娛樂滿紛 26FUN - Powered by Discuz! Board

標題: 63歲靚聲王「張偉文」，暴瘦100磅輪椅代步，舉行告別演唱會 [打印本頁]

作者: 自拍男 時間: 2016-8-10 01:55 PM 標題: 63歲靚聲王「張偉文」，暴瘦100磅輪椅代步，舉行告別演唱會

【東方日報專訊】現年63歲、有「靚聲王」之稱的張偉文，被傳患重病而暴瘦100磅，更因行動不便而坐輪椅代步，故10月舉行的演唱會將是其「告別作」！日前他在唱片公司高層陪同下，坐輪椅到尖沙咀覆診，面容憔悴的他不諱言：「我怕有事，連演唱會訂金都唔敢收住呀！」
縱橫樂壇逾30年的「靚聲王」張偉文（Donald），去年在荃灣大會堂開騷時已受腳痛困擾，要坐在椅上獻唱。近年鮮有露面的他，被傳健康狀況再變差，除瘦了幾個碼外，更舉步維艱要坐輪椅出入，有指其10月演唱會將是「退休」之作，其友人更爆料：「佢怕自己有事，本來一早要收嘅6位數字歌酬訂金都話唔收住。」Donald的身體狀況令人憂慮。心情差冇胃口日前，身形縮水不少的Donald在唱片公司高層陪同下，坐輪椅現身尖沙咀商廈趕睇骨科醫生，雖然面容憔悴，但他仍友善地談病況：「去年5月做咗腰椎及骨髓手術，我覺得手術唔係好成功，以前可以企10至15分鐘，依家唔夠5分鐘，腳痹到好似畀針拮咁。」談及消瘦不少，他百無禁忌說：「未死得！」不過，他承認因肥胖會令腳患更嚴重而構成心理壓力，加上心情差，以致食欲大減，前後共瘦了達100磅！他說：「我最重時係260磅，用咗12年時間減咗30磅，後來瘦到200磅，呢兩、三個月再跌到去172磅，依家就得160磅，不過我戒口，淨係食半嘜米同一舊餸。」預告坐低獻唱談及被指不肯收歌酬，令人揣測他健康狀況有異，他亦大方承認：「係呀！以前我習慣分三期收歌酬，但今次我同主辦單位講唔收住，我唔係唔想做演唱會，只係怕萬一有事唱唔到，不如等我唱完先一次過收錢啦！」至於有傳10月演唱會是其「告別作」，他表示要視乎身體狀況，但會樂觀面對病況：「今次主辦單位接受我坐喺度唱歌，除非我唔唱得。」

圖片附件: e0e27b74cb839e4b05635e68ed54bd6a.jpg (2016-8-10 01:55 PM, 97 KB) / 下載次數 0
http://26fun.com/bbs7/attachment.php?aid=2826647&k=891c4d0a588518e2546922d07501ff4e&t=1727004004&sid=WzWi4Z

作者: 自拍男 時間: 2016-8-10 01:59 PM

圖片附件: bkn-20160809210534639-0809_00862_001_01b.jpg (2016-8-10 01:59 PM, 216.1 KB) / 下載次數 0
http://26fun.com/bbs7/attachment.php?aid=2826648&k=0ae21fd4ec52bbe14e3d4978af9f75ba&t=1727004004&sid=WzWi4Z

歡迎光臨娛樂滿紛 26FUN (http://26fun.com/bbs7/)