-8-12 02:32 AM 發表

有版主和副版主回覆, 深感榮幸.

我曾經亦想過為什麼她會告訴我這些事情呢?
她所說的也是十分私人的問題.

我想正如副版主所說, 的確我的角色已經不同了.
我是她信賴的好朋友, 只是如此...
當然我亦希望我的角色 ...

你能接受她和那個男人在你和她一起之前仍然保持性關係嗎?
這段以朋友身份等待的時間可能係三個月, 一年, 兩年........
當有一天, 你知道她當天晚上將會和他見面, 你腦海內會出現什麼影像? 你會心酸嗎? 你會叫她不要去嗎?
你用什麼身份和什麼理由叫她不要去呢?

如果有一天, 其實她根本對你有好感, 告訴你約會了那個男人而想看看你會否緊張她, 但你一直以"好朋友"自居,
以你的好朋友身份, 你能說出什麼話把他留下來嗎?

[ 本帖最後由 hamsubboy 於 2008-8-20 12:05 AM 編輯 ]

作者: hamsubboy 時間: 2008-8-19 11:58 PM

我覺得BLUE brother, 你的機會好微.........

佢會同其他男人一齊都唔會同你一起.......
因為每對情侶之間總有些秘密, 而呢個秘密對你們成為情侶的時候,
將會是一條刺....... 刺不在你, 而在她
如果她是一個有自信的人, 她會很快把刺拔掉,
如果她是一個沒自信的人, 她會覺得我這麼笨的女人不值得你這個好男人去愛.
但是她願意接受那種"有實無名"的關係, 我估計她在愛情方面, 不是第一種.

有些事暴了出來, 會使好朋友更加好朋友,
有時候知道少一點, 你仍有彎可轉.

其實你是否真的認為她永遠只會把你當成好朋友?

作者: pptc4 時間: 2017-5-14 01:51 PM

告白吧....不要留下遺憾

歡迎光臨娛樂滿紛 26FUN (http://26fun.com/bbs7/)