娛樂滿紛 26FUN - Powered by Discuz! Board

標題: Wow, 原來佢代言既係一間黑店牙！ [打印本頁]

作者: 七仔男 時間: 2012-11-24 03:48 PM 標題: Wow, 原來佢代言既係一間黑店牙！

女人錢最好呃

以下為真實個案 , 各位女士可引以為鑑!!

   金融海嘯下，小型美容院相繼執笠，倖存者則施以騎呢怪招拉客保命。本刊今季收到四十三宗美容院投訴，較上季增加三成。
眾多美容投訴中，最誇張要數近期甚出位的詩琳美容集團。有讀者到詩琳試做療程，職員嚇唬她乳腺阻塞，更趁事主一絲不掛時，逼她簽下約九萬元療程。事主面臨沉重財政壓力，一度想過輕生。

      陳小姐從未做過任何美容療程，五月她收到詩琳的「時比高」計劃推銷電話，「職員話一百六十八元就可以試做 facial（面部療程），我明年結婚，諗住影婚紗相時靚啲。」
職員約她到元朗大棠道詩琳分店，「佢哋話我皮膚嚴重缺水，唔適合做『富比高』，要轉做八百八十元較好的療程。」她見收費不高，遂一口應承，惟做畢後仍被職員拉着，游說買下一萬八千多元的美容套票。
      陳小姐一日內被詩琳逼簽滙豐、中銀、星展及花旗四張信用卡，共過數約九萬元。

   陳小姐不虞有詐付款，但她萬料不到兩週後再到分店接受療程時，職員即變本加厲，「我做做吓facial，佢哋話我胸部乳腺閉塞，要測試吓。」職員着她脫光衣服，在她的乳房塗上啫喱，「搽咗一兩分鐘後，美容師好大聲話我個胸吸收唔到啫喱，乳腺閉塞得好緊要，長此下去胸部會萎縮，影響到子宮和日後生 BB。」
職員順勢推銷，叫她加碼做每次一千六百元的手部按摩通淋巴乳腺療程，陳小姐心亂如麻便答應。美容師剛按摩完她的右胸，又要她多買三十次套票，「美容師話不同信用卡有不同優惠，問我有咩信用卡都俾晒佢睇。」陳小姐如中魔咒，乖乖遞上四張信用卡予職員。

      陳小姐驚魂未定，還未穿上衣服，又被三名職員衝進房間圍攻，「當時我真係好驚，身上只有條毛巾蓋住背脊，佢哋已碌晒我啲卡，逼我簽單。」陳小姐以為只多簽約四萬元療程便可脫身，豈料職員不斷遞上新單據，眨眼間便買了約九萬元療程。
「我喊住要求取消療程，話筆錢等住結婚，但佢哋發惡夾硬塞支筆要我簽。若果我當時頭腦冷靜，打俾朋友即刻報警，都唔會發生呢件事。」結果陳小姐被困三小時才可離開，職員還逼她用錄音機說出自己的身份證號碼，並由職員多口補句「不能退款」。
「我未婚夫平時好慳，但我就咁嘥晒啲錢，離開美容院後我諗過自殺，我都唔敢話俾佢知。後來佢見我幾日都食唔落飯，問我發生咩事，我先敢講。詩琳真係好無良。」陳小姐語畢即眼泛淚光，全身發抖。
　困五小時逼簽卡 , 上週，記者到元朗分店試做一百六十八元的「富比高」面部療程，職員帶記者到一間獨立暗房，着記者換上浴袍後，美容師即牙尖嘴利說：「睇吓你成面都係紅粒，仲開始敏感添。」美容師不停數落記者皮膚差，要試做深層清潔及美白療程。
記者躺在床上，滿面仍是未乾的面霜，美容師趁機問記者拿信用卡，「我哋而家有信用卡優惠，滙豐、恒生、大新、中銀咩都有，你有咩卡啊？」記者表示不肯定隨身帶哪張信用卡，美容師即時表現緊張，「咁你有咩卡先，永亨我哋都有優惠，你有無帶啊？」
當時記者的手袋擺在床頭一角，身體及頭髮皆被毛巾包着，根本動彈不得，於是含糊以對，美容師仍不理記者處境，咄咄逼人道：「咁你不如起身睇吓啦？」

圖片附件: 新-2.JPG (2012-11-24 03:48 PM, 119.4 KB) / 下載次數 0
http://26fun.com/bbs7/attachment.php?aid=2496752&k=4968958daeedcf7f3999b1fe6544f219&t=1732397034&sid=eDEG21

作者: tom1990619 時間: 2012-11-24 07:09 PM

必X站都係啦

作者: 七仔男 時間: 2012-11-24 08:11 PM

必X站都係啦
tom1990619 發表於 2012-11-24 07:09 PM

應該話全部刀係黑店牙

作者: tatmail 時間: 2012-11-28 01:33 AM

嗰啲所謂美容師冇人性！！　

歡迎光臨娛樂滿紛 26FUN (http://26fun.com/bbs7/)