娛樂滿紛 26FUN - Powered by Discuz! Board

標題: 大帥哥未播都入圍台慶頒獎禮，余詠珊冇回應，yahoo33 點評? [打印本頁]

作者: 自拍男 時間: 2018-11-24 12:40 AM 標題: 大帥哥未播都入圍台慶頒獎禮，余詠珊冇回應，yahoo33 點評?

兒戲到呢

查看相片

健仔話有得提名已好開心。(互聯網圖片)
更多
無綫《萬千星輝頒獎典禮》將於12月16日舉行，各獎項提名名單今日出爐，相信大家最關心都係「最佳男/女主角」有邊位入圍？
先講「男主角」，12部劇入面有20位藝員入圍，以《再創世紀》最巴閉，郭晉安、袁偉豪同周柏豪均有提名，其次係《逆緣》黎耀祥、陳家樂，《宮心計2深宮計》馬國明、蕭正楠，《跳躍生命線》馬德鐘、何廣沛，《是咁的，法官閣下》黃智賢、關禮傑，《兄弟》王浩信、楊明，連未播出，即將喺12月3日出街嘅《大帥哥》都趕得及參與台慶頒獎禮，張衞健(Dicky)同洪永城都入圍。
而「女主角」有18位藝人入圍，除咗有大熱《宮心計2之深宮計》陳煒同胡定欣，《BB來了》李佳芯及《三個女人一個「因」》黃智雯之外，新人麥明詩同蔡思貝都分別憑《是咁的，法官閣下》同《大帥哥》有機會爭獎。
張衞健今日回覆《蘋果》時話﹕「開心，好開心，有得提名好開心呀！希望大家鍾意，我剛飛到去南非，同太太度假，我要度假喇！」而《大帥哥》獲得多項提名，有份角逐「最佳女配角」嘅楊秀惠都有啲意外，佢今日接受傳媒訪問時話﹕「聽到入圍都有啲意外，因為之前知道劇集12月3號先播出，未必有得提名，o依家《大帥哥》未播就有幾項提名，都算係好開始。」
一直有傳Dicky不滿無綫安排，明明話《大帥哥》係台慶劇，點知推遲變成炮灰檔，未出街就有提名，真係好少見，唔知係咪為咗安撫Dicky啦？(相關新聞﹕ https://bit.ly/2QmGiRv )又或係今年無綫播咗太多外購劇，一部《延禧攻略》都播足70集，相對自家製劇集減少，所以要搵埋未播出嘅劇集充撐場面。除《大帥哥》外，胡鴻鈞主演同劉佩玥主演《救妻同學會》都係未播先有提名，無綫高層余詠珊同杜之克表示：「冇回應。」