autod

Originally posted by mcsimon0574 at 2007-7-12 08:02 PM:
真係好多謝咁多位....多謝大家咁支持...

simon兄,唔好意思尋晚太眼瞓,今日先回你

兩個人一齊事實上冇可能每一件事都心靈相通,100%完全夾.
出世到依家經過左十幾或幾十年,每個人既部份性格同想法都成左型,唔係咁容易改甚至有可能改唔到添.
唔洗諗住將自己180度改變,因為唔實際亦唔需要,亦唔好諗住要100%控制人,過份大男人對大家關係唔會有好處.
有D人真係冇可能改,注定成世做臭脾氣既惡人,你上得黎呢度搵人傾就最少你未係呢種人.

最重要係盡量互相遷就,去做到最和諧,大家都愛對方就應該亦自然會去為對方設想.
你嬲果時下意識就想鬧人,你好簡單試下從你女朋友角度去諗,如果佢嬲又一味鬧你,你會有咩感受?
就當你鬧人舒服左,咁唔通你女朋友俾你鬧甚至打,你又會好舒服好安樂,一D都唔心痛?
唔係話乜都要公平,但唔好覺得女人聽聽話話任你點係應份,現代社會你想有幸福既關係就"己所不欲勿施於人"

依家既然知道TB係流既,咁大家都放心.
最重要係你要真係知道你女朋友對你遷就左幾多,連暴力都可以忍咁耐,證明佢都好愛你.
但唔好覺得佢對你既愛係"老奉",愛得深痛得深.

依家既然仲有機會,係時候表達你有幾愛佢.
我睇得出你地互相都深愛對方,只係性格上面有D不足,唔好俾自己斷送自己既幸福.
呢個月就算你有咩瑣碎事都可以上黎一齊分享,如果同戀愛冇關既咪去港男吹水囉.

autod

Originally posted by mcsimon0574 at 2007-7-12 11:38 PM:


ps :  我會張我每日所諗到既野.寫係依到..同大家分享..
大家有沒異議?

simon兄

相信只要係同你地呢段關係有關既事,版主同大家都會無任歡迎

努力

autod

Originally posted by trista_cheong at 2007-7-13 04:14 AM:

你肯share 我都不知幾多謝你呀~

幫妳搞旺個場
妳直頭愛死佢添啦

autod

Originally posted by mcsimon0574 at 2007-7-13 10:29 AM:
原來呢..揸車同拍拖個性質上係差唔多...

Wrong wrong wrong.
唔係差唔多,只係有D相同之處者.
車冇可能同女朋友比較架,車係機器呀大佬,冇感覺架.
你唔理部車,佢唔會唔開心,架車花左散左牌都唔會痛,賣左架車佢唔會喊住叫唔好.
點可能比較呢?千祈唔好咁樣諗呀.
日子長左兩個人既激情係會少左,但唔等於關係必然會淡左.
女朋友係有血有肉既人黎架,跌親會叫痛,俾自己心愛既人打就更痛.
唔好將女朋友當做車咁睇啦.

autod

Originally posted by mcsimon0574 at 2007-7-13 10:47 PM:
講個好消息比你地知呀.....

今日佢...

證明你女朋友真係好好好好好好好好好好好好,你再打佢你就唔係人,我一定打你小人
我唔會話最終都會係一齊,我只會話一切只睇SIMON兄你既造化

你比其他人找悔氣... 我唔知你既激動去到咩程度,但既然你女朋友咁講,睇黎你真係會 "女朋友係街俾人望就上前打人" 果種.....
唔好因為女朋友唔係介意你打佢,就諗住問題唔係呢度.
佢或者唔介意你打佢,但你更加錫佢既話佢只會更開心(除非你女朋友鍾意俾人打....)

繼續維持番之前個目標啦,做個理性D冷靜D既人,做個真正內外都錫你個好女朋友(老婆)既男人

autod

Originally posted by 艾力克 at 2007-7-14 12:11 AM:
死咯, 乜依個世界仲有d好成咁o既女仔

有時候,愛真係可以好盲目架...

autod

Originally posted by mcsimon0574 at 2007-7-16 11:10 PM:

我..咪又係咁...

依 幾日都慢慢...

試下咁啦,唔好打俾佢,淨係SEND SMS.......
都要下D決心架喇