shehboy

大家唔好先落定論, 乜野有金牌係中國唔好, 無金牌又係中國唔好.

中國好多運動員細細個就被挑左去重點培訓, 成年可能返得屋企見父母一兩次, 攞到金牌算好彩, 其他好多攞唔到既"失敗者", 咁就一世. 唯有期望移居香港或外國代表其他國家出賽(你睇table tennis就知).
就算菲比斯點日練夜練, 都唔會見唔到父母啩, 而且佢十五歲至開始認真練水, 又係出於自願.

推廣全民運動係一件事, 但太過將金牌數目同國家榮辱掛鈎, 不惜一切地去追求, 又係另一回事.

中國攞超過半百金牌, 係唔係體育大國已無須爭論. 但田徑同游泳兩個主項合共只得一面金牌, 仍然好難同美國相提並論.

美國人出名自大, 希望中國人唔好步其後塵.

希望中國不但有多啲姚明, 多啲劉翔, 更有多啲講求文明和理性的國民.

shehboy

其實有樣野好唔明, 點解舉重, 拳擊, 柔道呢啲明明係單一項目, 但可以分唔同等級頒咁多面金牌, 但足球籃球十幾人打就只係得一面, 咁樣計金牌數目法, 係唔係公平?

舉重, 拳擊, 柔道可以依體重分咁多級, 咁籃球都應該分七呎以上級, 六呎半至七呎級, 六呎至六呎半級, 五呎半至六呎級... 到時亞洲國家都有機會摘金.

仲有, 應該加開四十歲以上組, 咁皮爾遜一定可拿table tennis金牌, Longo一定拿單車公路賽冠軍. 咁至達到鼓勵唔同年齡人士做運動的目的.