娛樂滿紛 26FUN - Powered by Discuz! Board

標題: 阿Sa全裸，kenlabs 點評? [打印本頁]

作者: 自拍男 時間: 2019-2-5 10:59 PM 標題: 阿Sa全裸，kenlabs 點評?

四年前蔡卓妍喺愛情倫理電影「雛妓」中，扮演一個曾經試過援交，後面變成幫助雛妓嘅女大學生，戲中情感流露嘅演出，以及突破性嘅大膽嘗試令觀眾對佢刮目相看，原來阿Sa唔係淨係識演清純學生妹同談情說愛嘅電影。佢都可以刻畫有內涵，好深刻嘅角色。當時佢更憑住呢個角色提名金像影后。四年後阿Sa喺新戲「非分熟女」中再次突破自己，演一個失婚中女小敏，結婚4年仍然係處女，離婚後先慢慢學會愛人同接受「性」，而喺新戲中阿Sa仲更加大膽挑戰全裸，仲有跳鋼管舞嘅火辣片段，呢個作品令佢距離再奪影后更進一步。

▲ Cosmopolitan.com.hk
更多

▲ Cosmopolitan.com.hk
更多
喺電影嘅預告片中，阿Sa玉背全裸，坐喺浴缸內背對鏡頭，動作非常引人遐想，尺度相當大。齋睇呢一幕就知道呢齣電影一啲都唔簡單。講到拍裸露戲份最困難嘅事係咩，阿Sa話係用遮住重點部位，黏嘅時候要黏得好准，撕開膠紙嘅時候就會非常痛，阿sa笑言「就好似脫毛咁」。

▲ Cosmopolitan.com.hk
更多
女主角小敏因為自細成長環境缺乏關愛，為自己嘅內心鎖上重重枷鎖，喺電影中經歷過一番磨礪，最後真正解放自己。戲中有好多情慾場口，更有阿Sa大跳挑逗鋼管舞，如果話當年嘅「雛妓」中嘅性仲帶有一啲青澀嘅味道，咁喺呢齣戲中嘅性，完全係成熟女人嘅性。

▲ Cosmopolitan.com.hk
更多

阿Sa喺電影優先場上同大家分享拍戲感想

▲ Cosmopolitan.com.hk
更多
為新戲苦練鋼管舞，阿Sa話拍完呢場戲腳趾流嗮血，好大犧牲。

▲ Cosmopolitan.com.hk
更多
阿Sa今次能夠演好呢嘅角色，全靠兩個男人支持。

▲ Cosmopolitan.com.hk
更多
第一個就係幕前嘅男主角吳慷仁。要拍一齣有好多情慾戲份嘅電影，有個好對手非常仲要。阿Sa就大讚對手吳慷仁夠專業。

▲ Cosmopolitan.com.hk
更多
吳慷仁來頭不小，身為台灣金鐘視帝嘅佢一直都係公認嘅演技派，為咗演好一個從台灣嚟到香港嘅廚師角色，吳慷仁堅持成齣戲都講廣東話，仲專門去到茶餐廳學拋鑊，敬業精神令全劇組佩服。

▲ Cosmopolitan.com.hk
更多
而且令阿Sa最敬佩嘅，就係吳慷仁非常尊重對手，喺演到有情慾場口嘅時候，佢會先同對方交待自己會摸對方邊度，令阿Sa完全放心將自己交俾對方。

▲ Cosmopolitan.com.hk
更多
吳慷仁無論係從角色嘅準備，定係合作時對對手嘅尊重，都令阿Sa非常敬佩。

▲ Cosmopolitan.com.hk
更多
第一次嚟香港拍戲嘅吳慷仁對香港一切都充滿新鮮感，佢都有喺微博同大家share，仲話自己會一個人去洗衣店洗衫，夠嗮貼地。

▲ Cosmopolitan.com.hk
更多
第二個就係阿Sa男友石恆聰。阿Sa話男友係個好鐘意睇電影嘅人，「分分鐘睇佢嘅電影仲多過我」，而且好支持阿Sa嘅演藝事業。出道將近20年，慢慢發現自己愛上表演，希望成為出色一個演員嘅阿Sa，能夠獲得一個有深度嘅劇本，有內涵嘅角色，當然要把握機會，而男朋友都非常鼓勵去接戲。一啲都冇呷醋。得到支持嘅阿Sa當然就可以盡全力去演。

▲ Cosmopolitan.com.hk
更多
阿Sa戲中造型同以往青春活力嘅形象差距相當大。

▲ Cosmopolitan.com.hk
更多
情慾戲難免會成為一齣電影嘅賣點同關注點，但「非分熟女」想講嘅故事好簡單，阿Sa坦言，其實性係好平常嘅事，但亞洲女性基於地區文化嘅影響普遍非常內斂，甚至有時會壓抑自己。佢想藉住電影去同大家展現一個女人成長同解放嘅過程，只有放低心中嘅枷鎖，先可以接納同愛他人，當然咁先可以真正享受「性」帶嚟嘅樂趣。

作者: Thomp 時間: 2019-2-5 11:29 PM

又玩鹹濕野！

作者: 自拍男 時間: 2019-2-5 11:39 PM