http://hk.apple.appledaily.com/enews/realtime/20141105/53096919

以性感打響名堂嘅女星彭丹喺內地升格做導演後，上年仲獲委任甘肅省政協，三級艷星轉型從政，打扮都密實咗，唔似以前久唔久就「拱橋」任影。

不過噚日忽然喺微博，貼出三個月前去美國比華利山獲得2014年中美國際電影節《最佳女主角》獎，盛裝出席嘅彭丹成個人唔同晒，正面、側面睇都激似葉翠翠，鼻樑高、V煞面，仲力谷出「心型胸」，但面部「膠質」太重，笑得唔多自然，成座「木頭公仔」咁。

不過，亦有內地網民覺得彭丹好似李小璐，加埋翠翠，咁佢哋咪似足「三姊妹」？不過翠翠都周不時被爆變樣，唔知論變樣邊個變得快呢？