娛樂滿紛 26FUN - Powered by Discuz! Board

標題: 周勵淇嫁大陸離婚男，kk1993 點評? [打印本頁]

作者: 自拍男 時間: 2018-12-17 09:29 PM 標題: 周勵淇嫁大陸離婚男，kk1993 點評?

查看相片

周勵淇同傅浤鳴合作拍大陸劇《卧底》，當時已經好投契
更多
周勵淇今日突然喺IG貼相，宣佈自己已經結咗婚，仲貼咗老公張相出嚟，老公係咩人呢？香港嘅觀眾可能唔係好清楚佢係邊個，但大陸嘅觀眾就好清楚喇，佢個名叫做傅浤鳴，大家喺上網搵唔到啲咩結果，不過如果搵佢嘅舊名傅程鵬就會搵到喇。
傅浤鳴1973年10月29日出生，係大陸男演員，棣屬南京軍區前綫文工團，佢嘅代表作係《狙擊生死綫》，喺呢套劇入面佢演嘅山鷹韓光，令佢嘅知名度大增，佢同周勵淇喺大陸劇《卧底》合作，當時嘅傅浤鳴已經結咗婚，有個一齊咗近20年嘅老婆程愫，仲有個囝囝，一直都係公認嘅好爸爸、好老公，但喺舊年3月佢就喺微博話要重新出發，6月公開已經離婚。
喺14年嘅時候，周勵淇同傅浤鳴合作拍大陸劇《卧底》，有傳佢哋成日傾電話，又會約出嚟見面，有時傅浤鳴仲會買宵夜俾周勵淇，不過當時周勵淇有男朋友徐正曦，傅浤鳴又有老婆同囝囝，所以劇組當時就算覺得奇怪都冇再講落去，但今日佢哋就宣佈結咗婚，咁14年嘅傳聞係真嘅機率就好高了。