娛樂滿紛 26FUN - Powered by Discuz! Board

標題: [旅遊區] 日本篇---日本旅遊須知 [打印本頁]

作者: william303 時間: 2005-6-14 11:36 AM 標題: 日本篇---日本旅遊須知

日本

貨幣: yen做單位, 每一百yen大概兌港幣$7, 紙幣有10000, 5000, 2000同1000 yen 4種, 硬幣有500, 100, 50, 10, 5同埋1 yen 6種, 當地機埸.銀行.兌換店都有得兌換, 不過手續費唔平, 所以最好先在香港兌換.

信用咭: 絕大部份信用咭都可以o係日本用到, VISA, MASTER,AMEX等等一概無問題..
電壓: 110v, 插頭係兩腳扁插, 酒店唔會有變壓器供應, 所以要自備.

時差: 快香港一小時..

語言: 日語, 簡單英文, 絕少會有人識中文, 不過唔緊要, 日文有好多漢字, 自己估估下都可以中8成..

簽證: 持BNO或特區護照人仕都可以免簽證停留30日..

退稅: 所有消費都要收5%消費稅, o係大型百貨公司拎番張單同埋出示passport去有關櫃台就可以退到稅..

電話: 日本電話制式唔同香港, 唔係gsm, 所以o係日本打電話, 一係買電話咭, 一係o係酒店打, 電話咭在便利店有售, 而公眾電話一共分3種,
公共電話 : 全身綠色(只可以日本打去日本)100. 10 yen及所有電話咭都o岩用
IC咭電話 : 機身灰色短平(可以打日本和長途電話)不過必需IC咭
國際電話 : 機身灰色而長(可打日本或長途電話)輔幣同電話咭都o岩用
香港國家號碼係001+852..

氣候: 日本氣候都幾極端, 一年都係分4季, 以東京為例, 最高可以去到38度, 最低亦可低至零下3度, 所以要睇清楚目的地o既氣候係點..

治安: 日本治安比較良好, 起碼比香港好, 所以好少有打劫, 搶劫等案件出現, 最多都係有痴漢姐..

環境: 非常之乾淨, 因為日本人係好守法o既, 所以絕少有垃圾會o係街邊出現, 平時鐘意比開千五蚊件垃圾o既人, 過到日本就唔好失體香港人喇..

交通: 日本地方大, 交通工具都相對咁多, 但主要有飛機. 內陸機. 新幹線. 地鉄. 電車. 的士. 巴士. 同埋租車, 的士就非必要都唔好撘喇, 因為撘一程的士車費隨時夠你買一部ps2, 而地鉄電車等的路線圖雖然非常複雜, 但因為都有唔少漢字幫補, 所以睇清楚記清楚邊個站轉車邊個站落車, 問題應該唔大..

購物

100yen店
絕對比香港o既10蚊店更大更有規模..有好多又實用..價值又遠遠超過100yen o既寶物o係入面

食

東京築地魚市場
批發到零售都有..
同埋都好平..三文魚一公斤只係$66....
一條百幾蚊...夠晒十個人食..
除o左三文魚...仲有其他海鮮..
$53就有一打pacific oyster..
不過o個度有d海鮮店只係做外賣..有d就設有堂食..

如果想去...可以o係市中心或circular quay撘的士約$38.5
拍賣時間由5:30開始....一般店6:30a.m-4:00p.m

住

溫泉旅館
箱根溫泉鄉
地址: 日本神奈川縣足柄下郡箱根町
箱根詳細地圖<--由日本箱根觀光協會提供
箱根因為地理環境影響.被好多山包圍住..做成o左佢有大量溫泉..而箱根之所以有箱根七湯之稱呢..就係咁解喇..箱根七湯包括有湯本.塔之澤.堂島.宮下.底倉.蘆之湯.古賀..溫泉區有勁多住宿地點..o岩晒d想一浸完就有得訓o既人..呢度有齊旅館.民宿.歐式民宿.青年旅館..總有一間o係就近..

行

日本JR路線圖
http://www.jr-odekake.net/eki/ro ... d=&size=2#jrmap

歡迎光臨娛樂滿紛 26FUN (http://26fun.com/bbs7/)