繼早前傳出無綫新聞部港聞採訪組有五分之一記者辭職後，《am730》報道民建聯前總幹事陸漢德今日將履新出任無綫新聞部編輯主任，負責本地政治新聞審稿工作。

報道指陸漢德入主無綫新聞部是由於新聞發展總監袁志偉以高薪招攬，部分員工得悉後反彈極大，質疑背後另有動機，由於估計陸漢德會負責政改方案及區議會選舉等政治熱門議題的審稿工作，擔心未來審查新聞報道手法及用語的情況將會加劇，有傳新聞部正醞釀第二輪辭職潮。

袁志偉回應《am730》訪問時承認親自聘請陸漢德，但強調與七警事件無關，「我請個編輯都同政治有關？梗係無啦，我哋做新聞嘅，點會有政治考慮？佢係好多個編輯主任嘅其中一個。」他指不少記者任職政黨後再之擔任記者，並稱陸漢德「之前喺度做過首席編輯」。

報道引述民建聯主席譚耀宗指，陸漢德於去年退休，一直不是民建聯黨員。陸漢德加入民建聯前曾出任自由黨研究部總監，於2004年加入民建聯研究部，更於2011年升為總幹事，負責調配黨內所有地區統籌主任。

陸漢德1979年於中文大學化學系畢業，之後曾任職《文匯報》、《TVBS》及《天天日報》擔任編採工作。早前亦傳出民政事務局局長政治助理徐英偉向政府辭職，接替陸漢德擔任總幹事，但徐英偉至今未有正面回應。

   今日有報道指無綫新聞部總監袁志偉，高薪請民建聯前總幹事陸漢德入新聞部擔任編輯主任(Managing Editor)，外界一片嘩然，不過袁志偉就話:「我哋做新聞嘅，點會有政治考慮？」政治無處不在，新聞又有乜可能無關政治?

據前TVB新聞記者柳俊江今日於facebook話編輯主任呢個角色，可以最終決定乜嘢新聞可以出街之外，根據《立場新聞》報道，另一前資深無綫新聞部記者區家麟就話，以往無綫新聞部坐得呢個位，一般都係由內部記者晉升，佢又表示:「印象中，我未見過一個政黨色彩如此濃厚的人擔當這個高級職位。」

有無綫新聞部現職員工向《立場新聞》明言:「呢間公司應該無得救」又話大部份同事都只係今日或噚日先知道陸漢德今日正式返工。而有前無綫新聞部記者亦話無綫新聞部內部氣氛一向「好共」，仲透露有年新年中央台送贈蘭花予無綫新聞部，高層立即要求將辦公室桌面清理搬出蘭花示眾，甚有強國媚上之習氣，又話o依家多網媒，冇必要再睇無綫，要睇都係睇特定某些記者做嘅報道，好似利君雅同林子豪等。