娛樂滿紛 26FUN - Powered by Discuz! Board

標題: 洪永城索爆新女，元老點評? [打印本頁]

作者: 電騙男 時間: 2018-12-13 09:15 AM 標題: 洪永城索爆新女，元老點評?

呢條女好掂

查看相片

拍拖兩年多嘅唐詩詠同洪永城（Tony）喺上年5月和平分手，不時傳出復合消息，不過二人都否認。今日就有報道指洪永城與模特兒兼跑步教練梁諾妍（Inez）撻着，日前佢哋仲喺洪永城西貢寓所度春宵，離開嘅時候仲發現記者，帶記者遊花園，見撇甩唔到記者就直駛返電視城，但係就冇直接回應。第二日洪永城返電視城時被問同梁諾妍拍咗幾耐拖，佢就話承認大家了解中，希望俾啲空間佢哋。
現年30歲嘅梁諾妍（Inez），10年於多倫多大學畢業，之後返港做模特兒，與連詩雅及周柏豪同屬一間模特兒公司，因擁有甜美樣子、可愛酒窩加上42吋長腿，被網民稱為「長腿冰女」。除咗模特兒工作之外，Inez近年開始接觸電視圈，為電視節目擔任主持，例如《全職媽媽放大假》、《築地100》及《極地馬拉松》等等。佢仲曾喺《築地100》經常爆出金句，好似「好食到個口有Traffic Jam」，令一班觀眾睇得好開心。

查看相片

喺鏡頭外嘅Inez，係一個好有運動細胞嘅女仔。喺16歲前，佢曾入選香港女排青年軍，曾代表香港到北京出賽，更被鄧麗欣（Stephy）加入其旗下排球隊「Loey」。上年考獲高級私人體適能教練牌嘅佢，仲同朋友投資六位數開設健身室。
原本係為咗Keep Fit先開始接觸跑步，之後開始對跑步著迷，對跑步產生興趣後，佢仲去台灣考專業跑步教練資格。除咗成為連詩雅自組嘅夜跑隊My Girls成員之外，Inez仲去過挪威、東京、柏林參加馬拉松挑戰自己。