娛樂滿紛 26FUN - Powered by Discuz! Board

標題: 〔轉貼〕八六年轟動一時既海南島鹿回頭招魂事件[nep+] [打印本頁]

作者: 左輪仔 時間: 2005-4-26 03:44 PM 標題: 〔轉貼〕八六年轟動一時既海南島鹿回頭招魂事件[nep+]

大家有無聽過八六年轟動一時既海南島鹿回頭賓館招魂事件

八六年既新春, 大Ｘ旅行社一個女領隊帶團去海南島, 果時既海南島無咩夜生活,

所以女領隊響到左當地既當晚, (初一晚 )買左好多花生啤酒, 同班團友坐響空地樹, 傾下計談下心, 差唔多時間就返酒店休息, 并講定第朝幾點響酒店集合..

當中有兩個來自香港既單身男團友被編入一間房, 或者過慣夜生活既佢地, 太早訓唔著, 所以其中一個提議去附近一個叫小東海既海灘傾下計, 到達後, 一個響海灘玩沙, 執貝殼, 一個落左水游水...

過左陣, 執貝殼果個男仔發覺另外個男仔游游下水唔見左, 個男仔不以為意, 以為男仔游游下水可能上返岸返左酒店, 所以個男仔自己返酒店, 無匯合果個游左水既男仔.

第二日, 果個游左水既男仔仍然無返酒店, 領隊問起, 佢同房就話琴晚去過邊度邊度, 於是領隊同導遊都推算呢個男仔可能離開左去探佢響海南島既親戚, 商議後決定由個領隊留守酒店等個男仔, 導遊同其他團友繼續出去玩.

可惜直至個導遊玩完返黎, 個男仔仲未出現, 領隊同導遊最後決定報警, 結果, 響附近既小東海撈起條屍, 領隊同導遊認屍後, 証實係果個失蹤既男仔..

條屍撈起時, 全身白腫, 口同鼻孔都塞滿沙, 死狀恐怖. 由於新春期間醫院唔開, 所以條屍被逼運去佢地住既酒店, 開到最大既冷氣再用冰密封, 市政府同時亦通知死者響香港既家人儘快黎認屍. 可惜新年期間, 辦出入境手續好麻煩, 結果佢既家人延誤差唔多兩個禮拜先趕到去, 市政府解剖屍體後, 未等佢家人過黎就燒左條屍, 最後佢既家人獲旅行社三萬蚊既賠償, 佢家人亦將佢既骨灰帶返香港. 事情暫時好似告一段落..

兩個月後, 果間旅行社再派團去海南島, 領隊同樣係果個女仔, 同樣入住同一間酒店. 響第一晚, 個女領隊沖完涼後上床休息, 熄燈後突然聽到洗手間有花酒聲傳出, 女領隊可能因為太倦, 所以無理會照訓, 第二朝起身, 發覺自己唔係訓緊自己間床, 而係房間外既走廊...

第一反應當然嚇親, 下意識以為有賊, 於是立即檢視自己財物有無唔見, 結果一切安好, 女領隊心已經一怯, 不過都當無事發生.

同一日, 當女領隊帶完團友出外再返酒店後, 整團團友既行李發覺被離奇地掟出走廊. 果一晚, 女領隊上床準備休息, 當熄燈後, 女領隊清楚咁聽到外有人敲打, 夾雜一把聲: "領隊, 帶我返香港."

後來, 大Ｘ旅行社包架機, 載一班法師過去招魂同超渡, 報紙都有賣, 幾大陣象下. 後來件事平靜過來, 不過女領隊返到香港不停發惡夢, 有大師教佢 ,自己一個人住同一間酒店, 一間房, 第朝響死者遇難既地方將見到一個椰子, 將呢個椰子帶返香港就無事. 女領隊最後照做, 事情最後都完結. 到宜家,再無人敢住呢間酒店, 連服務生入夜都唔夠膽再入去.轉貼〕

[ Last edited by neptune1122 on 2005-4-26 at 06:49 PM ]

作者: lacadud 時間: 2005-4-26 05:11 PM

it is so scary><

歡迎光臨娛樂滿紛 26FUN (http://26fun.com/bbs7/)