標題:
潮界輪流轉 翻 Bold 學生袋
[打印本頁]
作者:
J.T.
時間:
2008-11-13 02:21 AM
標題:
潮界輪流轉 翻 Bold 學生袋
有 人 話 潮 流 近 幾 季 都 無 新 意 ， 來 來 去 去 都 係 懷 舊 。 但 計 我 話 個 Trend 轉 得 不 知 幾 快 ， 上 季 先 剛 剛 懷 完 八 十 年 代 的 舊 ， 眨 下 眼 又 輪 到 九 十 年 代 。 最 估 唔 到 是 停 產 多 年 、 90's 勁 熱 學 生 袋 王 Lineabold 都 有 得 翻 生 ！ 今 季 由 Bauhaus 與 生 產 「 Bold 袋 」 的 意 大 利 品 牌 Piero Guidi 攜 手 復 刻 推 出 紅 綠 橙 Multi-colour Lineabold Collection 。 當 年 做 學 生 哥 買 唔 起 ， 家 陣 終 於 可 以 一 償 心 願 。
九 十 年 代 集 體 回 憶
咩 叫 集 體 回 憶 ？ 就 係 隨 口 問 身 邊 同 齡 的 同 事 心 目 中 的 Dream Bag 學 生 袋 ， 起 碼 有 1/3 人 答 「 Bold 袋 」 （ 弊 ！ 唔 小 心 暴 露 了 年 齡 的 秘 密 ） 。 Lineabold 這 個 名 詞 簡 直 是 成 長 於 九 十 年 代 學 生 哥 的 符 咒 一 樣 ， 好 命 ， 佢 有 幸 做 到 你 人 生 中 的 第 一 個 名 牌 袋 ， 作 為 平 民 ， Lineabold 到 今 時 今 日 依 然 令 人 恨 到 流 口 水 。
多 得 個 Trend 轉 轉 下 又 轉 到 懷 90's 的 舊 ， 回 憶 總 是 美 好 ， 學 Wyman 話 齋 ， 好 梗 係 唔 怕 一 叮 再 叮 ， 今 年 終 於 輪 到 翻 「 Bold 」 喇 ！ 由 Bauhaus 一 手 策 劃 與 Piero Guidi 攜 手 復 刻 出 Lineabold Collection 中 三 款 經 典 的 設 計 ， 早 已 絕 跡 香 港 的 方 形 腰 包 、 公 事 包 及 背 囊 再 次 現 身 。 三 款 設 計 完 全 參 照 元 祖 版 本 製 作 ， 用 最 Signature 的 彩 色 特 製 布 料 打 造 ， 保 留 鋼 牌 刻 名 及 地 址 服 務 ， 復 刻 得 原 汁 原 味 。
B 記 老 闆 情 意 結
我 地 呢 班 「 老 鬼 」 之 所 以 得 償 所 願 能 翻 買 Bold 袋 ， 補 償 當 年 心 靈 上 的 缺 憾 ， 都 要 多 得 有 人 陪 住 癲 。 據 知 Bauhaus 策 劃 這 次 Re-launch ， 全 因 老 闆 的 情 意 結 ， 當 年 起 家 四 出 周 遊 列 國 入 貨 就 係 全 靠 Bold 袋 陪 伴 走 天 涯 ， 至 今 對 Bold 袋 餘 情 未 了 決 意 再 引 入 。 另 一 位 「 多 得 他 」 一 定 是 Lineabold 創 辦 人 Mr. Piero Guidi ， Bold 袋 在 香 港 紅 了 二 十 幾 年 從 未 到 訪 過 ， 今 次 Re-launch ， 六 十 幾 歲 高 齡 都 堅 持 要 來 港 贈 興 ， 認 真 畀 面 ！
創 辦 人 ： 原 是 Banker 袋
小 記 比 大 家 幸 運 少 少 ， 可 以 近 距 離 親 身 訪 問 佢 老 人 家 。 Piero Guidi 說 當 初 想 不 到 Bold 袋 會 成 為 學 生 哥 至 愛 ： 「 我 設 計 Lineabold 的 原 意 係 作 Banker 的 Travel Bag ， Lineabold 於 八 十 年 代 誕 生 時 ， 開 始 多 遊 客 和 銀 行 家 出 國 旅 行 ， 於 是 想 設 計 一 個 耐 用 又 款 式 高 貴 的 旅 行 袋 ， 全 部 袋 的 用 料 都 係 鋼 、 皮 革 等 較 堅 固 的 質 料 做 主 材 ， 並 在 袋 款 之 上 加 上 一 塊 獨 特 的 鋼 牌 ， 畀 用 家 刻 上 自 己 的 名 字 及 地 址 作 為 Name Tag 。 估 唔 到 九 十 年 代 來 到 香 港 會 咁 受 學 生 歡 迎 ！ 」 事 實 係 潮 流 齊 齊 跟 ， 當 年 Michael Jackson 、 英 國 型 男 Sting 、 美 國 Fashion Icon 一 姐 Madonna 都 力 撐 ， 的 確 好 難 唔 Hit 爆 。 不 過 問 到 老 人 家 為 何 如 此 有 興 致 再 Re-launch Multi-colour Lineabold ， 他 說 ： 「 好 開 心 咁 多 後 生 仔 支 持 ， 時 間 過 左 咁 耐 大 家 都 仲 記 得 Lineabold ， 已 經 印 證 左 佢 係 潮 界 有 地 位 。 停 產 咁 耐 再 復 刻 變 成 Fashion Items ， 我 都 想 Lineabold 多 一 批 呢 個 Generation 的 Fans 。 」
架 妹 翻 煲 熱 爆 黑
Lineabold 唔 止 在 香 港 翻 生 ， 亦 在 日 本 煲 得 起 ， 今 季 新 推 出 的 全 黑 系 列 已 成 為 架 妹 新 寵 ， 更 加 Hit 到 在 大 阪 、 東 京 都 開 設 了 Piero Guidi 專 門 店 。 Bauhaus 亦 有 引 入 這 批 日 本 大 熱 的 全 黑 秋 冬 系 列 ， 除 了 腰 包 、 背 包 、 公 事 包 款 式 之 外 ， 更 新 推 了 小 手 挽 袋 、 桶 形 索 帶 款 、 肩 帶 款 、 It Bag 等 Lady 款 式 。 話 埋 畀 大 家 知 ， 買 個 袋 有 咩 損 壞 都 可 以 Send 返 去 意 大 利 老 家 ， 幫 你 搞 番 掂 ！
歡迎光臨 娛樂滿紛 26FUN (http://26fun.com/bbs7/)
Powered by Discuz! 7.0.0
