娛樂滿紛 26FUN - Powered by Discuz! Board

標題: 誰住過未重建前的秀茂坪？ [打印本頁]

作者: yanmatthew2006 時間: 2005-6-15 08:40 AM 標題: 誰住過未重建前的秀茂坪？

誰住過未重建前的秀茂坪？% ~1 t$ U. ]1 E+ Q2 M6 b( R

我舅父以前住29座.讀過明基小學同天主教小學.以前29座有檔叫源昌粉麵好正架.最鍾意食牛丸雲吞米加腩汁.仲有間叫典成餐廳D沙爹牛肉公仔麵好好味.以前住過起中秀茂坪的朋友應該有去過31座藝新買玩具卦？呢間可以算係中秀茂坪最大玩具鋪.之後有28座光華.最記得十幾年前起天主教放學落去銀雀餐廳條樓梯對出果度擺滿小販檔.有碗仔翅溝通粉.玩具蛋裝住的大菜糕.只賣8毫子.生菜魚肉加辣汁.仲有個四眼亞伯賣1.5杯豆漿.有個叫亞十的男人賣文具.我舅父就成日幫襯佢買香珠.每逢禮拜六日早上一定去31座三寶酒家飲茶.D炒米粉同水餃米好正.但係地方好污糟.每張檯有個痰罐.天花板仲有老鼠走黎走去.夜晚就去20座章記酒家食飯.我舅父最鍾意食完飯同D表兄弟出去門口個公園玩.唔經唔覺搬走了15年.好懷念我的童年日子.可惜29座已拆了. 我舅父剩係93年返過一次.因為我舅父搬了入新界.
. y, X& T9 T* Q! J8 \7 J" ]
希望大家講下自己以前在秀茂坪的事情.Thanks！

歡迎光臨娛樂滿紛 26FUN (http://26fun.com/bbs7/)