娛樂滿紛 26FUN - Powered by Discuz! Board

標題: 岑日珈忽然富貴，元老點睇? [打印本頁]

作者: 自拍男 時間: 2017-4-16 09:15 PM 標題: 岑日珈忽然富貴，元老點睇?

【東方日報專訊】23歲歌手岑日珈（Angie）出道2年，出身小康之家的她盛傳獲「老闆」特別照顧，突然變得富貴。繼去年搬入月租10萬元的四千呎連泳池的獨立屋，又在百萬保母車上掛上「Angie BB」自訂車牌，並大晒追求者送她的名牌鑽石手鐲！日前她在社交網上載一張在機艙的照片，見她安坐頭等機艙，身旁放了個價值約18萬元的紅色名牌手袋，被指炫富。
追求者闊綽
身在台北旅遊的Angie昨日回覆：「諗住復活節假期出埠休息吓玩吓，因為決定得好急，太遲訂唔到經濟艙，就焗住買頭等，我都係第一次坐頭等，咁咪諗住影吓相留念。」她大方透露名牌手袋是追求者送：「係生日禮物。（你同男朋友去旅行？）我未有男朋友，係自己一個人去，台灣都有啲朋友，順便去搵吓佢哋。」追求者出手闊綽，可是傳聞中照顧她的「老闆」？她說：「唔係老闆，係個男仔。（富二代？）唔算係富二代，係自己努力工作嘅男仔。（唔怕被話你畀人包養？）唔怕，因為女生應該都喜歡收禮物，我唔會咁樣諗。」
冇需要抽水
此外，Angie曾經寸爆不和的鄭俊弘、何雁詩，反被人指她抽水，日前她在網上留言：「從來沒想過要全世界也要喜歡我。」她坦言是有感而發：「內心仲有啲唔開心嘅，因為某件事被人覺得我係抽緊水，我覺得我冇需要抽嗰個人水，即使我冇做錯任何嘢，人哋都唔會鍾意我，所以我覺得毋須做任何嘢討人喜歡。」

圖片附件: 0416-00282-025b2.jpg (2017-4-16 09:15 PM, 79.6 KB) / 下載次數 0
http://26fun.com/bbs7/attachment.php?aid=2863386&k=256ef416c8150e92957f58522ed2f5b4&t=1726975705&sid=thiS5u