娛樂滿紛 26FUN - Powered by Discuz! Board

標題: 曾志偉「港姐西貢論」被無線封殺，元老點評? [打印本頁]

作者: 港燦男 時間: 2018-8-20 09:18 AM 標題: 曾志偉「港姐西貢論」被無線封殺，元老點評?

查看相片

星島日報相片
更多
【星島日報報道】早前有報道指曾志偉因「港姐西貢論」被無封殺。前晚志偉為到活動擔任嘉賓並首度回應，更主動建議記者直入主題。志偉借力打力，令到整個訪問都笑聲不斷。他笑說：「TVB又唔係真係無得做，2035年啦，等佢換晒人先！」文：駱震寧圖：張家宜
前晚曾志偉現身「香港人撐香港品牌」3周年活動擔任嘉賓。無娛樂新聞台亦有派出採訪隊伍到場，而主播王鎮泉沒有問及有關被封殺一事。
問到志偉何以曬得一身古銅膚色？志偉笑說：「入正題啦！唔好講埋無謂喇！（真係想知你做乜咁黑。）周圍搵做囉，畀人封殺，唔使搵做咩！世界難撈，唔係想做就有得做。」問到可有求證是否被封殺？他笑說：「我信報道，唔知啊，不過（TVB）就係無搵我。」提到ViuTV及亞視搶邀請他幫手，志偉笑說：「報道！我仲係求緊職。」
去澳門總好過西貢
提到不少市民留言支持他繼續擔任港姐司儀，志偉笑說：「唔係想做就做，不過係想做好節目觀眾睇。（叻哥話你阻住晒啊！）所以咪畀佢做囉。我出於好意，今年真係諗過返去做，不過可能Format唔同，所以無搵我。（即係從來無搵你？）係，都無叫我去澳門影相。（都戥港姐開心可以衝出香港去澳門？）梗係，好過去西貢啊！」
何麗全電話打唔通
問到志偉認為是亮相ViuTV還是因「西貢論」被無封殺？
志偉笑說：「累積！禍從口出。」提到亞視有意邀請他參與亞姐，他笑說：「睇啦！我真係有打畀何麗全，都打唔通，想問候佢同恭喜佢。佢咁多兼職，要關照。」提到ViuTV有類似選美節目《廣告女皇》，他笑說：「港姐都唔做，做呢會畀人笑。其實節目邊度做都OK，最緊要係好節目。TVB又唔係真係無得做，2035年啦，等佢換晒人先。」
劉倩婷畀驚喜老公
另外，談到香港品牌，劉倩婷就認為香港小姐跟慧妍雅集正正是有名氣的香港品牌。劉倩婷透露暑假都是忙於湊女，而囡囡就剛剛加入學前班，她就逼丈夫李丞責請假陪囡囡開學。她笑說：「畀兩條尿片佢、叫佢試湊女。囡囡都好黐爹，會樹熊抱抱爹。」
談到暑假可會出外旅行，劉倩婷說：「都唔會出去，或者籌備老公生日驚喜。都係一齊出海，因為我同囡囡都鍾意游水，佢就歎住紅酒用望遠鏡睇住我，好似救生員咁，不過有咩事就叫人。」

作者: 港燦男 時間: 2018-8-20 09:19 AM

個個都係賣西

作者: 迦樓羅女王 時間: 2018-8-20 10:45 AM

查看相 ...
港燦男發表於 2018-8-20 09:18 AM

因果調轉左 ...

作者: 港燦男 時間: 2018-8-20 11:12 AM

因果調轉左 ...
迦樓羅女王發表於 2018-8-20 10:45 AM

講真話都被封殺

歡迎光臨娛樂滿紛 26FUN (http://26fun.com/bbs7/)