娛樂滿紛 26FUN - Powered by Discuz! Board

標題: [轉貼]搵暑期工笑話 [打印本頁]

作者: AE86 時間: 2005-7-15 01:00 PM 標題: [轉貼]搵暑期工笑話

有一日有個少年打去暑期工招募熱線搵暑期工做  以下就係佢地既對話.......

少年：喂!呢度係咪暑期工招募熱線?我想搵暑期工做...

職員：係呀!呢度係暑期工招募熱線!你想搵咩工呀?

少年：我由細都大都幾好呀不過我怕羞  唔敢講啵!!!

職員：你唔講  我幫唔到你啊!

少年：好啦!我想做..........聖誕老人!

職員：聖誕老人? 暑假冇呢d工作啊!

少年：我成日都發夢話我可以做聖誕老人姐姐  有冇聖誕老人做呀???

職員：冇啊暑假冇聖誕老人啊 ~ ~ ~

少年：啊 ~ ~ ~ 咁我做另外一樣啦!

職員：好呀你講!

少年：吾吾咁........我做派財神啦!

職員：暑假冇人派財神嫁啊!

少年：咁d人咪冇得發達?

職員：咁派財神呢d野係新年做嫁嗎!暑假邊度有人既姐?

少年：又冇呀?

少年：咁呀??? 賣野有冇呢?

職員：你早講啦!賣野有!

少年：我想賣暖爐!

職員：暑假冇人買暖爐啊 ! ~ ~ ~

少年：點解冇人買?

職員：暑假熱死啦啦  邊度有人買呀? 咁你賣咩呀? 係咪?

少年：呼!!! 我想做義工!

職員：啊!做義工呀嗎?咩都做唔收錢果d呀?係咪呀?

少年：係! 我做義工

職員：咁做義工  唔收錢  咩都做得啦!

少年：唔係我只係做一種義工!

職員：咩義工呀?

少年：派毛毯!

職員：乜暑假熱啦啦派毛毯黎做乜野姐?d阿公阿婆都唔會給啦熱到死  生熱痱果

      d啊  仲麻煩啊!

少年：又唔得呀?

職員：梗係唔得啦! 你諗清楚好唔好?

少年：做義工都諗清楚呀?

職員：梗係啦!唔洗諗呀? 你以為出黎做野好容易呀?

少年：我......想暑假工......可唔可以......開......[ 避寒中心 ] 呀?

職員：避咩寒中心姐!暑假熱死啦啦三廿幾度日日  避寒中心開左都冇人黎啦!

少年：扯鼻寒果d啊!

職員：你係咪玩野呀?

少年：你果d係咪幫人搵暑假工嫁?

職員：係  我一早都講左啦呢度係幫人搵暑假工!

少年：你呢d十成九都係呃我地d年青人去做暑假工  其實係要我地賣淫?

職員：我地冇賣淫啊 ~ ~ ~

少年：我知你一定係果d賣淫公司黎既  係咪?

職員：唔係  你唔好咁話我地  我地唔係咩果d賣淫公司!

少年：係都唔怕啊!

職員：點解?

少年：因為......我可以啊!

職員：咩話?你去賣淫?

少年：係呀!

職員：你賣咩淫呀你?

少年：笑淫淫 ee淫淫遊子淫  同岩  伸淫!

職員已經收線............

少年：喂!喂!喂!喂!喂!

少年：媽媽呢個熱線呃人既!

少年：喂!喂!喂!喂!喂!

少年亦已收線.........

作者: goshgod 時間: 2005-7-15 01:05 PM

呢個好似係前日架勢堂裡面做的故事
thank foｒ　ｓｈａｒｉｎｇ

作者: 周衡 時間: 2005-7-15 01:05 PM

呢個咪係森美小兒"架勢堂"既短劇囉　
聽果時我都覺得幾好笑

[ Last edited by 周衡 on 2005-7-15 at 01:11 PM ]

歡迎光臨娛樂滿紛 26FUN (http://26fun.com/bbs7/)