娛樂滿紛 26FUN - Powered by Discuz! Board

標題: 都結婚,但係仲要拖第二個...呢D女人你會唔會要?? [打印本頁]

作者: tlkwan 時間: 2011-2-1 05:53 PM 標題: 都結婚,但係仲要拖第二個...呢D女人你會唔會要??

29 Dec 2010, 係我永遠難忘o既日子.

呢兩年, 我同未婚妻一直在準備 29 Dec 2010 呢個結婚大日子, 今年六月仲趁九招十幾式令樓價回落果陣, 買左一間屬於自己o既屋仔. 結婚、買樓、裝修, 好多事要準備, 好多事要決定, 兩個再相似的人, 當中總有意見分歧o既時候, 我好天真以為, 大家拗完傾完就好了, 大家會繼續各前看, 繼續為大家努力.

8 月, 為左日後大家有更好o既生活, 我爭取一個我唔鍾意做, 但會有一大截人工加o既o既新職位, 好辛苦, 日日 7:30am 返到 office, 夜晚六、七點就要趕返屋企食飯, 食完飯就準備同美國開會, 日日如是, 又要跟進結婚、裝修o既事, 真係辛苦到咩咁, 但當時我覺得一切都值得的, 因為咁都係為左兩個人o既幸福而辛苦, 只要有佢係身邊, 就支持到我繼續撐落去.

11 月頭, 未婚妻突然話唔想結婚, 同佢傾左好耐, 發現之前o既爭吵傷左感情, 我先知原來我講左一d 好愚蠢o既說話, 令佢好在意, 令佢一直唔開心, 但又唔講俾我知. 當時傾左好多日, 我仲主動提議大家一齊去搵婚姻輔導幫手. 最後, 大家同意婚宴照擺, 但取消註冊, 跟住大家同居住新屋, 重新開始, 到有一日大家認為時機到了, 再補辦註冊.

我以為, 當 29 Dec 2010 後, 大家可以重新開始的.

29 Dec 2010, 一切都好正常, 到落幕後返酒店房, 食返酒店幫我地翻熱o既食物時, 我叫佢 call 伴娘同女 mc, 睇下兩個咁夜一個人返屋企o既女仔, 安全到步未, 佢話 call 過, 但兩個姊妹都熄左電話, 當時, 係凌晨兩點. 但我聽見佢手機不斷有 sms 入, 佢一邊食, 一邊覆 sms, 我心諗 : 咁夜有咩 sms 要非覆不可?

所以, 我趁佢去沖涼時, 我偷睇佢o既 sms 紀錄, 果一刻, 我就想自殺.

因為擺酒前, 佢 sms 一個男人 : "老公, 我要去開 show 啦, 夜 d 先同你傾啦"

好震驚!!!!

佢沖涼出黎後, 我扮無事, 因為我怕失去佢, 我怕揭穿佢之後, 等如迫佢走向第三者. 所以我同佢傾左一陣, 問佢係咪準備好重新開始? 期間 sms 仍然不斷 send 入黎, 最後我忍唔住問佢 : 係咪有第三者?

佢答我 "我未肯定呢個男仔"......

果一晚, 我自己一個訓 sofa, 腦入面不斷重播好多 sms 內容, 4am 左右, 我嘗試打開酒店窗門跳樓自殺, 因為我真係好辛苦, 唔知好彩家唔好彩, 所有窗都焊死哂開唔到, 我第一次自殺失敗. 我又繼續訓下醒下, 到岩岩天光, 果 d sms 仍然於腦入面不斷重播, 我再一次自殺, 拿起房入面唯一把生果刀割脈, 可惜佢只夠利界損皮肉, 唔夠利界開血管, 我又一次死唔去.

30 Dec 下午, 我選擇向佢父母講要分手, 因為我唔能夠承受第三者. 我選擇向佢父母講, 而唔係同佢講, 係因為提出分手o既係我, 但罪名唔應該由我承受, 我要佢父母清楚知道呢一點, 唔好誤會我係一個玩玩下o既人.

31 Dec, 我忍唔住打電話俾佢, 同佢講我真係好唔捨得佢, 只要佢肯同第三者分手, 我願意同佢重新開始過, 佢答我要俾時間佢諗下, 因為佢覺得第三者係一個正人君子, 佢要時間好好想清楚.

過左幾日, 佢家姐喊哂口 call 我, 話對唔住, 話佢早知道細妹有第三者, 佢話會支持我同第三者拗手瓜, 再一次追求佢, 因為之前個男仔日日接佢返工放工, 佢覺得好感動, 覺得個男仔俾哂成個世界佢; 但佢知道其實我先最痛惜呢個細妹. 但我心諗 : 下? 無野下話? 叫我同第三者拗手瓜? 可憐我 07:30 就返到公司搏殺搵錢供樓, 佢就.......

o係就親戚、朋友、同事面前, 我要扮無野扮開心, 因為我唔敢講, 亦無面主動去講. 期間陸續有同事補返人情俾我, 我推卻唔收又唔得, 收左, 就覺得好內疚, 覺得自己好似騙子呃人錢咁, 好唔安樂. 我係有幾個老死, 但我唔想佢地擔心, 亦唔想聖誕流流講呢 d 事要佢地幫我分擔, 破壞哂節目氣氛, 屈埋屈埋真係好辛苦.

到左今日, 我仍然好唔捨得佢, 十年啦, 同佢十年啦, 中間太多回憶累積o係兩個人之間, 我仍然好掛住佢. 但另一方面, 我覺得呢個女仔好可怕, 我覺得就算可以破鏡重圓, 但我以後應該點信佢好呢? 感情中一個好重要o既因素, 就係忠誠, 而家無哂了, 但我真係好愛佢, 好唔捨得佢.

大家覺得我應該點好?
==================================

係D大壇見到,睇完係覺得事主個女朋友同家姐==一個做野過份一個講野過份...
拗咩手瓜先??個妹都嫁WO,仲話叫個事主同第三姐拗手瓜??唔係結婚就當羸架咩??定係要鬥到死

作者: vv1668vv 時間: 2011-2-2 12:47 AM

其實好多都系0甘，未到結婚前最後一刻都唔會放手，享受被人追求樂趣。有d結婚前恐懼症突發，臨門一腳“悔婚”都唔系電視劇先至有。
問題系婚約婚期已定，同一個對自己依然“未肯定”依然懷着問號的人結婚？
當然，都要睇下對婚姻睇法啦，Easy Come Easy Go無乜所謂亦唔駛多講。
不過若打算對人世又擔心結婚後都可以出現同樣問題的話，恕直言勸告你，
10年時間不短，即使系20年欲斷難斷，拖拖拉拉又如何？
將自己作投放在這似是而非的感情之內豈不是更白花時間？值得嗎？

30Dec 有禮貌地向距父母解釋清楚，覺得OK，罪名不是你，無必要蒙上不白之冤。
不過，人生有好多有意義事情可以Planning慢慢做的，自殺就絕不認同了。
一來自殺等同抹殺自己其他機會。值得嗎？
二來自己的父母朋友知道你為個這麽樣的女人而死會不會很難過呢？

但之後自己后悔又想同對方從新開始？
不舍得的是10年來共度的光景抑或回憶？
10年的相處會不會感情多與愛情呢？
以後努力“升呢”，話唔定又遇到一個更加合得來的呢？
既然，你亦都很清楚自己很重視“忠誠”，那即使再一齊有信心真正可以從新建立互信嗎？

現時，畀自己多點空間與時間，讓自己放開點。换换角度重新部處。會不會對自己更合適呢?

有D 好鐘意婚前話自己有第三者，試探下你有幾“愛”距...大膽講句“弔高黎賣”？！
思想不成熟，對自己承諾視如糞土。又點會成為自己身邊賢內助呢？
即使你再話我老餅都無所謂，不過sorry！喱種就絕對唔系我杯茶。

作者: 浪子 時間: 2011-2-4 06:07 PM

本帖最後由浪子於 2011-2-4 06:18 PM 編輯

個女人玩得咁過引,
最好方法當然是還番個double比佢

例如引佢註冊, 再告佢通姦坐牢也不錯
大皇教女仔是要氹的, 這個女明顯不是用來做老婆質素, 至少目前不是

作者: 自由神 時間: 2011-2-6 10:32 PM

個女人玩得咁過引,
最好方法當然是還番個double比佢
例如引佢註冊, 再告佢通姦坐牢也不錯
大皇教女仔是要氹的, 這個女明顯不是用來做老婆質素, 至少目前不是 ...
浪子發表於 2011-2-4 06:07 PM

浪子哥

作者: HansChan 時間: 2011-2-18 08:14 PM

細佬愚見!
你若果忍=種容佢=佢可以繼續ENJOY佢既悲刻女主角
而哩個結局你就變得好大責任!!
我係你我會..."放棄"!
十年又如何?!因為唔捨得而怕失去怕分手係白癡既行為,對邊一個都冇好處!
兩個人一齊冇基本既尊重,重勉強, 為乜??
乜嘢叫做"我重未肯定哩個男人..."哩啲係自私到極,為的只係滿足自己一拖二,响兩者之間來來回回,懶係慘唔知簡邊個既既滿足感!
你唔灑脫啲,你就係幫兇!!
十年一定有好多不拾既嘢...又如何??!收埋佢俾自己囉!
兄弟.....勇敢啲!

作者: hamsubboy 時間: 2011-2-18 11:57 PM

其實最值得慶幸的是..... 當事人無死到......
至於誰對誰錯...... 故事用第一身寫... .... 不以至評

歡迎光臨娛樂滿紛 26FUN (http://26fun.com/bbs7/)