娛樂滿紛 26FUN - Powered by Discuz! Board

標題: 兒童節目主持發表憎狗言論，網民狂吊，元老回應? [打印本頁]

作者: 電騙男 時間: 2018-7-13 05:49 PM 標題: 兒童節目主持發表憎狗言論，網民狂吊，元老回應?

本帖最後由電騙男於 2018-7-13 05:51 PM 編輯

查看相片

無綫節目《兄弟幫》喺早兩日邀請咗兒童節目《Think Big 天地》其中幾位主持人鍾君揚、鍾晴（Karlie）、何依婷及劉家禮做嘉賓，講下佢哋嘅入行經過、背景及難忘拍攝過程等等。可能節目內容太豐富，所以就分開咗兩集播出，上集正正常常冇咩特別，但播出下集嘅時候，嘉賓Karlie講出自己一次拍外景嘅經歷，當中嘅憎狗言論隨即惹來網民不滿。

查看相片

查看相片

Karlie喺節目中提及自己除咗烏龜之外，只要識郁嘅動物都驚。佢第一次拍外景嘅時候，場地有一隻好大嘅狗，唔知係佢諗返起仲驚魂未定定係上節目太興奮嘅關係，佢越講越激動咁話：「你知工廠嘅狗係特別毛茸茸污糟，即係好乞人憎嗰啲啦吓～」之後仲話隻狗影響佢，搞到佢唔可以好自然嘅拍攝。喺佢走嘅時候，有一隻狗喺門口對住佢狂吠，之後佢話自己好驚，但係冇人幫佢。之後佢朋友話其實只要佢扮唔驚，因為如果驚啲狗就會嚇你，佢就話：「唔知佢（指隻狗）係咩心態。」

查看相片

查看相片

憎狗言論出街後，唔少網民都去佢社交網站留言鬧爆佢，指佢唔尊重生命、冇資格做兒童節目主持、冇愛心、驚佢教壞小朋友等等。
部分網民留言：
－ 不尊重生命的人，不應被別人尊重！
－ 請尊重動物
－ 無愛心無人性無智慧都可以做兒童主持人－請你尊重生命，反思一下自己對毛孩嘅批評。一個無愛心，吾識尊重生命嘅人，無資格做兒童節目嘅主持，教壞下一代。
－ 白痴無腦女人，兼且心地唔好！希望你永遠唔好再出現係幕前，唔好誤人子弟啦！
－ 為公眾人物同兒童節目主持人，要注意言行，要灌輸正確正面觀念比小朋友，一念天堂一念地鐵！無動物想流浪！
－你感到可憐，連基本既愛心都無既人仲學人做兒童主持，無狗仔想無家，無狗仔想要呢啲環境，佢地既身世唔到你厭棄，你亦無資格厭棄，狗仔比你既心更高尚，如果你仲認為自己有良心，你就退出兒童組，你唔好將你錯既觀念去教壞下一代。
－作為一個公眾人物，更是一位兒童節目主持，請留意一下自己的言行，特別是上節目接受訪問。而我對於你在Big Boys Club的言行，是十分不滿的！你怕狗沒有問題！再重覆一次，你怕狗沒有問題！但你認為那些污漕的狗，是自己做成的嗎？牠們又想這樣的嗎？倒轉想一想，如果有人說你的樣子討厭，你又開心嗎？但看來現在惹人討厭的，是你。

作者: 迦樓羅女王 時間: 2018-7-13 05:52 PM

愛動膠又反動言論自由！

作者: 電騙男 時間: 2018-7-13 05:52 PM

無動物想流浪！

作者: 電騙男 時間: 2018-7-13 05:53 PM

愛動膠又反動言論自由！
迦樓羅女王發表於 2018-7-13 05:52 PM

阿爺話齋︰又外國勢力

歡迎光臨娛樂滿紛 26FUN (http://26fun.com/bbs7/)