娛樂滿紛 26FUN - Powered by Discuz! Board

標題: 男神馬國明爆粗，「依家廿六、七點好X高！」 [打印本頁]

作者: 地溝男 時間: 2015-9-19 02:43 PM 標題: 男神馬國明爆粗，「依家廿六、七點好X高！」

66630吊鳩女主管

【太陽報專訊】無綫男神馬國明天然呆迷死女，可是日前他與音樂人林敏驄踢波時，男神竟「麻甩」爆粗！阿驄更忍唔住把「罪證」短片放上Facebook，片中清楚聽到馬國明說：「依家廿六、七點好X高！」爆粗教壞細路的他，竟有網民讚夠Pure夠True，逾1.5萬網民觀看，果然係不一樣的男神，難怪阿驄踢爆他成日畀女點，點開都有廿六、七個！
採：影視組　文：專案組
圈中「筍盤」男神馬國明近日相繼跟唐詩詠和黃心穎傳緋聞，畀「女」搞到一頭煙的他惟有鬆一鬆，日前孖住波友林敏驄及吳家樂踢波，可是阿驄卻在Facebook開心Share馬國明在賽後的爆粗短片，片段中馬國明衝口而出：「依家廿六、七點好X高！」即引起全城熱話，片段上載短短三日，截至昨晚已有逾1.5萬網友觀看。其後阿驄在片中再問：「呢排搞咁多女？」馬國明又傻笑說：「我梗係啦！我哋呢啲……」短片便完結。儘管馬國明「麻甩」爆粗有失斯文，不過這位男神反而被網友派Like，有人留言：「馬明男神。夠真。正。。撐！」又有人讚他夠真性情！但年輕Fans你哋唔係男神，爆粗就咪學喇！
小生中最多女
馬國明昨日接受本報電話訪問，對於爆粗一事，他笑說：「我唔回應喇！（嬲林敏驄？）咁我又唔會嬲佢！」而身在日本的阿驄接受電話訪問時貫徹搞笑形象：「我好肯定把聲唔係佢（馬國明），係吳家樂，後面有好多嘈雜聲。」他又大讚馬國明一向活潑，更指馬國明爆粗夠Man：「Man啲仲好，形象百變，唔使成日做小生！」問到廿六、七點的意思？他踢爆馬國明多女埋身：「佢（馬國明）成日畀女點，點開都廿六、七個！咁多小生中，佢最多！」最後他再次強調：「我好肯定把聲唔係佢！」

圖片附件: 0919-00470-001b1.jpg (2015-9-19 02:43 PM, 104.8 KB) / 下載次數 0
http://26fun.com/bbs7/attachment.php?aid=2772926&k=b9f739b4d56da97ccd8ecc9bcc731729&t=1732909510&sid=rWx3rt

圖片附件: 0919-00470-001b2.jpg (2015-9-19 02:43 PM, 174 KB) / 下載次數 0
http://26fun.com/bbs7/attachment.php?aid=2772927&k=307f936496d6a5d90d5d2637f8bef620&t=1732909510&sid=rWx3rt

歡迎光臨娛樂滿紛 26FUN (http://26fun.com/bbs7/)