娛樂滿紛 26FUN - Powered by Discuz! Board

標題: 羅家英吊鳩上TVB玩遊戲，獎品全是洗頭水，kenlabs 點評? [打印本頁]

作者: 電騙男 時間: 2019-5-10 09:06 AM 標題: 羅家英吊鳩上TVB玩遊戲，獎品全是洗頭水，kenlabs 點評?

近日羅家英被邀請到ViuTV節目《友枱VIP》做
嘉賓，大爆喺TVB玩遊戲節目時贏得冠軍，不過抽獎時就發現有陷阱，更直言覺得被玩喎！唔少網民相信該節目是《超級無敵獎門人》，回顧當年勝出嘉賓獲得豐富禮物﹐咁到底歷年來送過啲乜？有網友話以下呢10份係經典中嘅經典，唔知你哋又記唔記得？！而洪天明一直被封以「獎金獵人」，但原來佢唔係最強嘅「獎金獵人」，咁又係邊個！
撰文：Evita －新假期 | 圖片：ViuTV節目截圖
延伸閱讀：
張孝全與前度復合秘婚產子經理人親自回覆認喜訊！
范冰冰為復出疑隆鼻改運招牌「駝峰鼻」突然消失！
羅家英爆TVB獎品全是洗頭水羅家英向主持人周家蔚同劉永健大談喺TVB玩遊戲節目嘅經歷，表示當年曾經玩過「拉枱布」遊戲而贏得一部價值十幾萬嘅車，後來再加錢換做一部旅遊車。

查看相片

查看相片

後來周家蔚問到有無見過最好笑嘅獎品，家英哥就話有次現遊戲贏得冠軍，可以喺一堆獎品入面抽其中一份，點知抽中洗頭水。後來家英哥行去後面偷睇其他獎品，發現全部都係洗頭水。

查看相片

查看相片

家英哥表示覺得被玩，更話當年自己已經係光頭，最後拎住廿幾萬洗頭水返屋企，唔知汪阿姐而家用晒啲洗頭水未呢？

查看相片

查看相片

其實家英哥講嘅節目好有可能係曾志偉主持嘅《超級無敵獎門人》，當年呢個節目好經典收視又高，請到好多紅星做嘉賓玩遊戲，而家英哥早年不下上過一次《獎門人》，贏過架車，亦都贏過廿幾萬洗頭水…

查看相片

查看相片

每集獎金及獎品總值過百萬？《超級無敵獎門人》係90年代極受歡迎嘅遊戲節目，節目一開始就會播出呢句：「本輯節目獎金獎品非常豐富，獎金及獎品總值過百萬，其中包括有……」勝出嘉賓會獲得豐富禮物﹐咁到底歷年來送過啲乜？有網友話以下呢10份係經典中嘅經典，唔知你哋又記唔記得？！
1.)加太賀日式料理送出花之戀壽司20,000件，價值$610000萬2.)EDO巨浪大切薯片總值1萬元3.)挑戰者送出汽車美容禮券總值6萬4000蚊

查看相片

4.)FX CREATIONS流行皮具系列總值三十萬5.)元綠餐券十萬及現金獎一萬6.)東莞柏寧長安國際酒店送出總統套房住宿及餐飲禮券總值六十二萬四千

查看相片

7.)Veeko流行時裝專門店送出既現金券連獎品8.)億世通送出家電產品9.)Saint Jack皮具系列10.)Mirabell流行皮具系列

查看相片

查看相片

洪天明唔係最強「獎金獵人」而網絡紅人King Jer喺2017年曾經統計拎得最多獎金獎品的嘉賓是洪天明，他上過25次獎門人，更被冠以「獎金獵人」稱號。之但係根據非正式統計，有指洪天明其實上過32次獎門人，其好友吳家樂比天明上一次獎門人，合共33次！

查看相片

查看相片

另外有網友指幾乎每一集獎門人都見到洪天明、吳家樂、鄧兆尊的蹤影，吳家樂表示是受獎門人曾志偉邀請，因為佢哋都係明星足球隊嘅成員，志偉佢地好特別玩得，所以經常請他們上節目搞氣氛！
更多
洪天明出現次數未算最多⋯每集嘅贏家得到獎品非常豐富，當中有2萬件的花之戀壽司及2萬盎龜苓膏，有網民質疑係咪報大數，但吳家樂證實奬品數量係真嘅，佢話係做完節目收到大疊coupon送畀嘉賓，而佢哋都會同其他嘉賓、節目的工作人員、清潔姐姐、化妝間同事齊齊分享，而他又曾贏過嘅一部50吋的電視機，因為即晚拎唔到走。

查看相片

查看相片

網民指洪天明未食晒2萬件「花之戀」今年4月1 日，有網民惡搞洪天明，根據維基上有關洪天明的資料顯示，指「洪天明曾在遊戲中，勝出二萬件花之戀壽司，多國元首下令勢必不惜一切奪回這兩萬件花之戀，洪天明大驚，結果得獎當晚花了十小時，最終成功把兩萬件花之戀吞到肚子內。」而在演藝生涯一欄中，最新報告指洪天明尚餘156年花之戀仍未食完。另外，網民亦將12年洪天明家中被爆竊一事，與壽司拉上關係，指當中失竊財物包括8964年花之戀。不過據維基網頁顯示，該頁面曾於當日上午5時多被修改，相信是網友趁Yu人節跟洪天明開個玩笑。

作者: 迦樓羅女王 時間: 2019-5-10 09:14 AM

屌 ... 阿姐最好唔撈大台 , 一早己經唔想睇佢 !!!

作者: 電騙男 時間: 2019-5-10 11:08 AM

屌 ... 阿姐最好唔撈大台 , 一早己經唔想睇佢 !!!
迦樓羅女王發表於 2019-5-10 09:14 AM

撈AV台

作者: 迦樓羅女王 時間: 2019-5-13 06:10 AM

本來對家英哥無咩野 , 但近覺得佢有D煩 ...

作者: 自拍男 時間: 2019-5-13 04:47 PM

本來對家英哥無咩野 , 但近覺得佢有D煩 ...
迦樓羅女王發表於 2019-5-13 06:10 AM

洗版王有D煩

作者: kenlabs 時間: 2019-5-13 05:01 PM

本來對家英哥無咩野 , 但近覺得佢有D煩 ...
迦樓羅女王發表於 2019-5-13 06:10 AM

圖片附件: 1165942591.jpg (2019-5-13 05:01 PM, 20.6 KB) / 下載次數 0
http://26fun.com/bbs7/attachment.php?aid=2944909&k=9e88df2906f54cef9220b26783b14f06&t=1732456584&sid=6qyZnq

作者: 自拍男 時間: 2019-5-13 05:16 PM

kenlabs 發表於 2019-5-13 05:01 PM

Kelly 好煩

歡迎光臨娛樂滿紛 26FUN (http://26fun.com/bbs7/)