標題: Do姐電台節目談香港現況，元老點評? [打印本頁]

---

作者: 自拍男    時間: 2019-6-18 12:28 AM     標題: Do姐電台節目談香港現況，元老點評?

      


查看相片



Do姐
更多
近排香港因修訂《逃犯條例》嘅爭議持續，令到大批民眾上街遊行。鄭裕玲（Do姐）早前就與農夫前往外地拍攝旅遊節目《Do姐晚間看地球》，今日終於回歸商台為《口水多過浪花》開咪。喺節目一開場，Do姐就已經哽咽，仲話自己為拍節目去咗第二度，不過一直收到好多關於香港嘅消息，睇到好多令佢好心痛嘅場面，尤其係關於香港學生同埋年輕人。
查看相片



Do姐與農夫前往外地拍攝旅遊節目
更多
Do姐仲話呢兩個星期，佢哋去咗好多地方，搭咗好多車同飛機，但係令佢哋最盼望嘅一程就係最後一程，因為係要飛返香港。香港係我哋嘅屋企，發生咗好多事，屋企就係最緊要。之後，Do姐哽咽話自己可能漸老，所以好情緒化。
Do姐其後繼續講要珍惜呢個屋企，尤其係我哋嘅年輕人同埋學生，仲話好希望香港可以好快回復平靜。
Do姐亦話記得自己同迪偉講過，自己係一個娛樂人，喺一個崩緊嘅情況下，佢覺得自己要做好自己嘅責任，《口水多過浪花》係一個娛樂開心嘅節目，喺現時嘅氣氛之下，佢哋要發揮自己嘅作用。Do姐相信大家有好多情緒，希望聽眾喺呢個半小時嘅節目入面，可以輕鬆返同開心少少，盡返自己今日嘅責任。

---

歡迎光臨 娛樂滿紛 26FUN (http://26fun.com/bbs7/)

Powered by Discuz! 7.0.0