娛樂滿紛 26FUN - Powered by Discuz! Board

標題: 唔怪得TVB近年業蹟不斷下跌，yahoo33 點評? [打印本頁]

作者: 自拍男 時間: 2018-12-27 09:50 PM 標題: 唔怪得TVB近年業蹟不斷下跌，yahoo33 點評?

每年聖誕節，唔少人選擇外遊或者出街慶祝，亦有人鍾意留喺屋企同屋企人歡度佳節。如果有留喺屋企睇電視嘅話，大家應該會喺黃金時段睇到一個懷舊味極濃嘅廣告。廣告以煙花畫面做襯底，中間用黃色大字寫「蘋果廣告製作公司」，背景音樂就係劉德華嘅《真我的風采》。
呢個同而家格格不入嘅廣告喺黃金時段內播放多次，廣告播出兩至十秒不等，唔少網民都好想知道究竟係邊間「廣告公司」會製作一條咁old school嘅廣告，但係個廣告又冇聯絡資料，唔少網民都好奇上網搜尋，但係竟然搵唔到任何相關結果，廣告成功引起網民熱烈討論。
唔少網民都覺得呢個廣告好詭異，質疑自己有冇睇錯台，紛紛留言：「初初以為係片頭，好似宣傳易咁，但睇咗幾次才知唔係.」、「連contact都無，點搵你呀」、「同呢個時代格格不入咁，好心寒」、「莫名奇妙有啲心寒」、「頭先有次播左十秒以上，以為自己轉錯台」、「呢個廣告超奇怪」、「嚇死人，第一次睇以為撞鬼」、「大陸插播」、「成件事相當有嫌疑次次廣告時間都見到」及「十幾年前都播過，不過係深夜，都有人會覺得奇怪。」等等。
而無綫接受傳媒查詢嘅時候，佢哋只回覆佢哋播出嘅廣告都經有關部門審查，以確保符合電視通用業務守則。

作者: 自拍男 時間: 2018-12-27 09:51 PM

仲其求過亞視