娛樂滿紛 26FUN - Powered by Discuz! Board

標題: 80歲謝賢細數生命中5位女人，元老有乜啟示? [打印本頁]

作者: 電騙男 時間: 2017-8-11 12:08 PM 標題: 80歲謝賢細數生命中5位女人，元老有乜啟示?

四哥食女無數

【星島日報報道】謝賢（四哥）日前接受有線節目訪問，他和狄波拉結婚25年後離婚，至今依然是好朋友，甚至和拉姑現任老公的關係都不錯。原來當日四哥和拉姑辦理完離婚手續後，二人竟在街上擁抱起來！四哥笑道：「因為太開心，我仲抱住佢轉咗3個圈，睇到我地雙方律師都呆咗，哈哈！」
除了拉姑，四哥還細數他生命中其餘4位重要的女人，他說：「第一個係嘉玲（息影女星），同佢失敗咗，係因為當年我太貪玩，因為細個無錢，後來有錢咪出去喪玩囉，玩到有日佢突然同我講要結婚，然後就嫁咗去泰國！」
蕭芳芳是四哥第2個女朋友，四哥愛惜地說：「芳芳好乖，係我決定要離開佢嘅！因為有日佢提議我去學英文，我心諗，我連玩都唔夠時間玩，你仲要我去學英文？不過我從而知道佢係個好女仔，咁我就唔好害人啦！最後決定退出，我覺得自己做咗件好偉大嘅事！」
四哥和甄珍的結合是在光藝年代，二人拍拖4年，結婚1年便分開。四哥回憶說：「簽咗離婚紙後，我揸車上咗山頂喊咗15分鐘，然後我同自己講，過咗去啦，唔好再諗，然後就放低咗！」至於四哥和現任女友Coco拍拖逾10年，四哥坦言不會再婚：「名份係假㗎！兩張婚書我都撕爛咗，仲結來做乜！況且我都80後啦，所以我同佢講，遇到個好嘅就走啦！」四哥真係好豁達，亦好坦白，笑問他今時今日是否還「有心有力」？他大笑道：「依家有心多啲！哈哈哈，呢樣野無得認叻嘅！」

圖片附件: 20170810f183911.jpg (2017-8-11 12:08 PM, 165.4 KB) / 下載次數 0
http://26fun.com/bbs7/attachment.php?aid=2875545&k=b1ed97446827041fba54b31cc3b64699&t=1726969056&sid=oQR875