娛樂滿紛 26FUN - Powered by Discuz! Board

標題: 千雪bb唔上位去讀書，女人幾時都係學識最緊要 [打印本頁]

作者: 自拍男 時間: 2016-9-18 04:47 PM 標題: 千雪bb唔上位去讀書，女人幾時都係學識最緊要

「女神」同「BB」呢幾個字眼都非常被濫用，其實今時今日稍為有少許美貌已被稱為「女神BB」，好似大台幾位當紮小花旦，其中一位雄性殺手就係朱千雪！因位樣子甜美，加上演技不俗，正火速上位嘅千雪BB，最近就因為要去讀法律而暫時唔同大台續約，眼看上位在望，但竟然可以下得出呢個決定，其實真係需要好大勇氣，你諗下，幾多靚女諗住得到呢個力捧嘅機會，但佢竟然主動放棄。需知道讀完書之後都已經唔知咩世界，隨時已經有一大堆新人上位，觀眾又好善忘，所以呢個Risk唔係人人可以負擔到架。不過千雪BB亦都為我哋女性上咗一課，無論幾時都好，學識好重要，唔可為一時名利就放棄，更加唔好妄想有美貌就唔使智慧呀！

門當戶對
讀書為自己就一定啦，不過唔單止係充實腦袋，好大程度讀書可以修心養性，培養氣質，繼而他日搵到戶好人家。君不見最佳例子徐子淇，明明當年喺娛樂圈已有一定名氣，仍然放棄而去倫敦讀Master。其實好多大戶人家，娶老婆唔係齋講姿色，學歷修養一樣佔好多分。

謀生技能
係，做娛樂圈的確好易賺到錢，不過同時係一個汱弱留強、變化好大嘅地方，而且收入不穩，如果無學識無一樣個人謀生技能，有起事上嚟真係手停口停，所以必須讀書，令自己有咩事都可以回復職場工作。

休息暫停
唔單止藝人，其實任何工種都係，做到一定程度，其實都需要一個Break，可以去一個長旅行，或者讀書；唔單止可以令個人抽離一下，仲可從另一角度去睇自己嘅事業，話唔定有新睇法。所以好多人係暫停完之返嚟先再創第二個高峰架。

圖片附件: tumblr_inline_odmnesAY7E1tna4ac_1280.jpg (2016-9-18 04:47 PM, 203.6 KB) / 下載次數 0
http://26fun.com/bbs7/attachment.php?aid=2833874&k=3760467385277258ffb7d5fd2e1515c9&t=1732478872&sid=Mm033p