娛樂滿紛 26FUN - Powered by Discuz! Board

標題: 何傲兒北上拍劇爆紅，Thomp 有乜意見? [打印本頁]

作者: 電騙男 時間: 2018-5-25 06:12 PM 標題: 何傲兒北上拍劇爆紅，Thomp 有乜意見?

查看相片

何傲兒雖然身材高挑、樣貌有氣質又靚女，不過可惜喺無綫一路都冇機會上位。到2015年黯然離開無綫，好多人都大嘆可惜。
同好多其他港星一樣北望神州嘅佢，終於接拍咗第一部內地劇《歸去來》，飾演留學生凱瑟琳一角，仲有機會同一線女星唐嫣有大量對手戲。而劇集喺內地播出之後亦大受歡迎，除咗勇奪同時段劇集收視第一名，網上點擊率更突破16億，亦因為咁令何傲兒深受內地網民歡迎，人氣立即急升。

查看相片

佢接受訪問時被問到對酬勞滿唔滿意嘅時侯，佢就話唔係用錢去衡量，因為得來嘅機會重要過所有嘢。咁又係，本身有家底嘅佢，錢應該並唔係佢最睇重嘅嘢，而係今次終於有一個吐氣揚眉嘅機會！
而且佢仲大讚內地拍劇配套好好，而且投資大，所以拍出嚟嘅畫面都靚好多。何傲兒仲話因為TVB場地所限，經常都係廠景，內地就好唔同。睇嚟佢咁享受喺嗰邊拍劇，短期內都唔會返嚟香港架啦，大家網上見啦！

歡迎光臨娛樂滿紛 26FUN (http://26fun.com/bbs7/)